________________
२९०
सुत्तागमे
[पण्णवणासुतं य। से किं तं सामाइयचरित्तारिया ? सामाइयचरित्तारिया दुविहा पन्नत्ता । तंजहाइत्तरियसामाइयचरित्तारिया य आवकहियसामाइयचरित्तारिया य । सेत्तं सामाइयचरित्तारिया। से किं तं छेदोवट्ठावणियचरित्तारिया ? छेदोवट्ठावणियचरित्तारिया दुविहा पन्नत्ता । तंजहा-साइयारछेदोवट्ठावणियचरित्तारिया य निरइयारछेदोवट्ठावणियचरित्तारिया य । सेत्तं छेदोवठ्ठावणियचरित्तारिया। से किं तं परिहारविसुद्धियचरित्तारिया ? परिहारविसुद्धियचरित्तारिया दुविहा पन्नत्ता । तंजहा-निविस्समाणपरिहारविसुद्धियचरित्तारिया य निविठ्ठकाइयपरिहारविसुद्धियचरित्तारिया य । सेत्तं परिहारविसुद्धियचरित्तारिया । से किं तं सुहुमसंपरायचरित्तारिया ? सुहुमसंपरायचरित्तारिया दुविहा पन्नत्ता । तंजहा—संकिलिस्समाणसुहुमसंपरायचरित्तारिया य विसुज्झमाणसु. हुमसंपरायचरित्तारिया य। से तं सुहुमसंपरायचरित्तारिया। से किं तं अहक्खायचरित्तारिया ? अहक्खायचरित्तारिया दुविहा पन्नत्ता। तंजहा-छउमत्थअहक्खायचरित्तारिया य केवलिअहक्खायचरित्तारिया य । सेत्तं अहक्खायचरित्तारिया। सेत्तं चरित्तारिया । सेत्तं अणि ड्डिपत्तारिया । सेत्तं कम्मभूमगा । सेत्तं गन्भवतिया । सेत्तं मणुस्सा ॥ ७७ ॥ से किं तं देवा ? देवा चउव्विहा पन्नत्ता । तंजहा-भवणवासी, वाणमंतरा, जोइसिया, वेमाणिया। से किं तं भवणवासी ? भवणवासी दसविहा पन्नत्ता । तंजहा-असुरकुमारा, नागकुमारा, सुवन्नकुमारा, विजुकुमारा, अग्गिकुमारा, दीवकुमारा, उदहिकुमारा, दिसाकुमारा, वाउकुमारा, थणियकुमारा। ते समासओ दुविहा पन्नत्ता । तंजहा-पजत्तगा य अपजत्तगा य । सेत्तं भवणवासी। से किं. तं वाणमंतरा? वाणमंतरा अट्टविहा पन्नत्ता । तंजहा-किन्नरा, किंपुरिसा, महोरगा, गंधव्वा, जक्खा, रक्खसा, भूया, पिसाया । ते समासओ दुविहा पन्नत्ता । तंजहा-पज्जत्तगा य अपज्जत्तगा य । सेत्तं वाणमन्तरा । से किं तं जोइसिया ? जोइसिया पंचविहा पन्नत्ता । तंजहा-चंदा, सूरा, गहा, नक्खत्ता, तारा । ते समासओ दुविहा पन्नत्ता। तंजहा-पजत्तगा य अपज्जत्तगा य । सेत्तं जोइसिया ॥ से किं तं वेमाणिया ? वेमाणिया दुविहा पन्नत्ता । तंजहा-कप्पोवगा य कप्पाईया य। से किं तं कप्पोवगा ? कम्पोवगा बारसविहा पन्नत्ता । तंजहा—सोहम्मा, ईसाणा, सणंकुमारा, माहिंदा, बंभलोया, लंतया, महासुक्का, सहस्सारा, आणया, पाणया, आरणा, अच्चुया। ते समासओ दुविहा पन्नत्ता, तंजहा-पजत्तगा य अपजत्तगा य । सेत्तं कप्पोवगा । से किं तं कप्पाईया ? कप्पाईया दुविहा पन्नत्ता। तंजहा-विजगा य अणुत्तरोववाइया य । से किं तं गेविजगा? गेविजगा नवविहा पन्नत्ता। तंजहा--हिटिमहिछिमगेविजगा, हिटिममज्झिमगेविनगा, हेहिमउवरि
