________________
सुत्तागमे
[ जीवाजीवाभिगमे
समुद्दस्त केमहालए गोतित्थविरहिए खेत्ते पण्णत्ते ? गोयमा ! लवणस्स णं समुहस्स दस जोयणसहस्साइं गोतित्थविरहिए खेत्ते पण्णत्ते ॥ लवणस्स णं भंते ! समुहस्स केमहालए उदगमाले पण्णत्ते ? गोयमा ! दस जोयणसहस्साईं उदगमाले पण्णत्ते ॥ १७१ ॥ लवणे णं भंते! समुद्दे किंसंठिए पण्णत्ते ? गोयमा ! गोतित्थसंठिए नावासंठाणसंठिए सिप्पिसंपुडसंठिए आसखंधसंठिए वलभिसंठिए वट्टे वलयागारसंठाणसंठिए पण्णत्ते ॥ लवणे णं भंते ! समुद्दे केवइयं चक्कवालविक्खंभेणं ? केवइयं परिक्खेवेणं ? केत्रइयं उब्वेहेणं ? केवइयं उस्सेहेणं ? केवइयं सव्वग्गेणं पण्णत्ते ?, गोयमा ! लवणे णं समुद्दे दो जोयणसयसहस्साईं चक्कवालविक्खंभेणं पण्णरस जोयणसयसहस्साईं एक्कासीई च सहस्साई सयं च इगुयालं किंचिविसेसूणे परिक्खेवेणं एगं जोयणसहस्सं उब्वेहेणं सोलस जोयणसहस्साइं उस्सेहेणं सत्तरस जोयणसहस्साई सव्वग्गेणं पण्णत्ते ॥ १७२ ॥ जइ णं भंते! लवणसमुद्दे दो जोयणसयसहस्साई चक्कवालविक्खंभेणं पण्णरस जोयणसयसहस्साईं एक्कासीइ च सहस्साई सयं इगुयालं किंचि विसेसूणे परिक्खेवेणं एगं जोयणसहस्सं उव्वेहेणं सोलस जोयणसहस्साईं उस्सेहेणं सत्तरस जोयणसहस्साईं सव्वग्गेणं पण्णत्ते । कम्हा णं भंते ! लवणसमुद्दे जंबुद्दीवं २ नो उवीलेइ नो उप्पीलेइ नो चेव णं एक्कोदगं करेइ ? गोयमा ! जंबुद्दीवे णं दीवे भरहेरवएसु वासेसु अरहंतचक्कवट्टिबलदेवा वासुदेवा चारणा विज्जाहरा समणा समणीओ सावया सावियाओ मणुया पगइभद्दया पगइविणीया पगइउवसंता पइपको हमाणमायालोभा मिउमद्दवसंपन्ना अल्लीणा भद्दगा विणीया, तेसि णं पणिहाए लवणे समुद्दे जंबुद्दीवं दीवं नो उवीलेइ नो उप्पीलेइ नो चेव णं एगोदगं करेइ, गंगासिंधुरत्तारत्तवसु सलिलासु देवयाओ महिड्डियाओ जाव पलिओवमट्ठियाओ परिवसंति, तासि णं पणिहाए लवणसमुद्दे जाव नो चेव णं एगोदगं करेइ, चुल्लहिमवंतसिहरेसु वासहरपव्वएसु देवा महिड्डिया ० तेसि णं पणिहाए०, हेमवएरण्णव सु वासेसु मणुया पगइभद्दगा०, रोहियंससुवण्णकूलरुप्पकूलासु सलिलासु देवयाओ महिड्डियाओ० तासिं पणि०, सद्दावइवियडावइवट्टवेयड्ढपव्वसु देवा महिड्डिया जाव पलिओम या परिव०, महाहिमवंतरुप्पीसु वासहरपव्वसु देवा महिड्डिया जाव पलिओ मट्ठिया०, हरिवासरम्मयवासेसु मणुया पगइभद्दगा०, गंधावइमालवंतपरियावेपव्वसु देवा महिड्डिया०, णिसढणीलवंतेसु वासहरपव्वसु देवा महिडिया०, सव्वाओ दहदेवयाओ भाणियव्वाओ, पउमद्दहतिगिच्छिकेसरिदहावसाणेसु देवयाओ महिड्डियाओ० तासिं पणिहाए०, पुव्वविदेहावरविदेहेसु वासेसु अरहंतचक्कवट्टिबलदेववासुदेवा चारणा विज्जाहरा समणा समणीओ सावगा सावियाओ मणुया
२१२
