________________
प०३ धायइसंडदीवो] सुत्तागमे
२१३ पगइ० तेसिं पणिहाए लवण०, सीयासीओयगासु सलिलासु देवयाओ महिड्डिया०, देवकुरुउत्तरकुरूसु मणुया पगइभद्दगा०, मंदरे पव्वए देवयाओ महिड्डिया०, जंबूए य सुदंसणाए जंबूदीवाहिवई अणाढिए णामं देवे महिड्डिए जाव पलिओवमट्ठिइए परिवसइ तस्स पणिहाए लवणसमुद्दे० नो उवीलेइ नो उप्पीलेइ नो चेव णं एक्कोदगं करेइ, अदुत्तरं च णं गोयमा ! लोगट्टिई लोगाणुभावे जण्णं लवणसमुद्दे जंबुद्दीवं दीवं नो उवीलेइ नो उप्पीलेइ नो चेव णमेगोदगं करेइ ॥ १७३ ॥ इइ मंदरोदेसो समत्तो॥ __ लवणसमुई धायइसंडे नामं दीवे वट्टे वलयागारसंठाणसंठिए सव्वओ समंता संपरिक्खित्ताणं चिठ्ठइ, धायइसंडे णं भंते ! दीवे किं समचक्कवालसंठिए विसमचक्कवालसंठिए ? गोयमा ! समचक्कवालसंठिए नो विसमचक्कवालसंठिए ॥ धायइसंडे णं भंते ! दीवे केवइयं चक्कवालविक्खंभेणं केवइयं परिक्खेवेणं पण्णत्ते ? गोयमा ! चत्तारि जोयणसयसहस्साइं चकवालविक्खंभेणं एगयालीसं जोयणसयसहस्साई दसजोयणसहस्साई णवएगटे जोयणसए किंचिविसेसूणे परिक्खेवेणं पण्णत्ते ॥ से णं एगाए पउमवरवेश्याए एगेणं वणसंडेणं सव्वओ समंता संपरिक्खित्ते दोण्हवि वण्णओ दीवसमिया परिक्खेवेणं ॥ धायइसंडस्स णं भंते ! दीवस्स कइ दारा पण्णत्ता ? गोयमा ! चत्तारि दारा पण्णत्ता, तं०-विजए वेजयंते जयंते अपराजिए॥ कहि णं भंते ! धायइसंडस्स दीवस्स विजए णामं दारे पण्णत्ते ? गोयमा ! धायइसंडपुरथिमपेरंते कालोयसमुद्दपुरथिमद्धस्स पञ्चत्थिमेणं सीयाए महाणईए उप्पि एत्थ णं धायइ० विजए णामं दारे पण्णत्ते तं चेव पमाणं, रायहाणीओ अण्णमि धायइसंडे दीवे, दीवस्स वत्तव्वया भाणियव्वा, एवं चत्तारिवि दारा भाणियव्वा ॥ धायइसंडस्स णं भंते ! दीवस्स दारस्स य २ एस णं केवइयं अबाहाए अंतरे पण्णत्ते? गोयमा ! दस जोयणसयसहस्साई सत्तावीसं च जोयणसहस्साई सत्तपणतीसे जोयणसए तिन्नि य कोसे दारस्स य २ अबाहाए अंतरे पण्णत्ते ॥ धायइसंडस्स णं भंते ! दीवस्स पएसा कालोयगं समुदं पुट्ठा ? हंता पुट्ठा ॥ ते णं भंते ! किं धायइसंडे दीवे कालोए समुद्दे ? ते धायइसंडे नो खलु ते कालोयसमुद्दे । एवं कालोयस्सवि। धायइसंडद्दीवेणं भंते ! जीवा उद्दाइत्ता २ कालोए समुद्दे पञ्चायंति? गोयमा! अत्थेगइया पञ्चायंति अत्थेगइया नो पञ्चायति । एवं कालोएवि अत्थे० प० अत्थेगइया णो पञ्चायति ॥ से केणटेणं भंते ! एवं वुच्चइ-धायइसंडे दीवे २ ? गोयमा ! धायइसंडे णं दीवे तत्थ तत्थ देसे २ तहिं २ बहवे धायहरुक्खा धायइवण्णा धायइसंडा णि कुसुमिया जाव उवसोभेमाणा २ चिट्ठति, धायइमहाधायइरुक्खेसु सुदंसण
