________________
३६२
सुत्तागमे
[पण्णवणासुतं
ओहिनाणी । जत्थ नाणा तत्थ अन्नाणा नत्थि, जत्थ अन्नाणा तत्थ नाणा नत्थि, जत्थ दसणा तत्थ नाणा वि अन्नाणा वि । केवलनाणीणं भंते ! मणुस्साणं केवइया पजवा पन्नत्ता ? गोयमा ! अणंता पजवा पन्नत्ता । से केणटेणं भंते! एवं वुच्चइ'केवलनाणीणं मणुस्साणं अणंता पज्जवा पन्नत्ता' ? गोयमा ! केवलनाणी मणूसे केवलनाणिस्स मणूसस्स दव्वट्ठयाए तुल्ले, पएसट्टयाए तुल्ले, ओगाहणठ्ठयाए चउट्ठाणवडिए, ठिईए तिट्ठाणवडिए, वन्नगंधरसफासपज्जवेहिं छटाणवडिए, केवलनाणपज्जवेहिं केवलदसणपजवेहि य तुल्ले । एवं केवलदसणी वि मणूसे भाणियव्वे । वाणमंतरा जहा असुरकुमारा । एवं जोइसियवेमाणिया, नवरं सट्ठाणे ठिईए तिट्ठाणवडिए भाणियन्वे । सेत्तं जीवपज्जवा ॥ २६५ ॥ अजीवपजवा णं भंते ! कइविहा पन्नत्ता ? गोयमा ! दुविहा पन्नत्ता । तंजहा-रूविअजीवपजवा य अरूविअजीवपज्जवा य ॥ २६६ ॥ अरूविअजीवपज्जवा णं भंते ! कइविहा पन्नत्ता ? गोयमा ! दसविहा पन्नत्ता । तंजहा-धम्मत्थिकाए, धम्मत्थिकायस्स देसे, धम्मत्थिकायस्स पएसा, अहम्मत्थिकाए, अहम्मत्थिकायस्स देसे, अहम्मत्थिकायस्स पएसा, आगासत्थिकाए, आगासत्थिकायस्स देसे, आगासत्थिकायस्स पएसा, अद्धासमए ॥ २६७ ॥ रूविअजीवपज्जवा णं भंते ! कइविहा पन्नत्ता ? गोयमा ! चउव्विहा पन्नत्ता । तंजहाखंधा, खंधदेसा, खंधपएसा, परमाणुपुग्गला । ते णं भंते ! किं संखेज्जा असंखेजा अणंता ? गोयमा ! नो संखेजा, नो असंखेज्जा, अणंता । से केणढेणं भंते ! एवं वुच्चइ-'नो संखेजा, नो असंखेज्जा, अणंता' ? गोयमा ! अणंता परमाणुपुग्गला, अणंता दुपएसिया खंधा जाव अणंता दसपएसिया खंधा, अणंता संखेजपएसिया खंधा, अणंता असंखेजपएसिया खंधा, अणंता अणंतपएसिया खंधा, से तेणटेणं गोयमा ! एवं वुच्चइ-'ते णं नो संखेजा, नो असंखेजा, अणंता' ॥ २६८ ॥ परमाणुपोग्गलाणं भंते ! केवइया पज्जवा पन्नत्ता ? गोयमा ! परमाणुपोग्गलाणं अणंता पज्जवा पन्नत्ता । से केणटेणं भंते ! एवं वुच्चइ-‘परमाणुपुग्गलाणं अणंता पज्जवा पन्नत्ता' ? गोयमा ! परमाणुपुग्गले परमाणुपोग्गलस्स दव्वट्ठयाए तुल्ले, पएसट्टयाए तुल्ले, ओगाहणट्ठयाए तुल्ले, ठिईए सिय हीणे सिय तुल्ले सिय अन्भहिए। जइ हीणे असंखिज्जइभागहीणे वा संखिज्जइभागहीणे वा संखिज्जइगुणहीणे वा असंखिज्जइगुणहीणे वा । अह अब्भहिए असंखिज्जइभागअब्भहिए वा संखिज्जइभागअब्भहिए वा संखिजगुणअब्भहिए वा असंखिजगुणअब्भहिए वा। कालवन्नपज्जवेहिं सिय हीणे सिय तुल्ले सिय अब्भहिए । जइ हीणे अणंतभागहीणे वा असंखिजइभागहीणे वा संखिज्जइभागहीणे वा संखिज्जगुणहीणे वा असंखिज्जगुणहीणे वा
