________________
सुत्तागमे
[ जीवाजीवाभिगमे
जाइए णं सूरिए उदेइ० एवइयाइं नव ओवासंतराई, सेसं तं चेव, नो चेवणं ते विमाणे वीजा एमहालया णं ते विमाणा पण्णत्ता समणाउसो ! ॥ ९९ ॥ पढमो तिरिक्खजोणियउद्देसो समत्तो ॥
१५०
कइविहाणं भंते ! संसारसमावण्णगा जीवा पण्णत्ता ? गोयमा ! छव्विहा पण्णत्ता, तंजा - पुढविकाइया जाव तसकाइया । से किं तं पुढविकाइया ? पुढविकाइया दुविहा पण्णत्ता, तंजा --- सुहुमपुढविकाइया बायरपुढविकाइया य । से किं तं सुहुमढविकाइया ? २ दुविहा पण्णत्ता, तंजहा -पजत्तगा य अपजत्तगा य, सेत्तं सुहुपुढविकाइया । से किं तं बायरपुढविक्काइया ? २ दुविहा पण्णत्ता, तंजहा - पज्जत्तगा य अपजत्तगा य, एवं जहा पण्णवणापए, सण्हा सत्तविहा पण्णत्ता, खरा अणेगविहा पन्नत्ता जाव असंखेज्जा, सेत्तं बायरपुढविक्काइया, सेत्तं पुढविक्काइया, एवं चेव जहा पण्णवणाप तहेव निरवसेसं भाणियव्वं जाव वणप्फइकाइया, एवं जाव जत्थेगो तत्थ सिय संखेज्जा सिय असंखेज्जा सिय अनंता, सेत्तं बायरवणप्फइकाइया, से तं वणस्सइकाइया । से किं तं तसकाइया ? २ चउव्विहा पण्णत्ता, तंजहा बेइंदिया तेइंदिया चउरिंदिया पंचेंदिया । से किं तं बेइंदिया ? २ अणेगविहा पण्णत्ता, एवं जं चेव पण्णवणापए तं चेव निरवसेसं भाणियव्वं जाव सव्वसिद्धगदेवा, से तं अणुत्तरोववाइया से तं देवा, से तं पंचेंदिया, से तं तसकाइया ॥ १०० ॥ कइविहा णं भंते ! पुढवी पण्णत्ता ? गोयमा ! छव्विहा पुढवी पण्णत्ता, तंजहा—सण्हापुढवी सुद्धपुढवी वालुयापुढवी मणोसिलापु० सक्करापु० खरपुढवी || सण्हापुढवीणं भंते ! hasयं कालं ठिई पण्णत्ता ? गोयमा ! जह० अंतोमु० उक्कोसेणं एगं वाससहस्सं । सुद्धपुढवीए पुच्छा, गोयमा ! जह० अंतोमु० उक्को० बारस वाससहस्साइं । वालुयापुढवीपुच्छा, गोयमा ! जह० अंतोमु० उक्को० चोइस वाससहस्साईं । मणोसिला - पुढवीणं पुच्छा, गोयमा ! जह० अंतोमु० उक्को० सोलस वाससहस्साई । सक्करा - पुढवीए पुच्छा, गोयमा ! जह० अंतोमु• उक्को० अट्ठारस वाससहस्साई । खरपुढविपुच्छा, गोयमा ! जह० अंतोमु० उक्को० बावीस वाससहस्साई ॥ नेरइयाणं भंते ! केवइयं कालं ठिई पण्णत्ता ? गोयमा ! जह० दस वाससहस्साई उक्को० तेत्तीसं सागरोवमाई ठिई, एयं सव्वं भाणियव्वं जाव सव्वट्टसिद्धदेवत्ति ॥ जीवे णं भंते ! जीवेत्ति कालओ केवच्चिरं होइ ? गोयमा ! सव्वद्धं, पुढविकाइए णं भंते ! पुढविकाइति कालओ केवच्चिरं होइ ? गोयमा ! सव्वद्धं, एवं जाव तसकाइए ॥ १०१ ॥ पडुप्पन्नपुढविकाइया णं भंते ! केवइकालस्स णिल्लेवा सिया ? गोयमा ! जहण्णपए असंखेजाहिं उस्सप्पिणीओसप्पिणीहिं, उक्कोसपए असंखेजाहिं उस्सप्पिणीओसप्पि
