________________
सुत्तागमे
[पण्णवणासुत्तं
गंधरसफासमइअन्नाणसुयअन्नाणअचक्खुदंसणपज्जवेहिं छट्ठाणवडिए ॥ २५१॥ तेउकाइयाणं पुच्छा । गोयमा ! अणंता पजवा पन्नत्ता । से केणटेणं भंते ! एवं बुच्चइ'तेउकाइयाणं अणंता पजवा पन्नत्ता' ? गोयमा ! तेउकाइए तेउकाइयस्स दवट्ठयाए तुल्ले, पएसट्ठयाए तुल्ले, ओगाहणट्ठयाए चउट्ठाणवडिए, ठिईए तिट्ठाणवडिए, वन्नगंधरसफासमइअन्नाणसुयअन्नाणअचक्खुदंसणपजवेहि य छट्ठाणवडिए॥२५२॥ वाउकाइयाणं पुच्छा। गोयमा ! वाउकाइयाणं अणंता पजवा पन्नत्ता । से केणटेणं भंते ! एवं वुच्चइ'वाउकाइयाणं अणंता पजवा पन्नत्ता' ? गोयमा ! वाउकाइए वाउकाइयस्स दव्वट्ठयाए तुल्ले, पएसट्टयाए तुल्ले, ओगाहणट्ठयाए चउट्ठाणवडिए, ठिईए तिट्ठाणवडिए, वन्नगंधरसफासमइअन्नाणसुयअन्नाणअचक्खुदंसणपजवेहिं छट्ठाणवडिए॥२५३॥ वणस्सइकाइयाणं पुच्छा । गोयमा ! अणंता पज्जवा पन्नत्ता । से केणटेणं भंते! एवं वुच्चइ'वणस्सइकाइयाणं अणंता पज्जवा पनत्ता' ? गोयमा ! वणस्सइकाइए वणस्सइकाइयस्स दव्वट्ठयाए तुल्ले, पएसट्टयाए तुल्ले, ओगाहणट्ठयाए चउट्ठाणवडिए, ठिईए तिट्ठाणवडिए, वन्नगंधरसफासमइअन्नाणसुयअन्नाणअचक्खुदंसणपजवेहि य छट्ठाणवडिए, से एएणटेणं गोयमा ! एवं वुच्चइ-'वणस्सइकाइयाणं अणंता पज्जवा पन्नत्ता' ॥ २५४ ॥ बेइंदियाणं पुच्छा । गोयमा ! अणंता पजवा पन्नत्ता । से केणटेणं भंते ! एवं वुच्चइ'बेइंदियाणं अणंता पज्जवा पन्नत्ता' ? गोयमा ! बेइंदिए बेइंदियस्स दव्वट्ठयाए तुल्ले, पएसट्ठयाए तुल्ले, ओगाहणट्ठयाए सिय हीणे सिय तुल्ले सिय अब्भहिए । जइ हीणे असंखिजइभागहीणे वा संखिजइभागहीणे वा संखिजइगुणहीणे वा असंखिजइगुणहीणे वा । अह अब्भहिए असंखिजभागअन्भहिए वा संखिज्जइभागअब्भहिए वा संखिजगुणमब्भहिए वा असंखिज्जइगुणमब्भहिए वा । ठिईए तिट्ठाणवडिए, वन्नगंधरसफासआभिणिबोहियनाणसुयनाणमइअन्नाणसुयअन्नाणअचक्खुदंसणपजवेहि य छट्ठाणवडिए । एवं तेइंदिया वि । एवं चउरिंदिया वि, नवरं दो दंसणा, चक्खुदंसणं अचक्खुदंसणं । पंचिंदियतिरिक्खजोणियाणं पज्जवा जहा नेरइयाणं तहा भाणियव्वा ॥ २५५ ॥ मणुस्साणं भंते ! केवइया पजवा पन्नत्ता ? गोयमा ! अणंता पजवा पन्नत्ता । से केणटेणं भंते ! एवं वुच्चइ-'मणुस्साणं अणंता पज्जवा पन्नत्ता' ? गोयमा ! मणूसे मणूसस्स दव्वट्ठयाए तुल्ले, पएसट्टयाए तुल्ले, ओगाहणठ्ठयाए चउट्ठाणवडिए, ठिईए चउट्ठाणवडिए, वन्नगंधरसफासआभिणिबोहियनाणसुयनाणओहिनाणमणपज्जवनाणपज्जवेहिं छट्ठाणवडिए, केवलनाणपज्जवेहिं तुल्ले, तिहिं अन्नाणेहिं तिहिं दंसणेहिं छट्ठाणवडिए, केवलदसणपजवेहिं तुल्ले । वाणमंतरा ओगाहणट्ठयाए ठिईए चउट्ठाणवडिया, वण्णाईहिं छट्ठाणवडिया। जोइसिया वेमाणिया वि एवं चेव, नवरं
