________________
सुत्तागमे
[जीवाजीवाभिगमे
जीवा किं सम्मदिट्ठी मिच्छादिट्ठी सम्मामिच्छादिट्ठी ? गोयमा ! सम्मदिट्ठीवि मिच्छादिट्ठीवि सम्मामिच्छादिट्ठीवि ॥ ते णं भंते ! जीवा किं णाणी अण्णाणी? गोयमा! णाणीवि अण्णाणीवि ति णि णाणाई तिण्णि अण्णाणाई भयणाए॥ ते णं भंते ! जीवा किं मणजोगी वइजोगी कायजोगी? गोयमा ! तिविहावि ॥ ते णं भंते ! जीवा किं सागारोवउत्ता अणागारोवउत्ता? गोयमा! सागारोवउत्तावि अणागारोवउत्तावि ॥ ते णं भंते ! जीवा कओ उववति किं नेरइएहिंतो उव० तिरिक्खजोणिएहितो उव० ? पुच्छा, गोयमा! असंखेजवासाउयअकम्मभूमगअंतरदीवगवज्जेहिंतो उववजंति ॥ तेसि णं भंते ! जीवाणं केवइयं कालं ठिई पण्णत्ता ? गोयमा! जहण्णेणं अंतोमुहुत्तं उक्कोसेणं पलिओवमस्स असंखेजइभागं ॥ तेसि णं भंते ! जीवाणं कइ समुग्घाया पण्णत्ता ? गोयमा ! पंच समुग्घाया पण्णत्ता, तंजहा-वेयणासमुग्घाए जाव तेयासमुग्घाए ॥ ते णं भंते! जीवा मारणंतियसमुग्घाएणं किं समोहया मरंति असमोहया मरंति? गोयमा! समोहयावि म० असमोहयावि मरंति ॥ ते णं भंते! जीवा अणंतरं उव्वहित्ता कहिं गच्छंति ? कहिं उववजंति ?-किं नेरइएसु उववजंति ? तिरिक्ख० पुच्छा, गोयमा! एवं उव्वदृणा भाणियव्वा जहा वकंतीए तहेव ॥ तेसि णं भंते ! जीवाणं कइ जाईकुलकोडिजोणीपमुहसयसहस्सा पण्णत्ता ? गोयमा! बारस जाईकुलकोडीजोणीपमुहसयसहस्सा प०॥भुयपरिसप्पथलयरपंचेंदियतिरिक्खजोणियाणं भंते ! कइविहे जोणीसंगहे पण्णत्ते ? गोयमा ! तिविहे जोणीसंगहे पण्णत्ते, तंजहा-अंडया पोयया संमुच्छिमा, एवं जहा खहयराणं तहेव, णाणत्तं जहन्नणं अंतोमुहुत्तं उक्कोसेणं पुव्वकोडी, उव्वट्टित्ता दोच्च पुढविं गच्छंति, णव जाईकुलकोडीजोणीपमुहसयसहस्सा भवंतीति मक्खायं, सेसं तहेव ॥ उरपरिसप्पथलयरपंचेंदियतिरिक्खजोणियाणं भंते ! पुच्छा, जहेव भुयपरिसप्पाणं तहेव, णवरं ठिई जहनेणं अंतोमुहुत्तं उक्कोसेणं पुव्वकोडी, उव्वष्टित्ता जाव पंचमिं पुढविं गच्छंति, दस जाईकुलकोडी० ॥ चउप्पयथलयरपंचेंदियतिरिक्ख० पुच्छा, गोयमा! दुविहे पण्णत्ते, तंजहा---जराउया (पोयया) य संमुच्छिमा य, से किं तं जराउया (पोयया)? २ तिविहा पण्णत्ता, तंजहा—इत्थी पुरिसा णपुंसगा, तत्थ णं जे ते संमुच्छिमा ते सव्वे णपुंसया। तेसि णं भंते ! जीवाणं कइ लेस्साओ पण्णत्ताओ ? सेसं जहा पक्खीणं, णाणत्तं ठिई जहन्नेणं अंतोमुहुत्तं उक्कोसेणं तिन्नि पलिओवमाइं, उव्वट्टित्ता चउत्थिं पुढविं गच्छंति, दस जाईकुलकोडी० ॥ जलयरपंचेंदियतिरिक्खजोणियाणं पुच्छा, जहा भुयपरिसप्पाणं णवरं उव्वहित्ता जाव अहेसत्तमं पुढविं अद्धतेरस जाइकुलकोडीजोणीपमुह० प० ॥ चउरिंदियाणं भंते ! कइ जाईकुलकोडीजोणीप
