________________
सुत्तागमे
[पण्णवणासुतं छठाणवडिए, ओगाहणट्ठयाए दुट्टाणवडिए, ठिईए चउट्ठाणवडिए, वण्णाइउवरिल्लचउफासेहि य छट्ठाणवडिए। असंखेजपएसोगाढाणं पुच्छा। गोयमा ! अणंता पज्जवा पन्नत्ता। से केणटेणं भंते ! एवं वुच्चइ० ? गोयमा ! असंखेजपएसोगाढे पोग्गले असंखेजपएसोगाढस्स पोग्गलस्स दव्वठ्ठयाए तुल्ले, पएसट्टयाए छट्ठाणवडिए, ओगाहणट्ठयाए चउट्ठाणवडिए, ठिईए चउट्ठाणवडिए, वण्णाइअट्ठफासेहिं छट्ठाणवडिए ॥२७०॥ एगसमयठिइयाणं पुच्छा। गोयमा ! अणंता पज्जवा पन्नत्ता । से केणटेणं भंते ! एवं वुच्चइ० ? गोयमा ! एगसमयठिइए पोग्गले एगसमयठिइयस्स पोग्गलस्स दवट्ठयाए तुल्ले, पएसट्टयाए छट्ठाणवडिए, ओगाहणट्ठयाए चउट्ठाणवडिए, ठिईए तुल्ले, वण्णाइअट्ठफासेहिं छट्ठाणवडिए। एवं जाव दससमयठिइए। संखेजसमयठिइयाणं एवं चेव, णवरं ठिईए दुट्ठाणवडिए । असंखेज्जसमयठिइयाणं एवं चेव, नवरं ठिईए चउट्ठाणवडिए॥ २७१॥ एकगुणकालगाणं पुच्छा। गोयमा ! अणंता पज्जवा पन्नत्ता। से केण?णं भंते ! एवं वुच्चइ० ? गोयमा ! एकगुणकालए पोग्गले एकगुणकालगस्स पोग्गलस्स व्वट्ठयाए तुल्ले, पएसट्टयाए छठ्ठाणवडिए, ओगाहणट्ठयाए चउट्ठाणवडिए, ठिईए चउट्ठाणवडिए, कालवन्नपज्जवेहिं तुल्ले, अवसेसेहिं वन्नगंधरसफासपज्जवेहिं छट्ठाणवडिए, अट्ठहिं फासेहिं छट्ठाणवडिए। एवं जाव दसगुणकालए। संखेजगुणकालए वि एवं चेव, नवरं सट्ठाणे दुट्ठाणवडिए । एवं असंखेजगुणकालए वि, नवरं सट्ठाणे चउट्ठाणवडिए। एवं अणंतगुणकालए वि, नवरं सट्ठाणे छट्ठाणवडिए। एवं जहा कालवन्नस्स वत्तव्वया भणिया तहा सेसाण वि वन्नगंधरसफासाणं वत्तव्वया भाणियव्वा जाव अणंतगुणलुक्खे ॥ २७२ ॥ जहन्नोगाहणगाणं भंते ! दुपएसियाणं पुच्छा । गोयमा ! अणंता पज्जवा पन्नत्ता। से केणटेणं भंते ! एवं वुच्चइ० ? गोयमा ! जहन्नोगाहणए दुपएसिए खंधे जहन्नोगाहणस्स दुपएसियस्स खंधस्स दव्वट्ठयाए तुल्ले, पएसट्टयाए तुल्ले, ओगाहणट्ठयाए तुल्ले, ठिईए चउट्ठाणवडिए, कालवन्नपज्जवेहि छट्ठाणवडिए, सेसवन्नगंधरसपजवेहिं छट्ठाणवडिए, सीयर सिणणिद्धलुक्खफासपज्जवेहि छट्ठाणवडिए, से तेणटेणं गोयमा! एवं वुच्चइ-'जहन्नोगाहणगाणं दुपएसियाणं पोग्गलाणं अणंता पजवा पन्नत्ता'। उक्कोसोगाहणए वि एवं चेव । अजहन्नमणुक्कोसोगाहणओ नत्थि । जहन्नोगाहणयाणं भंते ! तिपएसियाणं पुच्छा। गोयमा ! अणंता पज्जवा पन्नत्ता। से केणटेणं भंते ! एवं वुच्चइ० ? गोयमा ! जहा दुपएसिए जहन्नोगाहणए, उक्कोसोगाहणए वि एवं चेव, एवं अजहन्नमणुक्कोसोगाहणए वि । जहन्नोगाहणयाणं भंते ! चउपएसियाणं पुच्छा। गोयमा ! जहा जहन्नोगाहणए दुपएसिए तहा जहन्नोगाहणए चउप्पएसिए, एवं जहा उक्कोसोगाहणए दुपए सिए तहा उक्कोसोगाहणए
