________________
सुत्तागमे
[जीवाजीवाभिगमे
विहरइ ॥ धरणस्स णं भंते ! नागकुमारिंदस्स नागकुमाररण्णो कइ परिसाओ प० ? गोयमा ! तिण्णि परिसाओ, ताओ चेव जहा चमरस्स । धरणस्स णं भंते! णागकुमारिंदस्स णागकुमाररन्नो अभितरियाए परिसाए कइ देवसहस्सा पन्नत्ता जाव बाहिरियाए परिसाए कइ देविसया पण्णत्ता ?, गोयमा! धरणस्स णं नागकुमारिंदस्स नागकुमाररण्णो अभितरियाए परिसाए सर्हि देवसहस्साई मज्झिमियाए परिसाए सत्तरं देवसहस्साई बाहिरियाए परिसाए असीइदेवसहस्साइं अभितरपरिसाए पण्णत्तरं देविसयं पण्णत्तं मज्झिमियाए परिसाए पण्णासं देविसयं पण्णत्तं बाहिरियाए परिसाए पणवीसं देविसयं पण्णत्तं । धरणस्स णं० रन्नो अभितरियाए परिसाए देवाणं केवइयं कालं ठिई पण्णत्ता ? मज्झिमियाए परिसाए देवाणं केवइयं कालं ठिई पण्णत्ता? बाहिरियाए परिसाए देवाणं केवइयं कालं ठिई पण्णत्ता ? अभितरियाए परिसाए देवीणं केवइयं कालं ठिई पण्णत्ता ? मज्झिमियाए परिसाए देवीणं केवइयं कालं ठिई पण्णत्ता ? बाहिरियाए परिसाए देवीणं केवइयं कालं ठिई पण्णत्ता ?, गोयमा! धरणस्स० रण्णो अभितरियाए परिसाए देवाणं साइरेगं अद्धपलिओवमं ठिई पण्णत्ता, मज्झिमियाए परिसाए देवाणं अद्धपलिओवमं ठिई पण्णत्ता, बाहिरियाए परिसाए देवाणं देसूणं अद्धपलिओवमं ठिई पण्णत्ता, अभितरियाए परिसाए देवीणं देसूणं अद्धपलिओवमं ठिई पण्णत्ता, मज्झिमियाए परिसाए देवीणं साइरेगं चउब्भागपलिओवमं ठिई पण्णत्ता, बाहिरियाए परिसाए देवाणं चउभागपलिओवमं ठिई पण्णत्ता, अट्ठो जहा चमरस्स ॥ कहि णं भंते ! उत्तरिल्लाणं णागकुमाराणं जहा ठाणपए जाव विहरइ ॥ भूयाणंदस्स णं भंते ! णागकुमारिंदस्स णागकुमाररण्णो अभितरियाए परिसाए कइ देवसाहस्सीओ पण्णत्ताओ? मज्झिमियाए परिसाए कइ देवसाहस्सीओ पण्णत्ताओ? बाहिरियाए परिसाए कइ देवसाहस्सीओ पण्णत्ताओ?' अभितरियाए परिसाए कइ देविसया पण्णत्ता ? मज्झिमियाए परिसाए कइ देविसया पण्णत्ता ? बाहिरियाए परिसाए कइ देविसया पण्णत्ता ?, गोयमा! भूयाणंदस्स णं नागकुमारिदस्स नागकुमाररन्नो अभितरियाए परिसाए पन्नासं देवसहस्सा पण्णत्ता, मज्झिमियाए परिसाए सद्धिं देवसाहस्सीओ पण्णत्ताओ, बाहिरियाए परिसाए सत्तरि देवसाहस्सीओ पण्णत्ताओ, अभितरियाए परिसाए दो पणवीसं देविसयाणं पण्णत्ता, मज्झिमियाए परिसाए दो देवीसया पण्णत्ता, बाहिरियाए परिसाए पण्णत्तरं देविसयं पण्णत्तं । भूयाणंदस्स णं भंते! नागकुमारिंदस्स नागकुमाररण्णो अभितरियाए · परिसाए देवाणं केवइयं कालं ठिई पण्णत्ता जाव बाहिरियाए परिसाए देवीणं केवइयं
कालं ठिई पण्णत्ता?, गोयमा ! भूयाणंदस्स णं० अभितरियाए परिसाए देवाणं
