________________
१४०
सुत्तागमे
[जीवाजीवाभिगमे
उववजंति, सासया णं ते णरगा दव्वट्ठयाए वण्णपजवेहिं गंधपजवेहिं रसपज्जवेहिं फासपजवेहिं असासया, एवं जाव अहेसत्तमाए ॥ ८५ ॥ इमीसे णं भंते ! रयणप्पभाए पुढवीए नेरइया कओहिंतो उववजंति किं असण्णीहिंतो उववजंति सरीसिवेहितो उववजंति पक्खीहिंतो उववजंति चउप्पएहिंतो उववनंति उरगेहिंतो उववजंति इत्थियाहिंतो उववजंति मच्छमणुएहिंतो उववजंति ? गोयमा! असण्णीहितो उववजंति जाव मच्छमणुएहितोवि उववजंति, असण्णी खलु पढमं दोच्चं च सरीसिवा तइय पक्खी । सीहा जंति चउत्थि उरगा पुण पंचमि जंति ॥ १ ॥ छढेि च इत्थियाओ मच्छा मणुया य सत्तमि जंति । जाव अहेसत्तमाए पुढवीए नेरइया णो असंण्णीहिंतो उववजंति जाव णो इत्थियाहिंतो उववजंति मच्छमणुस्सेहिंतो उववजंति ॥ इमीसे णं भंते ! रयणप्प० पु० जेरइया एकसमएणं केवइया उववजंति ? गोयमा! जहण्णेणं एको वा दो वा तिन्नि वा उक्कोसेणं संखेज्जा वा असंखेज्जा वा उववजंति, एवं जाव अहेसत्तमाए ॥ इमीसे णं भंते ! रयणप्प० पुढवीए णेरइया समए समए अवहीरमाणा अवहीरमाणा केवइकालेणं अवहिया सिया ? गोयमा ! ते णं असंखेज्जा समए समए अवहीरमाणा अवहीरमाणा असंखेजाहिं उस्सप्पिणीओसप्पिणीहिं अवहीरंति नो चेव णं अवहिया सिया जाव अहेसत्तमा ॥ इमीसे णं भंते ! रयणप्प० पु० णेरइयाणं केमहालिया सरीरोगाहणा पण्णत्ता ? गोयमा ! दुविहा सरीरोगाहणा पण्णत्ता, तंजहा-भवधारणिज्जा य उत्तरवेउब्विया य, तत्थ णं जा सा भवधारणिज्जा सा जहन्नेणं अंगुलस्स असंखेजइभागं उक्नोसेणं सत्त धणूइं तिण्णि य रयणीओ छच्च अंगुलाई, तत्थ णं जे से उत्तरवेउव्विए से जह० अंगुलस्स संखेजइभागं उक्को० पण्णरस धणूइं अड्डाइजाओ रयणीओ, दोच्चाए भवधारणिजे जहण्णओ अंगुलासंखेजइभागं उक्को० पण्णरस धणूई अड्डाइजाओ रयणीओ उत्तरवेउव्विया जह० अंगुलस्स संखेजइभागं उक्को० एकतीसं धणूई एक्का रयणी, तच्चाए भवधारणिजे एकतीसं धणूइं एका रयणी, उत्तरवेउव्विया बासडिं धणूई दोण्णि रयणीओ, चउत्थीए भवधारणिजे बासडिं धणूई दोण्णि य रयणीओ, उत्तरवेउ व्विया पणवीसं धणुसयं, पंचमीए भवधारणिजे पणवीसं धणुसयं, उत्तरवे० अड्डाइज्जाई धणुसयाई, छट्ठीए भवधारणिज्जा अड्डाइजाई धणुसयाई, उत्तरवेउव्विया पंचधणुसयाई, सत्तमाए भवधारणिज्जा पंचधणुसयाई उत्तरवेउव्विए धणुसहस्सं ॥ ८६ ॥ इमीसे णं भंते ! रयणप्प० पु० णेरइयाणं सरीरया किंसंघयणी पण्णत्ता ? गोयमा ! छण्हं संघयणाणं असंघयणी, णेवट्ठी णेव छिरा णवि ण्हारू णेव संघयणमत्थि, जे पोग्गला अणिट्ठा जाव अमणामा ते तेसिं सरीरसंघायत्ताए परिणमंति, एवं जाव
