________________
प० ५ अ० मइअण्णाणी०] सुत्तागमे असुरकुमारे जहन्नोगाहणस्स असुरकुमारस्स दव्वट्ठयाए तुल्ले, पएसट्ठयाए तुल्ले,
ओगाहणट्ठयाए तुल्ले, ठिईए चउट्ठाणवडिए, वन्नाईहिं छट्ठाणवडिए, आभिणिबोहियनाणपजवेहिं सुयनाणपज्जवहिं ओहिनाणपज्जवेहिं तिहिं अन्नाणेहिं तिहिं दंसणेहि य छट्ठाणवडिए । एवं उक्कोसोगाहणए वि । एवं अजहन्नमणुक्कोसोगाहणए वि, नवरं सट्ठाणे चउट्ठाणवडिए। एवं जाव थणियकुमारा ॥ २६१ ॥ जहन्नोगाहणाणं भंते ! पुढविकाइयाणं केवइया पजवा पन्नत्ता ? गोयमा ! अणंता पज्जवा पन्नत्ता। से केणटेणं भंते ! एवं वुच्चइ-'जहन्नोगाहणाणं पुढविकाइयाणं अणंता पजवा पन्नत्ता' ? गोयमा ! जहन्नोगाहणए पुढविकाइए जहन्नोगाहणस्स पुढविकाइयस्स दव्वट्ठयाए तुल्ले, पएसट्ठः याए तुल्ले, ओगाहणट्ठयाए तुल्ले, ठिईए तिट्ठाणवडिए, वन्नगंधरसफासपज्जवेहिं दोहिं अन्नाणेहिं अचक्खुदंसणपजवेहि य छट्ठाणवडिए । एवं उक्कोसोगाहणए वि। अजहन्नमणुक्कोसोगाहणए वि एवं चेव, नवरं सहाणे चउट्ठाणवडिए। जहन्नठिइयाणं पुढविकाइयाणं पुच्छा। गोयमा ! अणंता पज्जवा पन्नत्ता। से केणढेणं भंते ! एवं वुच्चइ-जहनठिइयाणं पुढविकाइयाणं अणंता पज्जवा पन्नत्ता' ? गोयमा ! जहन्नठिइए पुढविकाइए जहन्नठिइयस्स पुढविकाइयस्स दव्वट्ठयाए तुल्ले, पएसट्टयाए तुल्ले, ओगाहणठ्याए चउट्ठाणवडिए, ठिईए तुल्ले, वन्नगंधरसफासपजवेहिं मइअन्नाणपज्जवेहिं सुयअन्नाणपजवेहिं अचक्खुदंसणपज्जवेहिं छट्ठाणवडिए । एवं उक्कोसठिइए वि। अजहन्नमणुकोसठिइए वि एवं चेव, नवरं सट्ठाणे तिट्ठाणवडिए । जहन्नगुणकालयाणं भंते ! पुढविकाइयाणं पुच्छा। गोयमा ! अणंता पजवा पन्नत्ता । से केणटेणं भंते ! एवं वुच्चइ'जहन्नगुणकालयाणं पुढविकाइयाणं अणंता पज्जवा पन्नत्ता' ? गोयमा ! जहन्नगुणकालए पुढविकाइए जहन्नगुणकालयस्स पुढविकाइयस्स दव्वट्ठयाए तुल्ले, पएसट्टयाए तुल्ले,
ओगाहणट्ठयाए चउट्ठाणवडिए, ठिईए तिट्ठाणवडिए, कालवन्नपज्जवेहिं तुल्ले, अवसेसेहिं वन्नगंधरसफासपज्जवेहिं छट्ठाणवडिए दोहिं अन्नाणेहिं अचक्खुदंसणपज्जवेहि य छट्ठाणवडिए । एवं उक्कोसगुणकालए वि । अजहन्नमणुक्कोसगुणकालए वि एवं चेव, नवरं सट्ठाणे छट्ठाणवडिए। एवं पंच वन्ना दो गंधा पंच रसा अट्ठ फासा भाणियव्वा । जहन्नमइअन्नाणीणं भंते ! पुढविकाइयाणं पुच्छा । गोयमा ! अणंता पन्जवा पन्नत्ता। से केण?णं भंते ! एवं वुच्चइ-'जहन्नमइअन्नाणीणं पुढविकाइयाणं अणंता पज्जवा पन्नत्ता' ? गोयमा ! जहन्नमइअन्नाणी पुढविकाइए जहन्नमइअन्नाणिस्स पुढविकाइयस्स दव्वठ्ठयाए तुल्ले, पएसठ्ठयाए तुल्ले, ओगाहणट्ठयाए चउट्ठाणवडिए, ठिईए तिट्ठाणवडिए, वन्नगंधरसफासपजवेहिं छट्ठाणवडिए, मइअन्नाणपजवेहिं तुल्ले, सुयअन्नाणपजवेहिं अचक्खुदंसणपजवेहिं छट्ठाणवडिए। एवं उक्कोसमइअन्नाणी वि । अजहन्न
