________________
१०१ चरित्तारिया]
सुत्तागमे
से किं तं छउमत्थखीणकसायवीयरायचरित्तारिया ? छउमत्थखीणकसायवीयरायचरित्तारिया दुविहा पन्नत्ता । तंजहा-सयंबुद्धछउमत्थखीणकसायवीयरायचरित्तारिया य बुद्धबोहियछउमत्थखीणकसायवीयरायचरित्तारिया य । से किं तं सयंबुद्धछउमस्थखीणकसायवीयरायचरित्तारिया ? सयंबुद्धछउमत्थखीणकसायवीयरायचरित्तारिया दुविहा पन्नत्ता । तंजहा-पढमसमयसयंबुद्धछउमत्थखीणकसायवीयरायचरित्तारिया य अपढमसमयसयंवुद्धछउमत्थखीणकसायवीयरायचरित्तारिया य । अहवा चरिमसमयसयंबुद्धछउमत्थखीणकसायवीयरायचरित्तारिया य अचरिमसमयसयंबुद्धछउमत्थखीणकसायवीयरायचरित्तारिया य । से किं तं बुद्धबोहियछउमत्थखीणकसायवीयरायचरित्तारिया ? वुद्धबोहियछउमत्थखीणकसायवीयरायचरित्तारिया दुविहा पन्नत्ता। तंजहा-पढमसमयबुद्धवोहियछउमत्थखीणकसायवीयरायचरित्तारिया य अपढमसमयबुद्धबोहियछउमत्थखीणकसायवीयरायचरित्तारिया य। अहवा चरिमसमयबुद्धबोहियछउमत्थखीणकसायवीयरायचरित्तारिया य अचरिमसमयबुद्धबोहियछउमत्थखीणकसायवीयरायचरित्तारिया य। सेत्तं बुद्धबोहियछउमत्थखीणकसायवीयरायचरित्तारिया । सेत्तं छउमत्थखीणकसायवीयरायचरित्तारिया। से किं तं केवलिखीणकसायवीयरायचरित्तारिया ? केवलिखीणकसायवीयरायचरित्तारिया दुविहा पन्नत्ता । तंजहासजोगिकेवलिखीणकसायवीयरायचरित्तारिया य अजोगिकेवलिखीणकसायवीयरायचरित्तारिया य । से किं तं सजोगिकेवलिखीणकसायवीयरायचरित्तारिया ? सजोगिकेवलिखीणकसायवीयरायचरित्तारिया दुविहा पन्नत्ता। तंजहा-पढमसमयसजोगिकेवलिखीणकसायवीयरायचरित्तारिया य अपढमसमयसजोगिकेवलिखीणकसायवीयरायचरित्तारिया य । अहवा चरिमसमयसजोगिकेवलिखीणकसायवीयरायचरित्तारिया य 'अचरिमसमयसजोगिकेवलिखीणकसायवीयरायचरित्तारिया य। सेत्तं सजोगिकेवलिखीणकसायवीयरायचरित्तारिया। से किं तं अजोगिकेवलिखीणकसायवीयरायचरितारिया ? अजोगिकेवलिखीणकसायवीयरायचरित्तारिया दुविहा पन्नत्ता। तंजहापढमसमयअजोगिकेवलिखीणकसायवीयरायचरित्तारिया य अपढमसमयअजोगिकेवलिखीणकसायवीयरायचरित्तारिया य । अहवा चरिमसमयअजोगिकेवलिखीणकसायवीयरायचरित्तारिया य अचरिमसमयअजोगिकेवलिखीणकसायवीयरायचरित्तारिया य । सेत्तं अजोगिकेवलिखीणकसायवीयरायचरित्तारिया । सेत्तं केवलिखीणकसायवीयरायचरित्तारिया। सेत्तं खीणकसायवीयरायचरित्तारिया। सेत्तं वीयरायचरित्तारिया। अहवा चरित्तारिया पंचविहा पन्नत्ता। तंजहा—सामाइयचरित्तारिया, छेदोवट्ठावणियचरित्तारिया, परिहारविसुद्धियचरित्तारिया, सुहुमसंपरायचरित्तारिया, अहक्खायचरित्तारिया
१९ सुत्ता.
