________________
२५०
सुत्तागमे
[जीवाजीवाभिगमे तेइंदिया चउरिंदिया पंचेंदिया ॥ ठिई सव्वेसि भाणियव्वा ॥ पुढविक्काइयाणं संचिट्ठणा पुढविकालो जाव वाउक्काइयाणं, वणस्सईणं वणस्सइकालो, बेइंदिया तेइंदिया चउरिंदिया संखेनं कालं, पंचेंदियाणं सागरोवमसहस्सं साइरेगं॥ अंतरं सव्वेसिं अणंतं कालं, वणस्सइकाइयाणं असंखेनं कालं ॥ अप्पाबहुगं, सव्वत्थोवा पंचिंदिया चउरिंदिया विसेसाहिया तेइंदिया विसेसाहिया बेइंदिया विसेसाहिया तेउक्काइया असंखे० पुढविका० आउ० वाउ० विसेसाहिया वणस्सइकाइया अणंतगुणा । सेत्तं णवविहा संसारसमावण्णगा जीवा पण्णत्ता॥२४२॥ अट्टमा णवविहपडिवत्ती समत्ता॥
तत्थ णं जे ते एवमाहंसु-दसविहा संसारसमावण्णगा जीवा प० ते एवमासु, तंजहा–पढमसमयएगिदिया अपढमसमयएगिंदिया पढमसमयबेइंदिया अपढमसमयबेइंदिया जाव पढमसमयपचिंदिया अपढमसमयपचिंदिया, पढमसमयएगिदियस्स णं भंते ! केवइयं कालं ठिई पण्णत्ता ? गोयमा ! जहण्णेणं एक समयं उक्को० एकं०, अपढमसमयएगिदियस्स जहण्णेणं खुड्डागं भवग्गणं समऊणं उक्को० बावीसं वाससहस्साई समऊणाई, एवं सव्वेसिं पढमसमइयकालं जहण्णेणं एको समओ उक्कोसेणं एको समओ, अपढम० जहण्णेणं खुड्डागं भवग्गहणं समऊणं उक्कोसेणं जा जस्स ठिई सा समऊणा जाव पंचिंदियाणं तेत्तीसं सागरोवमाइं समऊणाइं ॥ संचिट्ठणा पढमसमइयस्स जहण्णेणं एकं समयं उकोसेणं एक समयं, अपढमसमयगाणं जहण्णेणं खुड्डागं भवग्गहणं समऊणं उक्कोसेणं एगिंदियाणं वणस्सइकालो, बेइंदियतेइंदियचडरिंदियाणं संखेनं कालं पंचेंदियाणं सागरोवमसहस्सं साइरेगं ॥ पढमसमयएगिदियाणं भंते ! कालओ केवइयं अंतरं होइ ? गोयमा! जहन्नेणं दो खुड्डागभवग्गहणाई समऊणाई उक्को० वणस्सइकालो, अपढम० एगिदिय० अंतरं जहण्णेणं खुड्डागं भवग्गहणं समयाहियं उक्को० दो सागरोवमसहस्साई संखेजवासमब्भहियाई, सेसाणं सव्वेसिं पढमसमइयाणं अंतरं जह• दो खुड्डाई भवग्गहणाई समऊणाई उक्को० वणस्सइकालो, अपढमसमइयाणं सेसाणं जहण्णेणं खुड्डागं भवग्गहणं समयाहियं उक्को. वणस्सइकालो ॥ पढमसमइयाणं सव्वेसिं सव्वत्थोवा पढमसमयपंचेंदिया पढम० चउरिंदिया विसेसाहिया पढम० तेइंदिया विसेसाहिया प० बेइंदिया विसेसाहिया प० एगिंदिया विसेसाहिया ॥ एवं अपढमसमइयावि णवरि अपढमसमयएगिंदिया अणंतगुणा । दोण्हं अप्पबहू, सध्वत्थोवा पढमसमयएगिंदिया अपढमसमयएगिंदिया अणंतगुणा सेसाणं सव्वत्थोवा पढमसमइया अपढम० असंखेज्जगुणा ॥ एएसि णं भंते ! पढमसमयएगिदियाणं अपढमसमयएगिंदियाणं जाव अपडमसमयपंचिंदियाण य कयरे २...? गोयमा ! सव्वत्थोवा पढमसमयपंचेंदिया पढमसमयचरिंदिया विसेसाहिया पढम
