________________
२६०
सुत्तागमे . [जीवाजीवाभिगमे णं भंते ! सिद्धेत्ति ? गोयमा ! साइए अपज्जवसिए । णेरइयस्स णं भंते ! अंतरं कालओ केवच्चिरं होइ ? गोयमा! जह० अंतो० उक्को० वणस्सइकालो, तिरिक्खजोणियस्स णं भंते ! अंतरं कालओ० ? गोयमा ! जह० अंतो० उक्को० सागरोवमसयपुहुत्तं साइरेगं, तिरिक्खजोणिणी णं भंते ! अंतरं कालओ केवच्चिर होइ ? गोयमा ! जह ० अंतोमुहुत्तं उक्को० वणस्सइकालो, एवं मणुस्सस्सवि मणुस्सीएवि, देवस्सवि देवीएवि, सिद्धस्स णं भंते ! अंतरं० साइयस्स अपज्जवसियस्स णत्थि अंतरं ॥ एएसि णं भंते ! णेरइयाणं तिरिक्खजोणियाणं तिरिक्खजोणिणीणं मणूसाणं मणूसीणं देवाणं देवीणं सिद्धाण य कयरे० ? गोयमा ! सव्वत्थोवा मणुस्सीओ मणुस्सा असंखेजगुणा नेरइया असंखेनगुणा तिरिक्खजोणिणीओ असंखेजगुणाओ देवा संखेजगुणा देवीओ संखेजगुणाओ सिद्धा अणंतगुणा तिरिक्खजोणिया अणंतगुणा । सेत्तं अट्ठविहा सबजीवा पण्णत्ता ॥२६८ ॥०॥ तत्थ णं जे ते एवमाहंसु-णवविहा सव्वजीवा प० ते एवमाहंसु, तंजहा---एगिदिया बैंदिया तेंदिया चउरिंदिया णेरड्या पंचेंदियतिरिक्खजोणिया मणूसा देवा सिद्धा ॥ एगिदिए णं भंते ! एगिदिएत्ति कालओ केवचिरं होइ ? गोयमा ! जह• अंतोमु० उक्को० वणस्स०, बेंदिए णं भंते !०? गोयमा ! जह० अंतो० उक्को० संखेनं कालं, एवं तेइंदिएवि, चउ०, णेरइया णं भंते !? गो० ! जह० दस वाससहस्साई उको तेत्तीसं सागरोवमाइं, पंचेंदियतिरिक्खजोणिए णं भंते !०? गोयमा ! जह० अंतो० उक्को तिण्णि पलिओवमाइं पुव्वकोडिपुहुत्तमब्भहियाइं, एवं मणूसेवि, देवा जहा णेरइया, सिद्धे णं भंते !०? गो० ! साइए अपजवसिए ॥ एगिदियस्स णं भंते ! अंतरं कालओ केवचिरं होइ ? गोयमा ! जह० अंतो० उक्को० दो सागरोवमसहस्साइं संखेजवासमब्भहियाई, बेंदियस्स णं भंते ! अंतरं कालओ केवञ्चिरं होइ ? गोयमा ! जह० अंतो० उक्को० वणस्सइकालो, एवं तेंदियस्सवि चउरिंदियस्सवि णेरइयस्सवि पंचेंदियतिरिक्खजोणियस्सवि मणूसस्सवि देवस्सवि सव्वेसिमेवं अंतरं भाणियव्वं, सिद्धस्स णं भंते ! अंतरं कालओ० ? गो० ! साइयस्स अपज्जवसियस्स णत्थि अंतरं ॥ एएसि णं भंते ! एगिंदियाणं बेइंदि० तेइंदि० चउरिंदियाणं णेरइयाणं पंचेंदियतिरिक्खजोणियाणं मणूसाणं देवाणं सिद्धाण य कयरे २...? गोयमा ! सव्वत्थोवा मणुस्सा णेरइया असंखेज्जगुणा देवा असंखेजगुणा पंचेंदियतिरिक्खजोणिया असंखेजगुणा चउरिंदिया विसेसाहिया तेइंदिया विसेसाहिया बेइंदिया विसे० सिद्धा अणंतगुणा एगिंदिया अणंतगुणा ॥ २६९ ॥ अहवा णवविहा सव्वजीवा पण्णत्ता, तंजहा-पढमसमयनेरइया अपढमसमयणेरइया पढमसमयतिरिक्खजोणिया अपढमसमयतिरिक्खजोणिया पढमसमयमणूसा
