________________
२५१
स० ५० ५ अवेयगंतरपु०] सुत्तागमे समयतेइंदिया विसेसाहिया एवं हेट्ठामुहा जाव पढमसमयएगिंदिया विसेसाहिया अपढमसमयपंचंदिया असंखेजगुणा अपढमसमयचउरिंदिया विसेसाहिया जाव अपढमसमयएगिंदिया अणंतगुणा ॥ २४३ ॥ सेत्तं दसविहा संसारसमावण्णगा जीवा पण्णत्ता, सेत्तं संसारसमावण्णगजीवाभिगमे ॥ नवमा दसविहा पडिवत्ती समत्ता॥
से किं तं सव्वजीवाभिगमे ? सव्वजीवेसु णं इमाओ णव पडिवत्तीओ एवमाहिजंति एगे एवमाहंसु-दुविहा सव्वजीवा पण्णत्ता जाव दसविहा सव्वजीवा पण्णत्ता ॥ तत्थ णं जे ते एवमाहंसु-दुविहा सव्वजीवा पण्णत्ता ते एवमाहंसु, तंजहा—सिद्धा चेव असिद्धा चेव इति ॥ सिद्धे णं भंते ! सिद्धेत्ति कालओ केवच्चिरं होइ ? गोयमा ! साइए अपज्जवसिए॥ असिद्धे णं भंते ! असिद्धेत्ति ? गोयमा ! असिद्धे दुविहे पण्णत्ते, तंजहा-अणाइए वा अपजवसिए अणाइए वा सपज्जवसिए ॥ सिद्धस्स णं भंते ! केवइकालं अंतरं होइ ? गोयमा ! साइयस्स अपज्जवसियस्स णत्थि अंतरं ॥ असिद्धस्स णं भंते ! केवइयं अंतरं होइ ? गोयमा ! अणाइयस्स अपज्जवसियस्स णत्थि अंतरं, अणाइयस्स सपज्जवसियस्स णत्थि अंतरं ॥ एएसि णं भंते ! सिद्धाणं असिद्धाण य कयरे २...? गोयमा ! सव्वत्थोवा सिद्धा असिद्धा अणंतगुणा ॥ २४४ ॥ अहवा दुविहा सव्वजीवा पण्णत्ता, तंजहा—सइंदिया चेव अणिंदिया चेव । सइंदिए णं भंते !० कालओ केवच्चिरं होइ ? गोयमा ! सइंदिए दुविहे पण्णत्ते, तं०-अणाइए वा अपज्जवसिए अणाइए वा सपज्जवसिए, अणिं दिए साइए वा अपज्जवसिए, दोण्हवि अंतरं नत्थि । सव्वत्थोवा अणिंदिया सइंदिया अणंतगुणा । अहवा दुविहा सव्वजीवा पण्णत्ता, तंजहा-सकाइया चेव अकाइया चेव एवं चेव, एवं सजोगी चेव अजोगी चेव तहेव, एवं सलेस्सा चेव अलेस्सा चेव ससरीरा चेव असरीरा चेव] संचिट्ठणं अंतरं अप्पाबहुयं जहा सइन्दियाणं ॥ अहवा दुविहा सव्वजीवा पण्णत्ता, तंजहासवेदगा चेव अवेदगा चेव ॥ सवेदए णं भंते ! सवे० ? गोयमा ! सवेदए तिविहे पण्णत्ते, तंजहा—अणाइए अपज्जवसिए, अणाइए सपज्जवसिए, साइए सपज्जवसिए, तत्थ णं जे से साइए सपज्जवसिए से जह• अंतोमु० उक्को० अणंतं कालं जाव खेत्तओ अवटुं पोग्गलपरियह देसूणं ॥ अवेदए णं भंते ! अवेदएत्ति कालओ केवचिरं होइ ? गोयमा ! अवेदए दुविहे पण्णत्ते, तंजहा—साइए वा अपज्जवसिए साइए वा सपज्जवसिए, तत्थ णं जे से साइए सपज्जवसिए से जहण्णेणं एकं समयं उक्को० अंतोमुहुत्तं ॥ सवेयगस्स णं भंते ! केवइकालं अंतरं होइ ? गोयमा ! अणाइयस्स अपज्जवसियस्स णत्थि अंतरं, अणाइयस्स सपज्जवसियस्स नत्थि अंतरं, साइयस्स सपज्जवसियस्स जहण्णेणं एवं समयं उक्कोसेणं अंतोमुहुत्तं ॥ अवेयगस्स णं भंते !
