________________
प० ३ गोयमदीववण्णणं] सुत्तागमे
२०७ भंते ! चउण्हं अणुवेलंधरणागरायाणं कइ आवासपव्वया पन्नत्ता ? गोयमा ! चत्तारि आवासपव्वया पण्णत्ता, तंजहा—ककोडए १ कद्दमए २ कइलासे ३ अरुणप्पभे ४ ॥ कहि णं भंते ! ककोडगस्स अणुवेलंधरणागरायस्स ककोडए णामं आवासपव्वए पण्णत्ते? गोयमा ! जंबुद्दीवे २ मंदरस्स पव्वयस्स उत्तरपुरच्छिमेणं लवणसमुदं बायालीसं जोयणसहस्साई ओगाहित्ता एत्थ णं ककोडगस्स नागरायस्स कक्कोडए णामं आवासपव्वए पण्णत्ते सत्तरस एकवीसाइं जोयणसयाइं तं चेव पमाणं जं गोथूभस्स णवरि सव्वरयणामए अच्छे जाव निरवसेसं जाव सिंहासणं सपरिवारं अट्ठो से बहूइं उप्पलाइं० ककोडप्पभाई सेसं तं चेव णवरि ककोडगपव्वयस्स उत्तरपुरच्छिमेणं, एवं तं चेव सव्वं, कद्दमस्सवि सो चेव गमओ अपरिसेसिओ, णवरि दाहिणपुरच्छिमेणं आवासो विज्जुप्पभा रायहाणी दाहिणपुरथिमेणं, कइलासेवि एवं चेव, णवरि दाहिणपञ्चत्थिमेणं कइलासावि रायहाणी ताए चेव दिसाए, अरुणप्पभेवि उत्तरपचत्थिमेणं रायहाणीवि ताए चेव दिसाए, चत्तारि विगप्पमाणा सव्वरयणामया य ॥ १६० ॥ कहि णं भंते ! सुट्टियस्स लवणाहिवइस्स गोयमदीवे णामं दीवे पण्णत्ते ? गोयमा ! जंबुद्दीवे दीवे मंदरस्स पव्वयस्स पञ्चस्थिमेणं लवणसमुदं बारसजोयणसहस्साइं ओगाहित्ता एत्थ णं सुट्टियस्स लवणाहिवइस्स गोयमदीवे. पण्णत्ते, बारसजोयणसहस्साइं आयामविक्खंभेणं सत्ततीसं जोयणसहस्साइं नव य अडयाले जोयणसए किंचिविसेसूणे परिक्खेवेणं जंबूदीवंतेणं अद्धेगूणणउए जोयणाइं चत्तालीसं पंचणउइभागे जोयणस्स ऊसिए जलंताओ लवणसमुदंतेणं दो कोसे ऊसिए जलंताओ ॥ से णं एगाए पउमवरवेइयाए एगेण य वणसंडेणं सव्वओ समंता तहेव वण्णओ दोण्हवि । गोयमदीवस्स णं दीवस्स अंतो जाव बहुसमरमणिज्जे भूमिभागे पण्णत्ते, से जहानामए-आलिंग० जाव आसयंतिः । तस्स णं बहुसमरमणिज्जस्स भूमिभागस्स बहुमज्झदेसभागे एत्थ णं सुट्टियस्स लवणाहिवइस्स एगे महं अइक्कीलावासे नामं भोमेजविहारे पण्णत्ते बावडिं जोयणाइं अद्धजोयणं उर्दू उच्चत्तेणं एकतीसं जोयणाइं कोसं च विक्खंभेणं अणेगखंभसयसन्निविटे सव्वो भवणवण्णओ भाणियव्वो। अइक्कीलावासस्स णं भोमेजविहारस्स अंतो बहुसमरमणिज्जे भूमिभागे पण्णत्ते जाव मणीणं फासो। तस्स णं बहुसमरमणिज्जस्स भूमिभागस्स बहुमज्झदेसभाए एत्थ एगा मणिपेडिया पण्णत्ता। सा णं मणिपेडिया दो जोयणाई आयामविक्खंभेणं जोयणबाहल्लेणं सव्वमणिमया अच्छा जाव पडिरूवा ॥ तीसे णं मणिपेढियाए उवरि एत्थ णं देवसयणिज्जे पण्णत्ते वण्णओ॥ से केणटेणं भंते! एवं वुच्चइ-गोयमदीवे दीवे २? गोयमा ! गोयमदीवेणं दीवे तत्थ २ देसे २ तहिं २ बहूई उप्पलाइं जाव गोयमप्पभाई से एएणटेणं
