________________
सुत्तागमे
[पण्णवणासुत्तं जहन्नगुणकालगाणं भंते ! नेरइयाणं केवइया पज्जवा पन्नत्ता ? गोयमा ! अणंता पज्जवा पन्नत्ता । से केणटेणं भंते ! एवं वुच्चइ-'जहन्नगुणकालगाणं नेरइयाणं अणंता पज्जवा पन्नत्ता' ? गोयमा ! जहन्नगुणकालए नेरइए जहन्नगुणकालगस्स नेरइयस्स दव्वट्ठयाए तुल्ले, पएसट्टयाए तुल्ले, ओगाहणट्टयाए चउट्ठाणवडिए, ठिईए चउठाणवडिए, कालवन्नपजवेहिं तुल्ले, अवसेसेहिं वन्नगंधरसफासपज्जवेहिं तिहिं नाणेहिं तिहिं अन्नाणेहिं तिहिं सणेहिं छट्ठाणवडिए, से एएणटेणं गोयमा ! एवं वुच्चइ-'जहन्नगुणकालगाणं नेरइयाणं अणंता पजवा पन्नत्ता' । एवं उक्कोसगुणकालए वि । अजहन्नमणुक्कोसगुणकालए वि एवं चेव, नवरं कालवन्नपजवेहिं छट्ठाणवडिए । एवं अवसेसा चत्तारि वन्ना दो गंधा पंच रसा अट्ठ फासा भाणियव्वा ॥ २५९ ॥ जहन्नाभिणिबोहियनाणीणं भंते ! नेरइयाणं केवइया पजवा पन्नत्ता? गोयमा ! जहन्नाभिणिबोहियनाणीणं नेरइयाणं अणंता पजवा पन्नत्ता । से केणटेणं भंते ! एवं वुच्चइ-'जहन्नाभिणिबोहियनाणीणं नेरइयाणं अणंता पजवा पन्नत्ता' ? गोयमा ! जहन्नाभिणिबोहियनाणी नेरइए जहन्नाभिणिबोहियनाणिस्स नेरइयस्स दव्वट्ठयाए तुल्ले, पएसठ्ठयाए तुल्ले, ओगाहणट्ठयाए चउट्ठाणवडिए, ठिईए चउट्ठाणवडिए, वन्नगंधरसफासपज्जवेहिं छट्ठाणवडिए, आभिणिबोहियनाणपज्जवहिं तुल्ले, सुयनाणपजवेहिं ओहिनाणपज्जवेहिं छट्ठाणवडिए, तिहिं ईसणेहिं छट्ठाणवडिए । एवं उक्कोसाभिणिबोहियनाणी वि । अजहन्नमणुकोसाभिणिबोहियनाणी वि एवं चेव, नवरं आभिणिबोहियनाणपज्जवेहिं सट्ठाणे छट्ठाणवडिए । एवं सुयनाणी ओहिनाणी वि, नवरं जस्स नाणा तस्स अन्नाणा नत्थि । जहा नाणा तहा अन्नाणा वि भाणियव्वा, नवरं जस्स अन्नाणा तस्स नाणा न भवंति । जहन्नचक्खुदंसणीणं भंते ! नेरइयाणं केवइया पजवा पन्नत्ता ? गोयमा ! अणंता पजवा पन्नत्ता । से केणटेणं भंते ! एवं बुच्चइ-'जहन्नचक्खुदंसणीणं नेरइयाणं अणंता पजवा पन्नत्ता' ? गोयमा ! जहन्नचक्खुदंसणी णं नेरइए जहन्नचक्खुदंसणिस्स नेरइयस्स दव्वट्ठयाए तुल्ले, पएसट्टयाए तुल्ले, ओगाहणट्ठयाए चउट्ठाणवडिए, ठिईए चउट्ठाणवडिए, वन्नगंधरसफासपज्जवेहिं तिहिं नाणेहिं तिहिं अन्नाणेहिं छट्ठाणवडिए, चक्खुदंसणपजवेहिं तुल्ले, अचक्खुदसणपज्जवहिं ओहिदंसणपज्जवेहिं छठ्ठाणवडिए । एवं उक्कोसचक्खुदंसणी वि । अजहन्नमणुक्कोसचक्खुदंसणी वि एवं चेव, नवरं सट्ठाणे छट्ठाणवडिए। एवं अचक्खुदंसणी वि, ओहिदसणी वि ॥ २६० ॥ जहन्नोगाहणाणं भंते ! असुरकुमाराणं केवइया पज्जवा पन्नत्ता ? गोयमा ! अणंता पज्जवा पन्नत्ता। से केणटेणं भंते! एवं वुच्चइ'जहन्नोगाहणाणं असुरकुमाराणं अणंता पजवा पन्नत्ता' ? गोयमा ! जहन्नोगाहणए
