________________
३५८
सुत्तागमे
[ पण्णवणासुतं
मोसम अन्नाणी वि एवं चेत्र, नवरं सहाणे छट्टाणवडिए । एवं सुयअन्नाणी वि अक्खुदंसणी वि एवं चेव जाव वणप्फइकाइया ॥ २६२ ॥ जहन्नोगाहणगाणं भंते ! बेइंदियाणं पुच्छा । गोयमा ! अणंता पज्जवा पन्नत्ता । से केणट्टेणं भंते ! एवं बुच्चइ‘जहन्नोगाहणगाणं बेइंदियाणं अणता पज्जवा पन्नत्ता' ? गोयमा ! जहन्नो गाहणए बेइंदिए जहन्नोगाहणस्स बेइंदियस्स दव्वट्टयाए तुल्ले, परसट्टयाए तुल्ले, ओगाहणट्टयाए तुल्ले, ठिईए तिट्ठाणवडिए, वन्नगंधरसफासपज्जवेहिं दोहिं नाणेहिं दोहिं अन्नाहिं अचक्खुदंसणपज्जवेहि य छाणवडिए । एवं उक्कोसोगाहणए वि, णवरं णाणा णत्थि । अजहन्नमणुक्कोसोगाहणए जहा जहन्नोगाहणए, णवरं सट्ठाणे ओगाहणाए चउट्ठाणवडिए । जहन्नठिइयाणं भंते ! बेइंदियाणं पुच्छा । गोयमा ! अणंता पज्जवा पन्नत्ता । से केणद्वेणं भंते ! एवं वुच्चइ - ' जहन्नठियाणं बेइंदियाणं अणंता पज्जवा पन्नत्ता' ? गोयमा ! जहन्नठिए बेइं दिए जहन्नठिइयस्स बेइंदियस्स दव्वट्टयाए तुल्ले, पएसयाए तुल्ले, ओगाहणट्टयाए चउट्ठाणवडिए, ठिईए तुल्ले, वन्नगंधर सफासपज्जवेहिं दोहिं अन्नाणेहिं अचक्खुदंसणपज्जवेहि य छट्टाणवडिए । एवं उक्कोस ठिइए वि
वरं दो णाणा अब्भहिया । अजहन्नमणुक्कोसठिइए जहा उक्कोसठिइए, णवरं ठिईए तिट्ठाणवडिए । जहन्नगुणकालगाणं बेइंदियाणं पुच्छा । गोयमा ! अनंता पज्जवा पन्नत्ता । से केणट्टेणं भंते ! एवं बुच्चइ - 'जहन्नगुणकालगाणं बेइंदियाणं अनंता पज्जवा पन्नत्ता' ? गोयमा ! जहन्नगुणकालए बेइंदिए जहन्नगुणकालगस्स बेइंदियस्स. दव्वट्टयाए तुल्ले, पएसडयाए तुल्ले, ओगाहणट्टयाए चउट्ठाणवडिए, ठिईए तिट्ठाणवडिए, कालवन्नपज्जवेहिं तुल्ले, अवसेसेहिं वन्नगंधरसफासपज्जवेहिं दोहिं नाणेहिं दोहिं अन्नाणेहिं अचक्खुदंसणपज्जवेहि य छट्ठाणवडिए । एवं उक्कोसगुणकालए वि । अजहन्नमणुक्को -- सगुणकालए वि एवं चेव । णवरं सट्ठाणे छट्ठाणवडिए । एवं पंच वन्ना दो गंध पंच रसा अट्ठ फासा भाणियव्वा । जहन्नाभिणिबोहियनाणीणं भंते ! बेइंदियाणं केवइया पज्जवा पन्नत्ता ? गोयमा ! अणंता पज्जवा पन्नत्ता । से केणद्वेणं भंते ! एवं बुच्चइ'जहन्ना भिणिबोहियनाणीणं बेइंदियाणं अनंता पज्जवा पन्नत्ता' ? गोयमा ! जहन्नाभिणिबोहियनाणी बेइं दिए जहन्नाभिणिबोहियनाणिस्स बेइंदियस्स दव्वट्टयाए तुल्ले,. पएसट्टयाए तुल्ले, ओगाहणट्टयाए चउट्ठाणवडिए, ठिईए तिट्ठाणवडिए, वन्नगंधरसफासपजवेहिं छट्ठाणवडिए, आभिणिबोहियनाणपज्जवेहिं तुल्ले, सुयनाणपजवेहिं छट्ठाप्रणवडिए, अचक्खुदंसणपज्जवेहिं छट्ठाणवडिए । एवं उक्कोसाभिणिबोहियनाणी वि । अन्नमणुक्कोसाभिणिबोहियनाणी वि एवं चेव, नवरं सट्ठाणे छट्ठाणवडिए । एवं "सुमनाणी वि सुयअन्नाणी वि अचक्खुदंसणी वि, नवरं जत्थं नाणा तत्थ अन्नाणा नत्थि,
1
