________________
२०८
सुत्तागमे
[जीवाजीवाभिगमे गोयमा! जाव णिच्चे। कहि णं भंते ! सुट्टियस्स लवणाहिवइस्स सुट्ठिया णामं रायहाणी पण्णत्ता? गोयमा ! गोयमदीवस्स पञ्चत्थिमेणं तिरियमसंखेजे जाव अण्णमि लवणसमुद्दे बारस जोयणसहस्साइं ओगाहित्ता, एवं तहेव सव्वं णेयव्वं जाव सुट्ठिए देवे॥१६१॥ कहि णं भंते ! जंबुद्दीवगाणं चंदाणं चंददीवा णामं दीवा पण्णत्ता ? गोयमा ! जंबुद्दीवे २ मंदरस्स पव्वयस्स पुरच्छिमेणं लवणसमुइं बारस जोयणसहस्साई ओगाहित्ता एत्थ णं जंबूदीवगाणं चंदाणं चंददीवा णामं दीवा पण्णत्ता, जंबुद्दीवंतेणं अद्धे गूणणउइजोयणाई चत्तालीसं पंचाणउइं भागे जोयणस्स ऊसिया जलंताओ लवणसमुदंतेणं दो कोसे ऊसिया जलंताओ बारस जोयणसहस्साई आयामविक्खंमेणं, सेसं तं चेव जहा गोयमदीवस्स परिक्खेवो पउमवरवेइया पत्तेयं २ वणसंडपरि० दोण्हवि वण्णओ बहुसमरमणिज्जा भूमिभागा जाव जोइसिया देवा आसयंतिः । तेसि णं बहुसमरमणिजे भूमिभागे पासायवडेंसगा बावट्टि जोयणाइं० बहुमज्झ० मणिपेढियाओ दो जोयणाई जाव सीहासणा सपरिवारा भाणियव्वा तहेव अट्ठो, गोयमा ! बहूसु खुड्डासु खुड्डियासु बहूइं उप्पलाइं० चंदवण्णाभाई चंदा एत्थ देवा महिड्डिया जाव पलिओवमट्ठिश्या परिवसंति, ते णं तत्थ पत्तेयं पत्तेयं चउण्हं सामाणियसाहस्सीणं जाव चंददीवाणं चंदाण य रायहाणीणं अन्नसिं च बहूणं जोइसियाणं देवाणं देवीण य आहेवच्चं जाव विहरंति, से तेणटेणं गोयमा ! चंददीवा जाव णिच्चा । कहि णं भंते ! जंबुद्दीवगाणं चंदाणं चंदाओ नाम रायहाणीओ पण्णत्ताओ ? गोयमा ! चंददीवाणं पुरथिमेणं तिरियं जाव अण्णमि जंबुद्दीवे २ बारस जोयणसहस्साई ओगाहित्ता तं चेव पमाणं जाव एमहिड्डिया चंदा देवा २ ॥ कहि णं भंते ! जंबुद्दीवगाणं सूराणं सूरदीवा णामं दीवा पण्णत्ता ? गोयमा ! जंबुद्दीवे २ मंदरस्स पव्वयस्स पचत्थिमेणं लवणसमुदं बारस जोयणसहस्साइं ओगाहित्ता तं चेव उच्चत्तं आयामविक्खंभेणं परिक्खेवो वेइया वणसंडा भूमिभागा जाव आसयंति० पासायवडेंसगाणं तं चेव पमाणं मणिपेढिया सीहासणा सपरिवारा अट्ठो उप्पलाइं० सूरप्पभाई सूरा एत्थ देवा जाव रायहाणीओ सगाणं दीवाणं पञ्चत्थिमेणं अण्णमि जंबुद्दीवे दीवे सेसं तं चेव जाव सूरा देवा २ ॥ १६२ ॥ कहि णं भंते ! अभितरलावणगाणं चंदाणं चंददीवा णामं दीवा पण्णत्ता ? गोयमा ! जंबुद्दीवे २ मंदरस्स पव्वयस्स पुरत्थिमेणं लवगसमुई बारस जोयणसहस्साइं ओगाहित्ता एत्थ णं अभितरलावणगाणं चंदाणं चंददीवा णामं दीवा पण्णत्ता, जहा जंबुद्दीवगा चंदा तहा भाणियव्वा णवरि रायहाणीओ अण्णमि लवणे सेसं तं चेव । एवं अभितरलावणगाणं सूराणवि लवणसमुई बारस जोयणसहस्साई तहेव सव्वं जाव रायहाणीओ ॥ कहि णं भंते !
