________________
प०३ धरणनागकुमा०] सुत्तागमे केणटेणं भंते ! एवं वुच्चइ-चमरस्स असुरिंदस्स तओ परिसाओ पण्णत्ताओ, तंजहा–समिया चंडा जाया, अभितरिया समिया मज्झिमिया चंडा बाहिरिया जाया? गोयमा ! चमरस्स णं असुरिंदस्स असुररन्नो अभितरपरिसाए देवा वाहिया हव्वमागच्छंति णो अव्वाहिया, मज्झिमपरिसाए देवा वाहिया हव्वमागच्छंति अव्वाहियावि, बाहिरपरिसाए देवा अव्वाहिया हव्वमागच्छंति, अदुत्तरं च णं गोयमा ! चमरे असुरिंदे असुरराया अन्नयरेसु उच्चावएसु कजकोडंबेसु समुप्पन्नेसु अभितरियाए परिसाए सद्धिं संमइसंपुच्छणाबहुले विहरइ मज्झिमपरिसाए सद्धिं पयं एवं पवंचेमाणे २ विहरइ बाहिरियाए परिसाए सद्धिं पयंडेमाणे २ विहरइ, से तेण?णं गोयमा! एवं वुचइ-चमरस्स णं असुरिंदस्स असुरकुमाररण्णो तओ परिसाओ पण्णत्ताओ समिया चंडा जाया, अभितरिया समिया मज्झिमिया चंडा बाहिरिया जाया ॥११८॥ कहि णं भंते ! उत्तरिल्लाणं असुरकुमाराणं भवणा पण्णत्ता? जहा ठाणपए जाव बली एत्थ वइरोयणिंदे वइरोयणराया परिवसइ जाव विहरइ ॥ बलिस्स णं भंते ! वयरोयणिंदस्स वइरोयणरन्नो कइ परिसाओ पण्णत्ताओ? गोयमा ! तिण्णि परिसाओ प०, तंजहा-समिया चंडा जाया, अभितरिया समिया मज्झिमिया चंडा बाहिरिया जाया। बलिस्स णं भंते ! वइरोयणिंदस्स वइरोयणरन्नो अभितरियाए परिसाए कइ देवसहस्सा प० ? मज्झिमियाए परिसाए कइ देवसहस्सा जाव बाहिरियाए परिसाए कइ देविसया पण्णत्ता ?, गोयमा ! बलिस्स णं वइरोयणिंदस्स २ अभितरियाए परिसाए वीसं देवसहस्सा पण्णत्ता, मज्झिमियाए परिसाए चउवीसं देवसहस्सा पण्णत्ता, बाहिरियाए परिसाए अट्ठावीसं देवसहस्सा पण्णत्ता, अभितरियाए परिसाए अद्धपंचमा देविसया पण्णत्ता, मज्झिमियाए परिसाए चत्तारि देविसया पण्णत्ता, बाहिरियाए परिसाए अद्भुट्ठा देविसया पण्णत्ता, बलिस्स' ठिईए पुच्छा जाव बाहिरियाए परिसाए देवीणं केवइयं कालं ठिई पण्णत्ता ?, गोयमा ! बलिस्स णं वइरोयणिंदस्स २ अभितरियाए परिसाए देवाणं अद्भुट्ठपलिओवमा ठिई पण्णत्ता, मज्झिमियाए परिसाए तिन्नि पलिओवमाइं ठिई पण्णत्ता, बाहिरियाए परिसाए देवाणं अड्डाइजाइं पलिओवमाई ठिई पण्णत्ता, अभितरियाए परिसाए देवीणं अड्डाइजाइं पलिओवमाइं ठिई पण्णत्ता, मज्झिमियाए परिसाए देवीणं दो पलिओवमाइं ठिई पण्णत्ता, बाहिरियाए परिसाए देवीणं दिवढे पलिओवमं ठिई पण्णत्ता, सेसं जहा चमरस्स असुरिंदस्स असुरकुमाररण्णो ॥ ११९ ॥ कहि णं भंते ! नागकुमाराणं देवाणं भवणा पण्णत्ता? जहा ठाणपए जाव दाहिणिलाणि पुच्छियव्वा जाव धरणे इत्थ नागकुमारिंदे नागकुमारराया परिवसइ जाव
