________________
सुत्तागमे
[ जीवाजीवाभिगमे
पियदंसणा दुवे देवा महिड्डिया जाव पलिओवमट्ठिया परिवसंति से एएणट्टेणं, अदुत्तरं च गोयमा ! जाव णिच ॥ धायइसंडे णं भंते ! दीवे कइ चंदा पभासिंसु वा ३ ? कइ सूरिया तर्विसु वा ३ ? कइ महग्गहा चारं चरिंसु वा ३ ? कइ णक्खत्ता जोगं जोईसु वा ३ ? कइ तारागणकोडाकोडीओ सोमेंसु वा ३ ?, गोयमा ! बारस चंदा पभासिंसु वा ३, एवं चउवीसं ससिरविणो णक्खत्त सया य तिन्नि छत्तीसा । एगं च गहसहस्सं छप्पन्नं धायईसंडे ॥ १ ॥ अट्ठेव सयसहस्सा तिण्णि सहरसाईं सत्त य सयाई । धायइसंडे दीवे तारागणकोडिकोडीणं ॥ २ ॥ सोमे॑सु वा ३ १७४ ॥ धायइसंडं णं दीवं कालोदे णामं समुद्दे वट्टे वलयागारसंठाणसंठिए सव्वओ समंता संपरिक्खित्ताणं चिट्ठइ, कालोदे णं समुद्दे किं समचक्कवालसंठाणसंठिए विसम० ? गोयमा ! समचक्कवाल० णो विसमचक्कवालसंठिए ॥ कालोदे णं भंते ! समुद्दे केवइयं चक्कवालविक्खंभेणं केवइयं परिक्खेवेणं पण्णत्ते ? गोयमा ! अट्ठ जोयणसय सहस्साईं चक्कवालविक्खंभेणं एक्काणउइजोयणसयसहस्साइं सत्तरि सहस्साईं छच्च पंचुत्तरे जोयणसए किंचिविसेसाहिए परिक्खेवेणं पण्णत्ते ॥ से णं एगाए पउमवरवेश्याए एगेणं वणसंडेणं • दोहवि वण्णओ ॥ कालोयस्स णं भंते! समुद्दस्स कइ दारा पण्णत्ता ? गोयमा ! चत्तारि दारा पण्णत्ता, तंजहा - विजए वैजयंते जयंते अपराजिए || कहि णं भंते! कालोदस्स समुहस्स विजए णामं दारे पण्णत्ते ? गोयमा ! कालोदे समुद्दे पुरत्थिमपेरंते पुक्खरवरदीवपुरत्थिमद्धस्स पच्चत्थिमेणं सीओयाए महाईए उप एत्थ णं कालोदस्स समुद्दस्स विजए णामं दारे पण्णत्ते, अट्ठेव जोयणाईं तं चेव पमाणं जाव रायहाणीओ । कहि णं भंते ! कालोयस्स समुहस्स वेजयंते णामं दारे पण्णत्ते ? गोयमा ! कालोयसमुद्दस्स दक्खिणपेरंते पुक्खरवरदीवस दक्खिणद्धस्स उत्तरेणं एत्थ णं कालोयसमुद्दस्स वेजयंते नामं दारे पन्नत्ते । कहि णं भंते ! कालोयसमुद्दस्स जयंते नामं दारे पन्नत्ते ? गोयमा ! कालोय समुहस्स पञ्चत्थिमपेरंते पुक्खरवरदीवस्स पच्चत्थिमद्धस्स पुरत्थिमेणं सीयाए महाणईए उप जयंते नामं दारे पण्णत्ते । कहि णं भंते ! कालोयसमुद्दस्स अपराजिए नामं दारे पण्णत्ते ? गोयमा ! कालोयसमुद्दस्स उत्तरद्धपेरंते पुक्खरवरदीवोत्तरद्धस्स दाहिणओ एत्थ णं कालोयसमुद्दस्स अपराजिए णामं दारे०, सेसं तं चेव ॥ कालोयस्स णं भंते! समुहस्स दारस्य २ एस णं केवइयं २ अबाहाए अंतरे पण्णत्ते ? गोयमा ! - बावीस सयसहस्सा बाणउइ खलु भवे सहस्साइं । छच्च सया बायाला दारंतर तिन्नि कोसा य ॥ १ ॥ दारस्स य २ अबाहाए अंतरे पण्णत्ते । कालोदस्स णं भंते ! समुद्दस पएसा पुक्खरवरदीव० तहेव, एवं पुक्खरवरदीवस्सवि जीवा उद्दाइत्ता २
२१४
