________________
प० ५ ज० परमाणुपोग्गल०] सुत्तागमे
३६७ गुणकालए वि । अजहन्नमणुक्कोसगुणकालए वि एवं चेव, नवरं सट्ठाणे छट्ठाणवडिए। एवं जाव दसपएसिए, नवरं पएसपरिवुड्डी ओगाहणाए तहेव। जहन्नगुणकालयाणं भंते ! संखिज्जपएसियाणं पुच्छा। गोयमा ! अणंता पजवा पन्नत्ता। से केणटेणं भंते ! एवं वुच्चइ० ? गोयमा ! जहन्नगुणकालए संखिजपएसिए जहन्नगुणकालयस्स संखिज्जपएसियस्स दव्वट्ठयाए तुल्ले, पएसट्टयाए दुट्टाणवडिए, ओगाहणट्टयाए दुट्ठाणवडिए, ठिईए चउठाणवडिए, कालवन्नपजवेहिं तुल्ले, अवसेसेहिं वण्णाइउवरिल्लचउफासेहि य छट्ठाणवडिए । एवं अजहन्नमणुक्कोसगुणकालए वि, नवरं सट्ठाणे छट्ठाणवडिए। जहन्नगुणकालयाणं भंते ! असंखिज्जपएसियाणं पुच्छा । गोयमा ! अणंता पज्जवा पन्नत्ता। से केण?णं भंते ! एवं वुच्चइ० ? गोयमा ! जहन्नगुणकालए असंखिजपएसिए जहन्नगुणकालयस्स असंखिज्जपएसियस्स दव्वट्ठयाए तुल्ले, पएसट्टयाए चउट्ठाणवडिए, ठिईए चउट्ठाणवडिए, कालवन्नपज्जवेहिं तुले, अवसेसेहिं वण्णाइउवरिल्लचउफासेहि य छट्ठाणवडिए, ओगाहणट्ठयाए चउट्ठाणवडिए । एवं उक्कोसगुणकालए 'वि । अजहन्नमणुक्कोसगुणकालए वि एवं चेव, नवरं सट्ठाणे छट्ठाणवडिए। जहन्नगुणकालयाणं भंते ! अणंतपएसियाणं पुच्छा। गोयमा ! अणंता पज्जवा पन्नत्ता । से केण?णं भंते ! एवं वुच्चइ० ? गोयमा ! जहन्नगुणकालए अणंतपएसिए जहन्नगुणकालयस्स अणंतपएसियस्स दव्वट्ठयाए तुल्ले, पएसट्टयाए छठ्ठाणवडिए, ओगाहणट्ठयाए चउट्ठाणवडिए, ठिईए चउट्ठाणवडिए, कालवन्नपज्जवेहिं तुल्ले, अवसेसेहिं वन्नाइअट्ठफासेहि य छट्ठाणवडिए। एवं उक्कोसगुणकालए वि। अजहन्नमणुक्कोसगुणकालए वि एवं चेव, नवरं सट्ठाणे छट्ठाणवडिए। एवं नीललोहियहालिसुकिल्लसुब्भिगंधदुन्भिगंधतित्तकडुकसायअंबिलमहुररसपज्जवेहि य वत्तव्वया भाणियव्वा, नवरं परमाणुपोग्गलस्स सुब्भिगंधस्स दुब्भिगंधो न भण्णइ, दुब्भिगंधस्स सुब्भिगंधो न भण्णइ, तित्तस्स अवसेसं न भण्णइ, एवं कडुयाईण वि, अवसेसं तं चेव । जहन्नगुणकक्खडाणं अणंतपएसियाणं खंधाणं पुच्छा। गोयमा ! अणंता पजवा पन्नत्ता। से केणटेणं भंते ! एवं वुच्चइ० ? गोयमा ! जहन्नगुणकक्खडे अणंतपएसिए जहन्नगुणकक्खडस्स अणंतपएसियस्स दव्वट्ठयाए तुल्ले, पएसठ्ठयाए छट्ठाणवडिए, ओगाहणट्ठयाए चउट्ठाणवडिए, ठिईए चउट्ठाणवडिए, वन्नगंधरसेहिं छट्ठाणवडिए, कक्खडफासपज्जवेहिं तुल्ले, अवसेसेहिं सत्तफासपज्जवेहिं छट्ठाणवडिए। एवं उक्कोसगुणकक्खडे वि । अजहन्नमणुक्कोसगुणकक्खडे वि एवं चेव, नवरं सट्ठाणे छट्ठाणवडिए। एवं मउयगुरुयलहुए वि भाणियव्वे । जहन्नगुणसीयाणं भंते ! परमाणुपोग्गलाणं पुच्छा। गोयमा ! अणंता पज्जवा पन्नत्ता। से केणटेणं भंते ! एवं वुच्चइ० ? गोयमा ! जहन्नगुणसीए परमाणु
