________________
प० ५ अजहण्ण० वण्णणं ]
सुगमे
३५५
ठिए तिट्ठाणवडिया || २५६ ॥ जहन्नोगाहणगाणं भंते! नेरइयाणं केवइया पज्जवा 'पन्नत्ता ? गोयमा! अणंता पज्जवा पन्नत्ता । से केणट्टेणं भंते ! एवं बुच्चइ० ? गोयमा ! जहन्नोगाहणए नेरइए जहन्नोगाहणस्स नेरइयस्स दव्वट्टयाए तुल्ले, पएसइयाए तुल्ले,
गाहट्टयाए तुले, ठिईए चउट्ठाणवडिए, वन्नगंधरसफासपज्जवेहिं तिहिं नाणेहिं तिहिं अन्नाणेहिं तिहिं दंसणेहिं छट्ठाणवडिए । उक्कोसोगाहणगाणं भंते ! नेरइयाणं केवइया पजवा पन्नत्ता ? गोयमा ! अणंता पज्जवा पन्नत्ता । से केणद्वेणं भंते ! एवं बुच्चइ- 'उक्कोसोगाहणगाणं नेरइयाणं अणंता पज्जवा पन्नत्ता' ? गोयमा ! उक्कोसोगाहणए नेरइए उक्कोसोगाहणस्स नेरइयस्स दव्वट्टयाए तुल्ले, पएसट्टयाए तुल्ले, ओगाहगट्टयाए तुल्ले । ठिईए सिय हीणे सिय तुल्ले सिय अब्भहिए । जइ हीणे असंखिज्जभागहीणे वा संखिज्जभागहीणे वा, अह अब्भहिए असंखिज्जभागअब्भहिए वा संखिज्जभागअब्भहिए वा । वन्नगंधरसफासपज्जवेहिं तिहिं नाणेहिं तिहिं अन्नाणेहिं "तिहिं दंसणेहिं छट्ठाणवडिए । अजहन्नमणुक्कोसोगाहणाणं भंते! नेरइयाणं केवइया पज्जवा 'पन्नत्ता ? गोयमा ! अनंता पज्जवा पन्नत्ता । से केणद्वेणं भंते ! एवं वुच्चइ - 'अजहन्नमणुक्कोसोगाहणाणं अनंता पज्जवा पन्नत्ता ? गोयमा ! अजहन्नमणुक्कोसोगाहणए -नेरइए अजहन्नमणुक्कोसोगाहणस्स नेरइयस्स दव्वट्टयाए तुल्ले, पएसट्टयाए तुल्ले, ओगाहणट्टयाए सिय हीणे सिय तुल्ले सिय अब्भहिए । जइ हीणे असंखिज्जभागहीणे वा संखिज्जभागहीणे वा संखिज्जगुणहीणे वा असंखिज्जगुणहीणे वा । अह अब्भहिए असंखिज्जभागअब्भहिए वा संखिज्जभागअब्भहिए वा संखिजगुणअब्भहिए वा असंखिज्जगुणअब्भहिए वा । ठिईए सिय हीणे सिय तुल्ले सिय अब्भहिए । जइ ही असंखिज्जभागहीणे वा संखिज्जभागहीणे वा संखिज्जगुणहीणे वा असंखिज्जगुणहीणे वा । अह अब्भहिए असंखिजभागअब्भहिए वा संखिज्जभागअब्भहिए वा संखिज्ज- गुणअब्भहिए वा असंखिज्जगुणअब्भहिए वा । वन्नगंधर सफासपज्जवेहिं तिहिं नाणेहिं तिहिं अन्नाणेहिं तिहिं दंसणेहिं छट्टाणवडिए, से एएणट्ठेणं गोयमा ! एवं बुच्च - “अजहन्नमणुक्को सो गाहणाणं नेरइयाणं अणंता पज्जवा पन्नता' ॥ २५७ ॥ जहन्नठिइयाणं भंते! नेरइयाणं केवइया पज्जवा पन्नत्ता ? गोयमा ! अनंता जपवा पन्नत्ता | सेकेणणं भंते ! एवं वुच्चइ - ' जहन्नठिझ्याणं नेरइयाणं अनंता पज्जवा `पन्नत्ता' ? गोयमा ! जहन्न ठिइए नेरइए जहन्नटिइयस्स नेरइयस्स दव्वट्टयाए तुल्ले, सट्टयाए तुल्ले, ओगाहणट्टयाए चउट्ठाणवडिए, ठिईए तुल्ले, वन्नगंधरसफासपज्जचेहिं तिहिं नाणेहिं तिहिं अन्नाणेहिं तिहिं दंसणेहिं छट्ठाणवडिए । एवं उक्कोस ठिइए वि । अजहन्नमणुक्कोसठिइए वि एवं चेव, नवरं सट्ठाणे चउट्ठाणवडिए ॥ २५८ ॥
