________________
प० ३ णेरइयउ० २ ]
सुत्तागमे
अहेसत्तमाए ॥ इमीसे णं भंते ! रयण० पु० नेरइयाणं सरीरा किंसंठिया पण्णत्ता ? गोयमा ! दुविहा पण्णत्ता तंजहा - भवधारणिज्जा य उत्तरवेउव्विया य, तत्थ णं जे ते भवधारणिज्जा ते हुंडसंठिया पण्णत्ता, तत्थ णं जे ते उत्तरवेउव्विया तेवि हुंडसंठिया पण्णत्ता, एवं जाव असत्तमाए ॥ इमीसे णं भंते! रयण० पु० णेरइयाणं सरीरगा केरिसया वण्णेणं पण्णत्ता ? गोयमा ! काला कालोभासा जाव परमकिण्हा वण्णेणं पण्णत्ता, एवं जाव आहेसत्तमाए ॥ इमीसे णं भंते रयण० पु० नेरइयाणं सरीरया केरिसया गंधेणं पण्णत्ता ? गोयमा ! से जहानामए अहिमडेइ वा तं चैव जाव आहेसत्तमा । इमीसे णं भंते ! रयण० पु० नेरइयाणं सरीरया केरिसया फासेणं पण्णत्ता ? गोयमा ! फुडियच्छविविच्छविया खरफरुसझामझुसिरा फासेणं पण्णत्ता, एवं जाव आहेसत्तमा ॥ ८७ ॥ इमसे णं भंते! रयणप्पभाए पुढवीए रइयाणं केरिसया पोग्गला ऊसासत्ताए परिणमंति ? गोयमा ! जे पोग्गला अणिट्ठा जाव अमणामा ते तेसिं ऊसासत्ताए परिणमंति, एवं जाव अहेसत्तमाए, एवं आहारस्सवि सत्तस्रुवि ॥ इमीसे णं भंते ! रयण० पु० नेरइयाणं कइ लेसाओ पणत्ताओ ? गोयमा ! एक्का काउलेसा पण्णत्ता, एवं सक्करप्पभाएऽवि, वालुयप्पभाए पुच्छा, गोयमा ! दो लेसाओ पण्णत्ताओ तं० - नीललेसा य काउलेसा य, तत्थ जे काउलेसा ते बहुतरा जे णीललेस्सा पण्णत्ता ते थोवा, पंकप्पभाए पुच्छा, एक्का नीलसा पण्णत्ता, धूमप्पभाए पुच्छा, गोयमा ! दो लेस्साओ पण्णत्ताओ, तंजहाकिण्हलेस्सा य नीललेस्सा य, ते बहुतरगा जे नीललेस्सा, ते थोवतरगा जे किण्ह - लेसा, तमाए पुच्छा, गोयमा ! एक्का किण्हलेस्सा, अहेसत्तमाए एक्का परमकिन्हलेस्सा ॥ इमीसे णं भंते ! रयण० पु० नेरइया किं सम्मदिट्ठी मिच्छादिट्ठी सम्मामि - च्छादिट्ठी ? गोयमा ! सम्मदिद्वीविमिच्छादिद्वीवि सम्मामिच्छादिट्ठीवि, एवं जाव अहे - सत्तमाए ॥ इमीसे णं भंते ! रयण० पु० णेरइया किं नाणी अण्णाणी ? गोयमा ! गाणीवि अण्णाणीवि, जेणाणी ते णियमा तिणाणी, तंजहा - आभिणिबोहियणाणी सुयणाणी ओहिणाणी, जे अण्णाणी ते अत्थेगइया दुअण्णाणी अत्थेगइया तिअनाणी, जे दुअन्नाणी ते णियमा मइअन्नाणी य सुयअण्णाणी थ, जे तिअन्नाणी ते नियमा मइअण्णाणी सुयअण्णाणी विभंगणाणीवि, सेसा णं णाणीवि अण्णाणीवि तिण्णि जाव अहेसत्तमाए ॥ इमीसे णं भंते! रयण० पु० किं मणजोगी वइजोगी कायजोगी ? गो० ! तिणिवि, एवं जाव आहेसत्तमाए ॥ इमीसे णं भंते! रयणप्पभापु ० नेरइया किं सागारोवउत्ता अणागारोवउत्ता ? गोयमा ! सागारोवउत्तावि अणागारोवउत्तावि, एवं जाव असत्तमाए पुढवीए ॥ [ इमीसे णं भंते! रयणप्प० पु० नेरइया ओहिणा
१४१
