________________
३६९
प० ५ उक्कोसगुणकालय०] सुत्तागमे भाणियव्वं ॥ २७५ ॥ जहन्नपएसियाणं भंते ! खंधाणं पुच्छा । गोयमा ! अणंता मजवा पन्नत्ता । से केणटेणं भंते! एवं वुच्चइ० ? गोयमा ! जहन्नपएसिए खंधे जहन्नपएसियस्स खंधस्स दव्वट्ठयाए तुल्ले, पएसठ्ठयाए तुल्ले, ओगाहणट्ठयाए सिय हीणे सिय तुल्ले सिय अब्भहिए । जइ हीणे पएसहीणे, अह अब्भहिए पएसअब्भहिए । ठिईए चउट्ठाणवडिए । वन्नगंधरसउवरिल्लचउफासपज्जवेहिं छट्ठाणवडिए । उक्कोसपएसियाणं भंते ! खंधाणं पुच्छा । गोयमा ! अणंता० । से केणटेणं भंते ! एवं बुच्चइ० ? गोयमा ! उक्कोसपएसिए खंधे उक्कोसपएसियस्स खंधस्स दव्वठ्याए तुल्ले, पएसट्टयाए तुल्ले, ओगाहणट्ठयाए चउट्ठाणवडिए, ठिईए चउट्ठाणवडिए, वण्णाइअट्ठफासपजवेहि य छट्ठाणवडिए । अजहन्नमणुक्कोसपएसियाणं भंते ! खंधाणं केवइया पजवा पन्नत्ता ? गोयमा ! अणंता० । से केणटेणं० ? गोयमा ! अजहन्नमणुकोसपएसिए खंधे अजहन्नमणुक्कोसपएसियस्स खंधस्स दव्वट्ठयाए तुल्ले, पएसट्ठयाए छठाणबडिए, ओगाहणट्ठयाए चउट्ठाणवडिए, ठिईए चउठाणवडिए, वण्णाइअट्ठफासपज्जवेहि य छट्ठाणवडिए ॥ २७६ ॥ जहन्नोगाहणगाणं भंते ! पोग्गलाणं पुच्छा । गोयमा ! अणंता० । से केपट्टेणं० ? गोयमा ! जहन्नोगाहणए पोग्गले जहन्नोगाहणगस्स पोग्गलस्स दव्वट्ठयाए तुल्ले, पएसठ्ठयाए छट्ठाणवडिए, ओगाहणट्टयाए तुल्ले, ठिईए चउट्ठाणवडिए, वण्णाइउवरिल्लफासेहि य छट्ठाणवडिए । उक्कोसोगाहणए वि एवं चेव, नवरं ठिईए तुल्ले । अजहन्नमणुक्कोसोगाहणगाणं भंते ! पोग्गलाणं पुच्छा । गोयमा ! अणंता० । से केणटेणं० ? गोयमा ! अजहन्नमणुक्कोसोगाहणए पोग्गले अजहन्नमणुक्कोसोगाहणगस्स पोग्गलस्स दव्वट्ठयाए तुल्ले, पएसट्टयाए छट्ठाणवडिए, ओगाहणट्ठयाए चउट्ठाणवडिए, ठिईए चउट्ठाणवडिए, वण्णाइअट्ठफासपज्जवेहि य छटाणवडिए ॥ २७७ ॥ जहन्नठिइयाणं भंते ! पोग्गलाणं पुच्छा । गोयमा ! अणंता० । से केपट्टेणं० ? गोयमा ! जहन्नठिइए पोग्गले जहन्नठिइयस्स पोग्गलस्स दव्वट्ठयाए तुल्ले, पएसट्ठयाए छठ्ठाणवडिए, ओगाहणठ्ठयाए चउट्ठाणवडिए, ठिईए तुल्ले, वण्णाइअट्ठफासपजवेहि य छट्ठाणवडिए । एवं उक्कोसठिइए वि । अजहन्नमणुकोसठिइए वि एवं चेव, नवरं ठिईए वि चउट्ठाणवडिए ॥२७८॥ जहन्नगुणकालयाणं भंते ! पोग्गलाणं केवइया पनवा पन्नत्ता ? गोयमा ! अणंता० । से केगटेणं० ? गोयमा ! जहन्नगुणकालए पोग्गले जहन्नगुणकालयस्स पोग्गलस्स दवट्ठयाए तुल्ले, पएसट्टयाए छठाणवडिए, ओगाहणठ्ठयाए चउट्ठाणवडिए, ठिईए चउट्ठाणवडिए, कालवन्नपज्जवेहिं तुल्ले, अवसेसेहिं वन्नगंधरसफासपजवेहि य छटाणवडिए, से तेणटेणं गोयमा ! एवं वुच्चइ–'जहन्नगुणकालयाणं पोग्गलाणं अणंता पन्जवा पन्नत्ता' । एवं
२४ सुत्ता.
