________________
प०३ णेरइयउ० १]
सुत्तागमे
१३३
ता अस्थि, एवं जाव अहेसत्तमाए ॥ ७१॥ इमीसे णं भंते ! रयणप्पभाए पुढवीए सरकंडे केवइयं बाहल्लेणं पण्णत्ते? गोयमा! सोलस जोयणसहस्साइं बाहल्लेणं पन्नत्ते॥ दमीसे णं भंते ! रयणप्पभाए पुढवीए रयणकंडे केवइयं बाहल्लेणं पन्नत्ते? गोयमा ! एकं सोयणसहस्सं बाहल्लेणं पण्णत्ते, एवं जाव रिटे । इमीसे णं भंते ! रय० पु. पंकबहुले कंडे केवइयं बाहल्लेणं पन्नत्ते? गोयमा! चउरसीइजोयणसहस्साइं बाहल्लेणं पण्णत्ते । डमीसे णं भंते ! रय० पु० आवबहुले कंडे केवइयं बाहल्लेणं पन्नत्ते ? गोयमा ! असीइजोयणसहस्साई बाहल्लेणं पन्नत्ते । इमीसे णं भंते ! रयणप्पभाए पु० घणोदही केवइयं बाहलेणं पन्नत्ते ? गोयमा ! वीसं जोयणसहस्साई बाहल्लेणं पण्णत्ते । इमीसे णं भंते ! रय. पु० घणवाए केवइयं बाहल्लेणं पन्नत्ते ? गोयमा! असंखेजाई जोयणसहस्साइं बाहल्लेणं पण्णत्ते, एवं तणुवाएऽवि ओवासंतरेऽवि। सक्करप्प० भंते ! पु० घणोदही केवइयं बाहल्लेणं पण्णत्ते ? गोयमा ! वीसं जोयणसहस्साई बाहल्लेणं पण्णत्ते । सक्करप्प० पु० घणवाए केवइयं बाहल्लेणं पण्णत्ते ? गोयमा ! असंखे० जोयणसहस्साइं बाहल्लेणं पण्णत्ते, एवं तणुवाएवि, ओवासंतरेवि जहा सक्करप्प० पु० एवं जाव अहेसत्तमा ॥ ७२ ॥ इमीसे णं भंते ! रयणप्प० पु० असीउत्तरजोयणसयसहस्सबाहल्लाए खेत्तच्छेएणं छिजमाणीए अत्थि दव्वाइं वण्णओ कालनीललोहियहालिद्दसुकिलाइं गंधओ सुरभिगंधाई दुब्भिगंधाइं रसओ तित्तकडुयकसायअंबिलमहुराई फासओ कक्खडमउयगरुयलहुसीयउसिणणिद्धलुक्खाई संठाणओ परिमंडलवतंसचउरंसआययसंठाणपरिणयाई अन्नमन्नबद्धाइ अण्णमण्णपुठ्ठाई अण्णमण्णओगाढाई अण्णमण्णसिणेहपडिबद्धाइं अण्णमण्णघडत्ताए चिट्ठति ? हंता अत्थि। इमीसे णं भंते ! रयणप्पभाए पु० खरकंडस्स सोलसजोयणसहस्सबाहलस्स खेत्तच्छेएणं छिजमाणस्स अत्थि दव्वाइं वण्णओ काल जाव परिणयाई ? हंता अत्थि । इमीसे गं भंते ! रयणप्प० पु० रयणनामगस्स कंडस्स जोयणसहस्सबाहलस्स खेसच्छेएणं छिज० तं चेव जाव हंता अत्थि, एवं जाव रिट्ठस्स, इमीसे णं भंते ! रयणप्प० पु. पंकबहुलस्स कंडस्स चउरासीइजोयणसहस्सबाहलस्स खेत्ते तं चेव, एवं आवबहुलस्सवि असीइजोयणसहस्सबाहल्लस्स। इमीसे णं भंते ! रयणप्प० पु० घणोदहिस्स वीसं जोयणसहस्सबाहल्लस्स खेत्तच्छेएण तहेव । एवं घणवायस्म अंसखेजजोयणसहस्सबाहलस्स तहेव, ओवासंतरस्सवि तं
चेव ॥ सक्करप्पभाए णं भंते ! पु. बत्तीमुत्तरजोयणसयसहस्सबाहलस्स खेत्तच्छेएण छिजमाणीए अत्थि दव्वाइं वण्णओ जाव घडताए चिट्ठति ? हंता अत्थि, एवं घणोदहिस्स वीसजोयणसहस्सबाहलस्स घणवायस्स असंखेजजोयणसहस्सबाहलस्स, एवं जाव ओवासंतरस्स, जहा सक्करप्पभाए एवं जाव अहेसत्तमाए ॥ ७३ ॥
