________________
२२४
सुत्तागमे
[ जीवाजीवाभिगमे
विहरंति ॥ तत्थ णं जे से पच्चत्थिमिले अंजणगपव्वए तस्स णं चउदिसिं चत्तारि णंदा पुक्खरिणीओ पण्णत्ताओ, तंजहा - दिसेणा अमोहा य गोथूभा य सुदंसणा, ( भद्दा य विसाला य कुमुया पुंडरीगिणी) तं चेत्र सव्वं भाणियव्वं ॥ तत्थ णं जे से उत्तरिले अंजणगपव्त्रए तस्स णं चउद्दिसिं चत्तारि णंदापुक्खरिणीओ प०, तंजहा – विजया 'वेजयंती य जयंती अपराजिया, तहेव दहिमुहगपव्वया तहेव जाव वणखंडा बहु० जाव विहरति । अदुत्तरं च णं गोयमा ! णंदीसरवरस्स णं दीवस्स चक्कवाल विक्खं - भस्स बहुमज्झदेसभाए चउसु विदिसासु चत्तारि रइकरगपव्वया प० तं० - उत्तरपुरच्छिमिले रइकरगपव्वए दाहिणपुरत्थिमिले रइकरगपव्वए दाहिणपञ्चत्थिमिले रइकरगपव्वए उत्तरपच्चत्थिमिल्ले रइकरगपव्वए, ते णं रइकरगपव्वया दसजोयणसयाई उ उच्चत्तेणं, दसगाउयसयाई उव्वेहेणं, सव्वत्थसमा झल्लरिसंठाणसंठिया, दसजोयणसहस्साईं विक्खंभेणं, एकतीसं जोयणसहस्साइं छच्चतेवीसे जोयणसए परिक्खेवेणं, सव्वरयणामया अच्छा जाव पडिरूवा । तत्थ णं जे से उत्तरपुरच्छिमिल्ले रइकरगपव्वए तस्स णं चउद्दिसिमीसाणस्स देविंदस्स देवरण्णो चउण्हमग्गमहिसीणं जंबुद्दीवप्पमाणमेत्ताओ चत्तारि रायहाणीओ प० तं०- णंदोत्तरा णंदा उत्तरकुरा देवकुरा, कहाए कण्हराई कामाए कामरक्खियाए । तत्थ णं जे से दाहिणपुरच्छिमिले रइकरगपव्वए तस्स णं चउद्दिर्सि सक्क्स्स देविंदस्स देवरण्णो चउण्हमग्गमहिसीणं जंबुद्दीवप्पमाणाओ चत्तारि रायहाणीओ प० तं० - सुमणा सोमणसा अश्चिमाली मणोरमा, पउमाए सिवाए सईए अंजूए । तत्थ णं जे से दाहिणपच्चत्थिमिले रइकरगपव्वए तस्स णं चउद्दिर्सि सक्क्स्स देविंदस्स देवरण्णो चउण्हमग्गमहिसीणं जंबुद्दीवप्पमाणमेत्ताओ चत्तारि रायहाणीओ प० तं ० - भूया भूयवडिंसा गोथूभा सुदंसणा, अमलाए अच्छराए नवमिया रोहिणी । तत्थ णं जे से उत्तर पञ्चत्थिमिले रइकरगपव्वए तस्स णं चउदि - सिमीसाणस्स चउण्हमग्गमहिसीणं जंबुद्दीवप्पमाणमेत्ताओ चत्तारि रायहाणीओ प० तं ० - रयणा रयणोच्चया सव्वरयणा रयणसंचया, वसूए वसगुत्ताए वसुमित्ताए वसुंधराए । कलासहरिवाहाय तत्थ दुवे देवा महिड्डिया जाव पलिओवमद्विइया परिवसंति, से एएणणं गोयमा ! जाव णिचे जोइस संखेज्जं ॥ १८३ ॥ णंदीसरवरण्णं दीवं दसरोदे णामं समुद्दे वट्टे वलयागारसंठाणसंठिए जाव सव्वं तहेव अट्ठो जो खोदोदगस्स जाव सुमणसोमणसभद्दा एत्थ दो देवा महिड्डिया जाव परिवसंति सेसं तव जाव तारग्गं ॥ १८४ ॥ णंदीसरोदं णं समुद्दं अरुणे णामं दीवे वट्टे वलयागार जाव संपरिक्खित्ताणं चिट्ठर । अरुणे णं भंते ! दीवे किं समचक्कवालसंठिए विसमचकवालसंठिए ? गोयमा ! समचक्कवालसंठिए नो विसमचक्कवालसंठिए, केवइयं
