________________
०२ वाणमंतरठाणा ]
सुत्तागमे
३०५
पुढवीए रयणामयस्स कंडस्स जोयणसहस्सबाहलस्स उबरिं एगं जोयणसयं ओगाहित्ता हिट्ठा वि एगं जोयणसयं वज्जित्ता मज्झे अट्ठसु जोयणसएस एत्थ णं वाणमंतराणं देवाणं तिरियमसंखेज्जा भोमेज्जनयरावाससयसहस्सा भवन्तीति मक्खायं । ते णं भोमेजा गयरा बाहिं वहा, अंतो चउरंसा, अहे पुक्खरकन्नियासंठाणसंठिया, 'उक्किन्नंतर विउलगंभीरखाय फलिहा, पागारहालयकवाडतोरणपडिदुवार देसभागा, जंतसयग्धिमुसलमुसंढिपरिवारिया, अउज्झा, सयाजया, सयागुत्ता, अडयालकोट्ठगरइया, अडयालकयवणमाला, खेमा, सिवा, किंकरामरदंडोवरक्खिया, लाउलोइयमहिया, गोसीससरसरत्तचंदणदद्दरदिन्नपंचंगुलितला, उवचियचंदणकलसा, चंदणघडसुकयतोरणपडिदुवारदेसभागा, आसत्तोसत्तविउलववग्वारियमल्लदामकलावा, पंचवण्णसरससु रहिमुक्कपुप्फपुंजोवयारकलिया, कालागुरुपवरकुंदुरुक्कतुरुक्क धूवमघमघंतगंधुद्धुयाभिरामा, सुगंधवरगंधिया, गंधवट्टिभूया, अच्छरगणसंघसंविकिन्ना, दिव्वतुडियसद्दसंपणइया, पडागमालाउला भिरामा, सव्वरयणामया, अच्छा, सण्हा, लहा, घट्टा, मट्ठा, नीरया, निम्मला, निप्पंका, निक्कंकडच्छाया, सप्पहा, सस्सिरीया, समरीइया, सउज्जोया, पासाइया, दरिसणिज्जा, अभिरूवा, पडिरूवा । एत्थ णं वाणमन्तराणं देवाणं पज्जत्तापजत्ताणं ठाणा पन्नत्ता । तिसु वि लोयस्स असंखेज्जइभागे । तत्थ णं बहवे वाणमंतरा देवा परिवसंति । तंजहा -- पिसाया, भूया, जक्खा, रक्खसा, किंनरा, किंपुरिसा, भुयगवइणो महाकाया, गन्धव्वगणा य निरणगंधव्वगीयरइणो, अणवन्नियपणवन्नियइसिवाइयभूयवाइयकंदियमहाकंदिया य कुहंडपयंगदेवा, चंचलचलचवलचित्त कीलणदवप्पिया, गहिरहसियगीयणच्चणरई, वर्णमाला मेलमउडकुंडल सच्छंदविउब्वियाभरणचारुभूसणधरा, सव्वोउयसुरभिकुसुमसुरइयपलंबसोहंतकंतविहसंतचित्तवणमालरइयवच्छा, कामगमा [ कामकामा], कामरूवदेहधारी, णाणाविहवण्णरांगवरवत्थविचित्तचिललगनियंसणा, विविहदेसिनेवत्थगहियवेसा, पमुइयकंदप्पकलह के लिकोलाहलप्पिया, हासबोलबहुला, असिमुग्गरसत्तिकुंत हत्था, अणेगमणिरयणविविहणिज्जु त्तविचित्तचिधगया, महिड्डिया, महज्जुइया, महायसा, महाबला, महाणुभागा, महासुक्खा, हारविराइयवच्छा, कडयतुडिय -
भयभुया, अंगयकुंडलमट्टगंडयलकन्नपीढधारी, विचित्तहत्थाभरणा, विचित्तमाला-मउलिउडा, कलाणगपवरवत्थपरिहिया, कल्लाणगपवरमल्लाणुलेवणधरा, भासुरबोंदी, पलंबवणमालधरा, दिव्वेणं वन्नेणं, दिव्वेणं गंधेणं, दिव्वेणं फासेणं, दिव्वेणं संघय
णं, दिव्वेणं संठाणेणं, दिव्वाए इढीए, दिव्वाए जुईए, दिव्वाए पभाए, दिव्वाए छायाए, दिव्वा अच्चीए, दिव्वेणं तेएणं, दिव्त्राए लेस्साए दस दिसाओ उज्जोवे -
२० सुत्ता०
