________________
सुत्तागमे
[पण्णवणासुक्तं पोग्गले जहन्नगुणसीयस्स परमाणुपुग्गलस्स दव्वठ्ठयाए तुल्ले, पएसट्ठयाए तुल्ले, ओगाहणट्ठयाए तुल्ले, ठिईए चउट्ठाणवडिए, वन्नगंधरसेहिं छट्ठाणवडिए, सीयफासपज्जवेहि य तुल्ले, उसिणफासो न भण्णइ, निद्धलुक्खफासपजवेहि य छट्ठाणवडिए। एवं उक्कोसगुणसीए वि । अजहन्नमणुक्कोसगुणसीए वि एवं चेव, नवरं सट्ठाणे छट्ठाणवडिए। जहन्नगुणसीयाणं दुपएसियाणं पुच्छा। गोयमा ! अणंता पजवा पन्नत्ता। से केणद्वेणं भंते ! एवं वुच्चइ० १ गोयमा ! जहन्नगुणसीए दुपएसिए जहन्नगुणसीयस्स दुपए सियस्स दव्वठ्ठयाए तुल्ले, पएसठ्ठयाए तुल्ले, ओगाहणठ्ठयाए सिय हीणे सिय तुल्ले सिय अब्भहिए। जइ हीणे पएसहीणे, अह अब्भहिए पएसअब्भहिए। ठिईए चउट्ठाणवडिए, वन्नगंधरसपज्जवेहिं छट्ठाणवडिए, सीयफासपज्जवेहिं तुल्ले, उसिणनिद्धलुक्खफासपज्जवेहिं छट्ठाणवडिए। एवं उक्कोसगुणसीए वि । अजहन्नमणुक्कोसगुणसीए वि एवं चेव, नवरं सट्ठाणे छट्ठाणवडिए। एवं जाव दसपएसिए, णवरं ओगाहणठ्ठयाए पएसपरिवुड्डी कायव्वा जाव दसपएसियस्स नव पएसा वुड्डिजति । जहन्नगुणसीयाणं संखिज्जपएसियाणं पुच्छा । गोयमा ! अणता पन्जवा पन्नत्ता। से केणटेणं भंते ! एवं वुच्चइ० ? गोयमा ! जहन्नगुणसीए संखिजपएसिए जहन्नगुणसीयस्स संखिज्जपएसियस्स दव्वट्ठयाए तुल्ले, पएसट्टयाए दुट्ठाणवडिए, ओगाहणट्ठयाए दुट्ठाणवडिए, ठिईए चउट्ठाणवडिए, वण्णाईहिं छठ्ठाणवडिए, सीयफासपज्जवेहिं तुल्ले, उसिणनिद्धलुक्खेहिं छट्ठाणवडिए। एवं उक्कोसगुणसीए वि। अजहन्नमणुक्कोसगुणसीए वि एवं चेव, नवरं सहाणे छट्ठाणवडिए। जहन्नगुणसीयाणं असंखिजपएसियाणं पुच्छा। गोयमा ! अणंता पजवा पन्नत्ता। से केणटेणं भंते ! एवं वुच्चइ० ? गोयमा ! जहन्नगुणसीए असंखिजपएसिए जहन्नगुणसीयस्स असंखिजपएसियस्स दव्वळुयाए तुल्ले, पएसठ्ठयाए चउट्ठाणवडिए, ओगाहणट्टयाए चउट्ठाणवडिए, ठिईए चउट्ठाणवडिए, वण्णाइपज्जवेहिं छट्ठाणवडिए, सीयफासपज्जवेहिं तुल्ले, उसिणनिद्धलुक्खफासपज्जवेहिं छठाणवडिए। एवं उक्कोसगुणसीए वि। अजहन्नमणुक्कोसगुणसीए वि एवं चेव, णवरं सट्ठाणे छट्ठाणवडिए। जहन्नगुणसीयाणं अणंतपएसियाणं पुच्छा । गोयमा ! अणंता पजवा पन्नत्ता। से केणटेणं भंते ! एवं वुच्चइ० ? गोयमा ! जहन्नगुणसीए अणंतपएसिए जहन्नगुणसीयस्स अणंतपएसियस्स दवट्ठयाए तुल्ले, पएसट्ठयाए छट्ठाणवडिए, ओगाहणट्टयाए चउट्ठाणवडिए, ठिईए चउट्ठाणवडिए, वण्णाइपज्जवेहिं छट्ठाणवडिए, सीयफासपजवेहिं तुल्ले, अवसेसेहिं सत्तफासपज्जवेहिं छट्ठाणवडिए। एवं उक्कोसगुणसीए वि। अजहन्नमणुक्कोसगुणसीए वि एवं चेव, नवरं सहाणे छठ्ठाणवडिए । एवं उसिणनिद्धलुक्खे जहा सीए । परमाणुपोग्गलस्स तहेव पडिवक्खो सव्वेसिं न भण्णइ त्ति
