________________
२७३
प० १ बायरउक्काइया] सुत्तागमे से किं तं सुहुमपुढविकाइया ? सुहुमपुढविकाइया दुविहा पण्णत्ता । तंजहा--पज्जत्तसहमपुढविकाइया य अपजत्तसुहुमपुढविकाइया य । सेत्तं सुहुमपुढविकाइया ॥ १४ ॥ से किं तं बायरपुढविकाइया ? बायरपुढविकाइया दुविहा पन्नत्ता । तंजहा-सण्हबायरपढविकाइया य खरबायरपुढविकाइया य॥१५॥ से किं तं सण्हबायरपुढविकाइया? सहबायरपुढविकाइया सत्तविहा पन्नत्ता । तंजहा-१ किण्हमटिया, २. नीलमटिया, ३ लोहियमटिया, ४ हालिमटिया, ५ सुकिल्लमट्टिया, ६ पाण्डुमट्टिया, ७ पणगमहिया । सेत्तं सण्हबायरपुढविकाइया ॥ १६ ॥ से किं तं खरबायरपुढविकाइया ? खरबायरपुदविकाइया अणेगविहा पण्णत्ता । तंजहा-१ पुढवी य २ सकरा ३ वालुया य ४ उवले ५ सिला य ६-७ लोणूसे । ८ अय ९ तंत्र १० तउय ११ सीसय १२ रुप्प १३ सुवन्ने य १४ वइरे य ॥१॥ १५ हरियाले १६ हिंगुलए १७ मणो'सिला १८-२० सासगंजणपवाले । २१-२२ अब्भपडलब्भवालुय बायरकाए मणि'विहाणा ॥२॥ २३ गोमेजए य २४ रुयए २५ अंके २६ फलिहे य २७ लोहियक्खे य। २८. मरगय २९ मसारगल्ले ३० भुयमोयग ३१ इन्दनीले य ॥ ३ ॥३२ चंदण ३३ गेरुय ३४ हंसगब्भ ३५ पुलए ३६ सोगन्धिए य बोद्धध्वे । ३७ चन्दप्पभ ३८ वेरुलिए ३९ जलकंते ४० सूरकंते य ॥४॥ जेयावन्ने तहप्पगारा । ते समासओ दुविहा पन्नत्ता । तंजहा-पजत्तगा य अपजत्तगा य । तत्थ णं जे ते अपजत्तगा ते णं असंपत्ता। तत्थ णं जे ते पजत्तगा एएसिं वन्नादेसेणं, रसादेसेणं, गंधादेसेणं, फासा'देसेणं सहस्सग्गसो विहाणाई, सङ्केजाई जोणिप्पमुहसयसहस्साई । पजत्तगणिस्साए अपजत्तगा वक्कमंति, जत्थ एगो तत्थ नियमा असंखेजा। सेत्तं स्वरबायरपुढविकाइया। सेत्तं बायरपुढविक्काइया । सेत्तं पुढविकाइया ॥१७॥ से किं तं आउक्काइया? आउकाइया दुविहा पण्णत्ता। तंजहा-मुहुमआउक्काइया य बायरआउकाइया य ॥१८॥ से किं तं सुहुमआउक्काइया ? सुहुमाउकाइया दुविहा पन्नत्ता। लंजहा-पज्जत्तसुहुमआउकाइया य अपज्जत्तसहुमआउकाइया य । सेत्तं सुहुमआउकाइया ॥ १९ ॥ से किं तं बायरआउकाइया ? बायरआउकाइया अणेगविहा पञ्चता । तंजहा-उस्सा, हिमए, महिया, करए, हरतणुए, सुद्धोदए, सीओदए, उसिणोदए, खारोदए, खट्टोदए, अम्बिलोदए, लवणोदए, वारुणोदए, खीरोदए, घओदए, खोओदए, रसोदए, जे यावशे तहप्पगारा । ते समासो दुविहा पण्णता । जहा-पनत्तगा य अपज्जतगा य । तत्थ णं जे ते अपज्जत्तगा ते णं असंपत्ता। तत्थ णं जे ते पजन्तगा एएसिं घण्णादेसेणं गन्धादेसेणं रसादेसेणं फासादेसेणं सहस्सागसो विहाणाई, संखेजाई जोणिप्पमुहसयसहस्साइं, पज्जत्तगनिस्साए अपज्जत्तगां वकमंति, जत्था एगों
१८ सुत्ता
