________________
२७४
सुत्तागमे - [पण्णवणासुतं तत्थ नियमा असंखेजा। सेत्तं बायरआउक्काइया। सेत्तं आउकाइया ॥ २० ॥ से किं तं तेऊझाइया ? तेऊकाइया दुविहा पन्नत्ता। तंजहा-सुहुमतेऊकाइया य बायरतेऊकाइया य ॥ २१॥ से किं तं सुहुमतेऊकाइया ? सुहुमतेऊकाइया दुविहा पन्नत्ता। तंजहा-पजत्तगा य अपजत्तगा य । सेत्तं सुहुमतेऊकाइया ॥ २२ ॥ से किं तं बायरतेऊकाइया? बायरतेऊकाइया अणेगविहा पण्णत्ता। तंजहा-इंगाले, जाला, मुम्मुरे, अच्ची, अलाए, सुद्धागणी, उक्का, विजू , असणी, णिग्याए, संघरिससमुट्ठिए, सूरकन्तमणिणिस्सिए, जेयावन्ने तहप्पगारा। ते समासओ दुविहा पण्णत्ता । तंजहा-पन्जत्तगा य अपजत्तगा य। तत्थ णं जे ते अपजत्तगा ते णं असंपत्ता । तत्थ णं जे ते पजत्तगा एएसि णं वन्नादेसेणं, गन्धादेसेणं, रसादेसेणं, फासादेसेणं सहस्सग्गसो विहाणाई, संखेजाइं जोणिप्पमुहसयसहस्साइं। पजत्तगणिस्साए अपजत्तगा वकमंति. जत्थ एगो तत्थ नियमा असंखेज्जा, सेत्तं बायरतेऊकाइया। सेत्तं तेऊकाइया ॥२३॥ से किं तं वाउकाइया? वाउकाइया दुविहा पन्नत्ता। तंजहा-सुहमवाउकाइया य बायरवाउकाइया य ॥ २४ ॥ से किं तं सुहुमवाउकाइया ? सुहुमवाउकाइया दुविहा पण्णत्ता । तंजहा-पजत्तगसुहुमवाउकाइया य अपज्जत्तगसुहुमवाउकाइया य । सेत्तं सुहुमवाउकाइया ॥२५॥ से किं तं बायरवाउकाइया ? बायरवाउकाइया अणेगविहा पण्णत्ता। तंजहा-पाईणवाए, पडीणवाए, दाहिणवाए, उदीणवाए, उडुवाए, अहोवाए, तिरियवाए, विदिसिवाए, वाउब्भामे, वाउक्कलिया, वायमंडलिया, उक्कलियावाए, मंडलियावाए, गुंजावाए, झंझावाए, संवट्टवाए, घणवाए, तणुवाए, सुद्धवाए, जेयावण्णे तहप्पगारा। ते समासओ दुविहा पन्नत्ता। तंजहा-पजत्तगा य अपजत्तगा य। तत्थ णं जे ते अपजत्तगा ते णं असंपत्ता। तत्थ णं जे ते पजत्तगा एएसिणं वण्णादेसेणं, गन्धादेसेणं, रसादेसेणं, फासादेसेणं सहस्सग्गसो विहाणाई, संखेजाई जोणिप्पमुहसयसहस्साइं। पज्जत्तगनिस्साए अपजत्तगा वक्कमंति, जत्थ एगो तत्थ नियमा असंखेजा। सेत्तं बायरवाउकाइया । सेत्तं वाउकाइया ॥ २६ ॥ से किं तं वणस्सइकाइया ? वणस्सइकाइया दुविहा पण्णत्ता । तंजहा-सुहुमवणस्सइकाइया य बायरवणस्सइकाइया. य ॥ २७ ॥ से किं तं सुहुमवणस्सइकाइया ? सुहुमवणस्सइकाइया दुविहा पण्णत्ता । तंजहा-पजत्तगहुमवणस्सइकाइया य अपजत्तगसुहुभवणस्सइकाइया य । सेत्तं सुहुमवणस्सइकाइया ॥ २८ ॥ से किं तं बायरवणस्सइकाइया ? बायरवणस्सइकाइया दुविहा पन्नत्ता । तंजहा-पत्तेयसरीरबायरवणस्सइकाइया य साहारणसरीरबायरवणस्सइकाइया य ॥ २९ ॥ से किं तं पत्तेयसरीरबायरवणस्सइकाइया ? २ दुवालसविहा पन्नत्ता। तंजहा-१ रुक्खा २ गुच्छा ३ गुम्मा ४ लया
