________________
स०प० ७ सिद्ध० पुच्छा] सुत्तागमे नाणी सुय० ओहि० मण० केवल० मइअण्णाणी सुयअण्णाणी विभंगणाणी ॥ आभिणिबोहियणाणी णं भंते ! आभिणिबोहियणाणित्ति कालओ केवच्चिरं होइ ? गोयमा ! जह• अंतो० उक्को० छावट्ठिसागरोवमाइं साइरेगाई, एवं सुयणाणीवि । ओहिणाणी णं भंते !०? गोयमा ! जह• एकं समयं उक्को० छावट्ठिसागरोवमाई साइरेगाई, मणपज्जवणाणी णं भंते !? गोयमा ! जह० एकं स० उक्को० देसूणा पुव्वकोडी, केवलणाणी णं भंते !०? गोयमा ! साइए अपजवसिए, मइअण्णाणी णं भंते !०१ गोयमा ! मइअण्णाणी तिविहे पण्णत्ते, तं०-अणाइए वा अपज्जवसिए अणाइए वा सपज्जवसिए साइए वा सपजवसिए, तत्थ णं जे से साइए सपज्जवसिए से जह० अंतो० उक्को० अणंतं कालं जाव अवटुं पोग्गलपरियह देसूणं, सुयअण्णाणी एवं चेव, विभंगणाणी णं भंते ! विभंग० ? गोयमा ! जह० एकं समयं उ० तेत्तीसं सागरोवमाई देसूणाए पुव्वकोडीए अब्भहियाइं ॥ आभिणिबोहियणाणिस्स णं भंते ! अंतरं कालओ० ? गोयमा ! जह• अंतो० उक्को० अणंतं कालं जाव अवहूं पोग्गलपरियह देसूणं, एवं सुयणाणिस्सवि, ओहिणाणिस्सवि, मणपज्जवणाणिस्सवि, केवलणाणिस्स णं भंते ! अंतरं० १ गोयमा ! साइयस्स अपज्जवसियस्स णत्थि अंतरं । मइअण्णाणिस्स णं भंते ! अंतरं० ? गोयमा ! अणाइयस्स अपज्जवसियस्स णत्थि अंतरं, अणाइयस्स सपजवसियस्स णत्थि अंतरं, साइयस्स सपज्जवसियस्स जह० अंतो० उको० छावहिँ सागरोवमाइं साइरेगाई, एवं सुयअण्णाणिस्सवि, विभंगणाणिस्स णं भंते ! अंतरं० ? गोयमा ! जह० अंतो० उक्को० वणस्सइकालो ॥ एएसि णं भंते ! आभिणिबोहियणाणीणं सुयणाणीणं ओहि. मण० केवल. मइअण्णाणीणं सुयअण्णाणीणं विभंगणाणीण य कयरे०? गोयमा ! सव्वत्थोवा जीवा मणपजवणाणी, ओहिणाणी असंखेजगुणा, आभिणिबोहियणाणी सुयणाणी एए दोवि तुल्ला विसेसाहिया, विभंगणाणी असंखेजगुणा, केवलणाणी अणंतगुणा, मइअण्णाणी सुयअण्णाणी य दोवि तुल्ला अणंतगुणा ॥ २६७ ॥ अहवा अट्टविहा सव्वजीवा पण्णत्ता, तंजहा-णेरइया तिरिक्खजोणिया तिरिक्खजोणिणीओ मणुस्सा मणुस्सीओ देवा देवीओ सिद्धा ॥ णेरइए णं भंते ! णेरइएत्ति कालओ केवचिरं होइ ? गोयमा ! जहन्नेणं दस वाससहस्साइं उ० तेत्तीसं सागरोवमाई, तिरिक्खजोणिए णं भंते !? गोयमा ! जह० अंतोमु० उक्को० वणस्सइकालो, तिरिक्खजोणिणी णं भंते !० ? गोयमा ! जह० अंतो० उक्को० तिन्नि पलिओवमाई पुव्वकोडिपुहुत्तमब्भहियाई, एवं मणूसे मणूसी, देवे जहा नेरइए, देवी णं भंते !० ? गो०! जह० दस वाससहस्साइं उ० पणपन्नं पलिओवमाई, सिद्धे
