________________
सुत्तागमे
[ जीवाजीवाभिगमे
नेरइएसु गच्छंति तिरियमणुस्सेसु जहासंभवं नो देवेसु गच्छंति, दुगइया दुआगइया परित्ता असंखेजा पण्णत्ता, से तं देवा, से तं पंचेंदिया, सेत्तं ओराला तसा पाणा ॥ ४२ ॥ थावरस्स णं भंते! केवइयं कालं ठिई पण्णत्ता ? गोयमा ! जहन्नेणं अंतोमुहुत्तं उक्कोसेणं बावीसं वाससहस्साई ठिई पण्णत्ता ॥ तसस्स णं भंते! hasयं कालं ठिई पण्णत्ता ? गोयमा ! जहणणेणं अंतोमुहुत्तं उक्कोसेणं तेत्तीसं सागरोवमाई ठिई पण्णत्ता । थावरे णं भंते! थावरेत्ति कालओ केवच्चिरं होइ ? गोमा ! जहन्नेणं अंतोमुहुत्तं उक्कोसेणं अनंतं कालं अनंताओ उस्सप्पिणीओ अवसप्पिणीओ कालओ खेत्तओ अनंता लोया असंखेजा पुग्गलपरियट्टा, ते णं पुग्गल परियट्टा आवलियाए असंखेज्जइभागो ॥ तसे णं भंते! तसेत्ति कालओ केव चिरं होइ ? गोयमा ! जहन्नेणं अंतोमुहुत्तं उक्कोसेणं असंखेज्जं कालं असंखेज्जाओ उस्सप्पिणीओ अवसप्पिणीओ कालओ खेत्तओ असंखेजा लोगा ॥ थावरस्स णं भंते! hasकालं अंतर होइ ? गोयमा ! जहा तससंचिट्ठणाए ॥ तसस्स णं भंते! केवइकालं अंतरं होइ ? गोयमा ! जहण्णेणं अंतोमुहुत्तं उक्कोसेणं वणस्सइकालो | एएसि णं भंते! तसाणं थावराण य कयरे कयरेहिंतो अप्पा वा बहुया वा तुल्ला वा विसेसाहिया वा ? गोयमा ! सव्वत्थोवी तसा थावरा अनंतगुणा, से तं दुविहा संसारसमावण्णगा जीवा पण्णत्ता ॥ ४३ ॥ पढमा दुविहपडिवत्ती समत्ता ॥
तत्थ जे ते एवमाहंसु तिविहा संसारसमावण्णगा जीवा पण्णत्ता ते एवमाहंसु, तंजहा - इत्थी पुरिसा णपुंसगा ॥ ४४ ॥ से किं तं इत्थीओ ? २ तिविहाओ पण्णताओ, तंजहा—तिरिक्खजोणित्थीओ मणुस्सित्थीओ देवित्थीओ। से किं तं तिरिक्खजोणित्थीओ ? २ तिविहाओ पण्णत्ताओ तंजहा - जलयरीओ थलयरीओ खहयरीओ । से किं तं जलयरीओ ? २ पंचविहाओ पण्णत्ताओ, तंजहा— मच्छीओ जाव
सुमारीओ से तं जलयरीओ । से किं तं थलयरीओ ? २ दुविहाओ पण्णत्ताओ तंजा - चउप्पईओ य परिसप्पीओ य । से किं तं चउप्पईओ ? २ चउव्विहाओ पण्णत्ताओ तंजहा—- एगखुरीओ जाव सणप्फईओ से तं चउप्पयथलयरति रिक्खजो - णित्थीओ। से किं तं परिसप्पीओ ? २ दुविहाओ पण्णत्ताओ, तंजहा - उरपरिसपीओ य भुपरिसप्पीओ य । से किं तं उरपरिसप्पीओ ? २ तिविहाओ पण्णत्ताओ तंजा --- अहीओ अहिगरीओ महोरगीओ य, सेत्तं उरपरिसप्पीओ । से किं तं भुयपरिसप्पीओ ? २ अणेगविहाओ पण्णत्ताओ तंजहा— सेरडीओ सेरंधीओ गोहीओ उलीओ सेधाओ सरडीओ सिरसंधीओ भावीओ सोवीओ खारीओ पलवाइयाओ उप्पइयाओ मूसियाओ मुगुसियाओ घरोलियाओ गोहियाओ जोहियाओ चिरबिरा
११८
