________________
प० ३ अणुत्तरविमाणा] सुत्तागमे
सयसहस्सा पण्णत्ता ? गोयमा! नव जाईकुलकोडीजोणीपमुहसयसहस्सा समखाया। तेइंदियाणं पुच्छा, गोयमा! अट्ठजाईकुल जाव मक्खाया। बेइंदियाणं ने! कइ जाई० पुच्छा, गोयमा! सत्त जाईकुलकोडीजोणीपमुह० ॥ ९७ ॥ दणं भंते ! गंधा पण्णत्ता? कइ णं भंते! गंधसया पण्णत्ता ?, गोयमा! सत्त गंधा मत्त गंधसया पण्णत्ता ॥ कइ णं भंते! पुप्फजाईकुलकोडीजोणिपमुहसयसहस्सा पाण्णता ? गोयमा! सोलसपुप्फजाईकुलकोडीजोणीपमुहसयसहस्सा पण्णत्ता, तंजहावत्तारि जलयाणं चत्तारि थलयाणं चत्तारि महारुक्खियाणं चत्तारि महागुम्मियाणं ॥ कडणं भंते ! वल्लीओ कइ वल्लिसया पण्णत्ता ? गोयमा! चत्तारि वल्लीओ चत्तारि वल्लीसया पण्णत्ता ॥ कइ णं भंते ! लयाओ कइ लयासया पण्णत्ता ? गोयमा ! अट्ठ लयाओ अट्ठ लयासया पण्णत्ता ॥ कइ णं भंते ! हरियकाया हरियकायसया पण्णत्ता ? ' गोयमा ! तओ हरियकाया तओ हरियकायसया पण्णत्ता, फलसहस्सं च बिंटबद्धाणं फलसहस्सं च णालबद्धाणं, ते वि सव्चे हरियकायमेव समोयरंति, ते एवं समणुगम्ममाणा २ एवं समणुगाहिजमाणा २ एवं समणुपेहिज्जमाणा २ एवं समणुचिंतिज्जमाणा २ एएसु चेव दोसु काएसु समोयरंति, तंजहा--तसकाए चेव थावरकाए चेव, एवामेव सपुत्वावरेणं आजीवियदिटुंतेणं चउरासीइ जाइकुलकोडीजोणीपमुहसयसहस्सा भवंतीति मक्खाया ॥ ९८ ॥ अत्थि णं भंते ! विमाणाइं सोत्थियाणि सोत्थियावत्ताई सोत्थियपभाई सोत्थियकन्ताई सोत्थियवन्नाइं सोत्थियलेसाइं सोत्थियज्झयाई सोत्थियसिंगाराइं सोत्थियकूडाइं सोत्थियसिट्ठाई सोत्युत्तरवडिंसगाई? हंता अस्थि । ते णं भंते ! विमाणा केमहालया प०? गोयमा ! जावइए णं सूरिए उदेइ जावइए णं च सूरिए अत्थमइ एवइयाई तिण्णोवासंतराइं अत्थेगइयस्स देवस्स एगे विक्कमे सिया, से णं देवे ताए उक्किट्ठाए तुरियाए जाव दिव्वाए देवगईए वीईवयमाणे २ जाव एगाहं वा दुयाहं वा उक्कोसेणं छम्मासा बीईवएजा, अत्थेगइया विमाणं वीईवएजा अत्थेगइया विमाणं नो वीईवएज्जा, एमहालया णं गोयमा! ते विमाणा पण्णत्ता, अस्थि णं भंते ! विमाणाई अञ्चीणि अच्चिरावत्ताइं तहेव जाव अच्चुत्तरवडिंसगाइं? हंता अत्थि, ते णं भंते ! विमाणा केमहालया पण्णत्ता? गोयमा! एवं जहा सोत्थी(याई)णि णवरं एवइयाइं पंच उवासंतराइं अत्थेगइयस्स देवस्स एगे विक्कमे सिया सेसं तं चेव ॥ अस्थि णं भंते ! विमाणाई कामाई कामावत्ताइं जाव कामुत्तरवडिंसयाइं? हंता अत्थि, ते णं भंते ! विमाणा केमहालया पण्णत्ता ? गोयमा ! जहा सोत्थीणि णवरं सत्त उवासंतराइं विक्कमे सेसं तहेव ॥ अस्थि णं भंते ? विमाणाई विजयाई वेजयंताई जयंताई अपराजियाई ? हंता अत्थि, ते णं भंते ! विमाणा के० ? गोयमा !
