________________
प० ५ ज० दुपएसिय०] सुत्तागमे चउप्पएसिए वि। एवं अजहन्नमणुक्कोसोगाहणए वि चउप्पएसिए,णवरं ओगाहणट्ठयाए सिय हीणे सिय तुल्ले सिय अब्भहिए। जइ हीणे पएसहीणे, अह अब्भहिए पएसअब्भहिए । एवं जाव दसपएसिए णेयव्वं, णवरं अजहण्णुक्कोसोगाहणए पएसपरिवुड्डी कायव्वा जाव दसपएसियस्स सत्त पएसा परिवड्डिजति। जहन्नोगाहणगाणं भंते ! संखेजपएसियाणं पुच्छा । गोयमा ! अणंता पजवा पन्नत्ता । से केणटेणं भंते ! एवं वुच्चइ० ? गोयमा ! जहन्नोगाहणए संखेजपएसिए जहन्नोगाहणगस्स संखेजपएसियस्स दव्वट्ठयाए तुल्ले, पएसट्टयाए दुट्टाणवडिए, ओगाहणट्ठयाए तुल्ले, ठिईए चउट्ठाणवडिए, वण्णाइचउफासपज्जवेहि य छट्ठाणवडिए । एवं उक्कोसोगाहणए वि । अजहन्नमणुक्कोसोगाहणए वि एवं चेव, णवरं सट्ठाणे दुट्ठाणवडिए। जहन्नोगाहणगाणं भंते ! असंखिज्जपएसियाणं पुच्छा। गोयमा ! अणंता पज्जवा पन्नत्ता । से केणढेणं भंते ! एवं वुच्चइ० ? गोयमा ! जहन्नोगाहणए असंखिज्जपएसिए खंधे जहन्नोगाहणगस्स असंखिज्जपएसियस्स खंधस्स दव्वट्ठयाए तुल्ले, पएसठ्ठयाए चउठाणवडिए, ओगाहणट्टयाए तुल्ले, ठिईए चउट्ठाणवडिए, वण्णाइउवरिल्लफासेहि य छट्ठाणवडिए । एवं उक्कोसोगाहणए वि। अजहन्नमणुक्कोसोगाहणए वि एवं चेव, नवरं सट्ठाणे चउट्ठाणवडिए । जहन्नोगाहणगाणं भंते ! अणंतपएसियाणं पुच्छा। गोयमा ! अणंता पज्जवा पन्नत्ता। से केणढेणं भंते ! एवं वुच्चइ० ? गोयमा ! जहन्नोगाहणए अणंतपएसिए खंधे जहन्नोगाहणस्स अणंतपएसियस्स खंधस्स दव्वट्ठयाए तुले, पएसट्टयाए छट्ठाणवडिए, ओगाहणट्टयाए तुल्ले, ठिईए चउट्ठाणवडिए, वण्णाइउवरिलचउफासेहिं छट्ठाणवडिए । उक्कोसोगाहणए वि एवं चेव, नवरं ठिईए वि तुल्ले। अजहन्नमणुक्कोसोगाहणगाणं भंते ! अणंतपएसियाणं पुच्छा। गोयमा ! अणंता पजवा पन्नत्ता । से केणढेणं भंते! एवं वुच्चइ० ? गोयमा ! अजहन्नमणुक्कोसोगाहणए अणंतपएसिए खंधे अजहन्नमणुकोसोगाहणगस्स अणंतपएसियस्स खंधस्स दव्वट्ठयाए तुल्ले, पएसट्टयाए छठाणवडिए, ओगाहणट्टयाए चउट्ठाणवडिए; ठिईए चउट्ठाणवडिए, वण्णाइअट्ठफासेहिं छट्ठाणवडिए ॥ २७३ ॥ जहन्नट्ठिइयाणं भंते ! परमाणुपुग्गलाणं पुच्छा । गोयमा ! अणंता पजवा पन्नत्ता। से केण?णं भंते ! एवं वुच्चइ० ? गोयमा ! जहन्नठिइए परमाणुपोग्गले जहन्नठिइयस्स परमाणुपोग्गलस्स दव्वट्ठयाए तुल्ले, पएसट्टयाए तुल्ले, ओगाहणठ्याए तुल्ले, ठिईए तुल्ले, वण्णाइदुफासेहि य छट्ठाणवडिए । एवं उक्कोसठिइए वि । अजहन्नमणुक्कोसठिइए वि एवं चेव, नवरं ठिईए चउट्ठाणवडिए । जहन्नठिइयाणं दुपएसियाणं पुच्छा । गोयमा ! अणता पजवा पन्नत्ता । से केणटेणं भंते ! एवं वुच्चइ० ? गोयमा ! जहन्नठिइए दुपएसिए जहन्नठिइयस्स दुपएसियस्स दव्वट्ठयाए तुल्ले, पएसट्टयाए तुल्ले, ओगाहणा
