________________
५०५ संखिज्जपएसोगाढ०]
सुत्तागमे
अणंतगुणहीणे वा । अह अब्भहिए अणंतभागअब्भहिए वा असंखिजइभागअब्भहिए वा संखिजभागअन्भहिए वा संखिज्जगुणअब्भहिए वा असंखिजगुणअब्भहिए. वा अणंतगुणअब्भहिए वा । एवं अवसेसवन्नगंधरसफासपज्जवेहिं छट्ठाणवडिए । फासाणं सीयउसिणनिद्धलुक्खेहिं छट्ठाणवडिए, से तेणटेणं गोयमा ! एवं वुच्चइ'परमाणुपोग्गलाणं अणंता पज्जवा पन्नत्ता' । दुपएसियाणं पुच्छा। गोयमा ! अणंता पजवा पन्नत्ता । से केणटेणं भंते ! एवं वुच्चइ० ? गोयमा ! दुपएसिए दुपएसियस्स दव्वट्ठयाए तुल्ले, पएसट्टयाए तुल्ले, ओगाहणट्टयाए सिय हीणे सिय तुल्ले सिय अब्भहिए । जइ हीणे पएसहीणे, अह अब्भहिए पएसमब्भहिए। ठिईए चउट्ठाणवडिए. वन्नाईहिं उवरिल्लेहिं चउफासेहि य छट्ठाणवडिए । एवं तिपएसिए वि, नवरं ओगाहणट्ठयाए सिय हीणे सिय तुल्ले सिय अब्भहिए । जइ हीणे पएसहीणे वा दुपएसहीणे वा, अह अब्भहिए पएसमब्भहिए वा दुपएसमब्भहिए वा । एवं जाव दसपएसिए, नवरं ओगाहणाए पएसपरिवुड्डी कायव्वा जाव दसपएसिए, नवरं नवपएसहीण त्ति । संखेजपएसियाणं पुच्छा । गोयमा ! अणंता पज्जवा पन्नत्ता । से केणटेणं भंते ! एवं वुच्चइ० ? गोयमा ! संखेजपएसिए संखेजपएसियस्स दव्वट्ठयाए तुल्ले, पएसट्ठयाए सिय हीणे सिय तुल्ले सिय अब्भहिए। जइ हीणे संखेजभागहीणे वा संखेजगुणहीणे वा, अह अब्भहिए एवं चेव । ओगाहणट्ठयाए वि दुट्ठाणवडिए, ठिईए चउट्ठाणवडिए, वण्णाइउवरिल्लचउफासपज्जवेहि य छट्ठाणवडिए । असंखिजपएसियाणं पुच्छा । गोयमा ! अणंता पज्जवा पन्नत्ता । से केणटेणं भंते ! एवं वुच्चइ० ? गोयमा! असंखिजपएसिए खंधे असंखिज्जपएसियस्स खंधस्स दव्वट्ठयाए तुल्ले, पएसठ्ठयाए चउट्ठाणवडिए, ओगाहणट्ठयाए चउट्ठाणवडिए, ठिईए चउट्ठाणवडिए, वण्णाइउवरिल्लचउफासेहि य छट्ठाणवडिए । अणंतपएसियाणं पुच्छा। गोयमा ! अणंता पजवा पन्नत्ता । से केणटेणं भंते ! एवं वुच्चइ० ? गोयमा ! अणंतपएसिए खंधे अणंतपएसियस्स खंधस्स दव्वट्ठयाए तुल्ले, पएसट्ठयाए छट्ठाणवडिए, ओगाहणट्ठयाए चउट्ठाणवडिए, ठिईए चउट्ठाणवडिए, वन्नगंधरसफासपजवेहिं छट्ठाणवडिए ॥२६९॥ एगपएसोगाढाणं पोग्गलाणं पुच्छा । गोयमा ! अणंता पजवा पन्नत्ता। से केणढेणं भंते ! एवं बुच्चइ० ? गोयमा! एगपएसोगाढे पोग्गले एगपएसोगाढस्स पोग्गलस्स दव्वट्ठयाए तुल्ले, पएसट्टयाए छट्ठाणवडिए, ओगाहणट्ठयाए तुल्ले, ठिईए चउट्ठाणवडिए, वण्णाइउवरिलचउफासेहिं छट्ठाणवडिए। एवं दुपएसोगाढे वि । संखिजपएसोगाढाणं पुच्छा। गोयमा ! अणंता पजवा पन्नत्ता। से केण?णं भंते ! एवं वुच्चइ० ? गोयमा ! संखिजपएसोगाढे पोग्गले संखिज्जपएसोगाढस्स पोग्गलस्स दव्वट्ठयाए तुल्ले, पएसट्ठयाए
