________________
सुत्तागमे [जीवाजीवाभिगमे महिड्डिए जाव पलिओवमट्ठिइए परिवसइ, से णं तत्थ चउण्डं सामाणियसाहस्सीणं जाव गोथूभयस्स आवासपव्वयस्स गोथूभाए रायहाणीए जाव विहरइ, से तेणटेणं जाव णिचे ॥ रायहाणिपुच्छा, गोयमा ! गोथूभस्स आवासपव्वयस्स पुरथिमेणं "तिरियमसंखेज्जे दीवसमुद्दे वीइवइत्ता अण्णमि लवणसमुद्दे तं चेव पमाणं तहेव सव्वं ॥ कहि णं भंते ! सिवगस्स वेलंधरणागरायस्स दओभासणामे आवासपव्वए पण्णत्ते ? गोयमा ! जंबुद्दीवे णं दीवे मंदरस्स पव्वयस्स दक्खिणेणं लवणसमुई बायालीसं जोयणसहस्साइं ओगाहित्ता एत्थ णं सिवगस्स वेलंधरणागरायस्स दोभासे णामं आवासपव्वए पण्णत्ते, तं चेव पमाणं जं गोथूभस्स, गवरि सव्वअंकामए अच्छे जाव पडिरूवे जाव अट्ठो भाणियव्वो, गोयमा ! दओभासे णं आवासपव्वए लवणसमुद्दे अट्ठजोयणियखेत्ते दगं सव्वओ समंता ओभासेइ उज्जोवेइ तवइ पभासेइ सिवए इत्थ देवे महिड्डिए जाव रायहाणी से दक्खिणेणं सिविगा दओभासस्स सेसं तं चेव ॥ कहि णं भंते ! संखस्स वेलंधरणागरायस्स संखे णामं आवासपव्वए पण्णत्ते ? गोयमा ! जंबुद्दीवे णं दीवे मंदरस्स पव्वयस्स पञ्चत्थिमेणं लवणसमुदं बायालीसं जोयणसहस्साइं ओगाहित्ता एत्थ णं संखस्स वेलंधर० संखे णामं आवासपव्वए प० तं चेव पमाणं णवरं सव्वरयणामए अच्छे जाव पडिरूवे। से णं एगाए परमवरवेइयाए एगेपण य वणसंडेणं जाव अट्ठो बहूओ खुड्डाखुड्डियाओ जाव बहूइं उप्पलाई संखप्पभाई संखवण्णाइं संखवण्णप्पभाई संखे एत्थ देवे महिड्डिए जाव रायहाणीए पञ्चत्थिमेणं संखस्स आवासपवयस्स संखा नाम रायहाणी तं चेव पमाणं ॥ कहि णं भंते! मणोसिलगस्स वेलंधरणागरायस्स उदगसीमए णामं आवासपबए पण्णत्ते ? गोयमा ! जंबुद्दीवे २ मंदरस्स प० उत्तरेणं लवणसमुई बायालीसं जोयणसहस्साइं ओगाहित्ता एत्थ णं मणोसिलगस्स वेलंधरणागरायस्स उदगसीमए णामं आवासपव्वए पण्णत्ते तं चेव पमाणं णवरि सव्वफलिहामए अच्छे जाव पडिरूवे अट्ठो, गोयमा ! दगसीमए णं आवासपव्वए सीयासीयोयगाणं महाणईणं तत्थ गओ सोए पडिहम्मइ से तेणढेणं जाव णिच्चे, मणोसिलए एत्थ देवे महिड्डिए जाव से णं तत्थ चउण्हं सामाणिय० जाव विहरइ ॥ कहि णं भंते! मणोसिलगस्स वेलंधरणागरायस्स मणोसिला णाम रायहाणी पण्णत्ता? गोयमा! दगसीमस्स आवासपव्वयस्स उत्तरेणं तिरि अण्णमि लवणे एत्थ णं मणोसिलिया णाम रायहाणी पण्णत्ता तं चेव पमाणं जाव मणोसिलए देवे-कणगंकरा ययफालियमया य वेलंधराणमावासा । अणुवेलंधरराईण पव्वया होंति रयणमय॥१॥१५९॥ कइणं भंते ! अणुवेलंधरनागरायाणो पण्णत्ता ? गोयमा! चत्तारि अणुवेलंधरणागरायाणो पण्णत्ता, तंजहा-कक्कोडए कद्दमए केलासे अरुणप्पभे ॥ एएसि णं
