________________
१६४
सुत्तागमे
[जीवाजीवाभिगमे
असुरकुमारा जहा पण्णवणापए देवाणं भेओ तहा भाणियव्वो जाव अणुत्तरोववाइया पंचविहा पण्णत्ता, तंजहा-विजयवेजयंत जाव सव्वट्ठसिद्धगा, सेत्तं अणुत्तरोववाइया ॥ ११५॥ कहि णं भंते ! भवणवासिदेवाणं भवणा पन्नत्ता ? कहि णं भंते ! भवणवासी देवा परिवसंति ?, गोयमा ! इमीसे रयणप्पभाए पुढवीए असीउत्तरजोयणसयसहस्सबाहल्लाए, एवं जहा पण्णवणाए जाव भवणवासाइया, त(ए)त्थ णं भवणवासीणं देवाणं सत्त भवणकोडीओ बावत्तरि भवणावाससयसहस्सा भवंतित्तिमक्खाया, तत्थ णं बहवे भवणवासी देवा परिवसंति-असुरा नाग सुवन्ना य जहा पण्णवणाए जाव विहरंति ॥ ११६ ॥ कहि णं भंते ! असुरकुमाराणं देवाणं भवणा प० पुच्छा, एवं जहा पण्णवणाठाणपए जाव विहरंति ॥ कहि णं भंते ! दाहिणिलाणं असुरकुमारदेवाणं भवणा पुच्छा, एवं जहा ठाणपए जाव चमरे तत्थ असुरकुमारिंदे असुरकुमारराया परिवसइ जाव विहरइ ॥ ११७ ॥ चमरस्स णं भंते ! असुरिंदस्स असुररन्नो कइ परिसाओप० ? गो० ! तओ परिसाओ प०, तं०समिया चंडा जाया, अभितरिया समिया मज्झे चंडा बाहिं च जाया ॥ चमरस्स णं भंते ! असुरिंदस्स असुररन्नो अभितरपरिसाए कइ देवसाहस्सीओ पण्णत्ताओ? मज्झिमपरिसाए कइ देवसाहस्सीओ पण्णत्ताओ ? बाहिरियाए परिसाए कइ देवसाहस्सीओ पण्णत्ताओ ?, गोयमा ! चमरस्स णं असुरिंदस्स २ अभितरपरिसाए चउवीसं देवसाहस्सीओ पण्णताओ, मज्झिमियाए परिसाए अट्ठावीसं देव०, वाहिरियाए परिसाए बत्तीसं देवसा० ॥ चमरस्स णं भंते ! असुरिंदस्स असुररण्णो
अभितरियाए प० कइ देविसया पण्णत्ता ? मज्झिमियाए परिसाए कइ देविसया पण्णत्ता ? बाहिरियाए परिसाए कइ देविसया पण्णत्ता ?, गोयमा ! चमरस्सणं असुरिंदस्स असुररण्णो अभितरियाए परिसाए अद्भुट्ठा देविसया प० मज्झिमियाए परिसाए तिन्नि देवि० बाहिरियाए अड्डाइजा देवि० । चमरस्स णं भंते ! असुरिंदस्स असुररण्णो अभितरियाए परिसाए देवाणं केवइयं कालं ठिई पण्णत्ता ? मज्झिमियाए परिसाए० बाहिरियाए परिसाए देवाणं केवइयं कालं ठिई पण्णत्ता ? अभितरियाए परि० देवीणं केवइयं कालं ठिई पण्णत्ता ? मज्झिमियाए परि० देवीणं केवइयं० बाहिरियाए परि० देवीणं के० ?, गोयमा ! चमरस्स णं असुरिंदस्स २ अभितरियाए परि० देवाणं अड्डाइजाई पलिओवमाई ठिई प० मज्झिमाए परिसाए देवाणं दो पलिओवमाई ठिई पण्णत्ता बाहिरियाए परिसाए देवाणं दिवढं पलि० अभितरियाए परिसाए देवीणं दिवढे पलिओवमं ठिई पण्णत्ता मज्झिमियाए परिसाए देवीणं पलिओवमं ठिई पण्णत्ता बाहिरियाए परि० देवीणं अद्धपलिओवमं ठिई पण्णत्ता ॥ से
