________________
प० २ मणुस्सित्थीओ] सुत्तागमे लियाओ सेत्तं भुयपरिसप्पीओ। से किं तं खहयरीओ ? चउव्विहाओ पण्णत्ताओ
जहा–चम्मपक्खीओ जाव वियय० सेत्तं खहयरीओ, सेत्तं तिरिक्खजोणित्थीओ॥ से किं तं मणुस्सित्थीओ ? २ तिविहाओ पण्णत्ताओ तंजहा-कम्मभूमियाओ अकम्मभमियाओ अंतरदीवियाओ। से किं तं अंतरदीवियाओ ? २ अट्ठावीसइविहाओ पण्णताओ, तंजहा---एगूरुइयाओ आभासियाओ जाव सुद्धदंतीओ, सेत्तं अंतरदी० ॥ से किं तं अकम्मभूमियाओ ? २ तीसविहाओ पण्णत्ताओ तंजहा-पंचसु हेमवएसु पंचसु एरण्णवएसु पंचसु हरिवासेसु पंचसु रम्मगवासेसु पंचसु देवकुरासु पंचसु उत्तरकुरासु, सेत्तं अकम्म० । से किं तं कम्मभूमियाओ ? २ पण्णरसविहाओ पण्णत्ताओ, तंजहापंचसु भरहेसु पंचसु एरवएसु पंचसु महाविदेहेसु, सेत्तं कम्मभूमगमणुस्सित्थीओ, सेत्तं मणुस्सित्थीओ ॥ से किं तं देवित्थियाओ? २ चउविहाओ पण्णत्ताओ तंजहाभवणवासिदेवित्थियाओ वाणमंतरदेवित्थियाओ जोइसियदेवित्थियाओ वेमाणियदेवित्थियाओ। से किं तं भवणवासिदेवित्थियाओ ? २ दसविहाओ पण्णत्ताओ तंजहाअसुरकुमारभवणवासिदेवित्थियाओ जाव थणियकुमारभवणवासिदेवित्थियाओ, से तं भवणवासिदेवित्थियाओ । से किं तं वाणमंतरदेवित्थियाओ ? २ अट्ठविहाओ पण्णताओ तंजहा–पिसायवाणमंतरदेवित्थियाओ जाव गंधव्व० से तं वाणमंतरदेवित्थियाओ। से किं तं जोइसियदेवित्थियाओ ? २ पंचविहाओ पण्णत्ताओ तंजहा-चंदविमाणजोइसियदेवित्थियाओ सूर० गह० नक्खत्त० ताराविमाणजोइसियदेवित्थिथाओ, सेत्तं जोइसियाओ। से किं तं वेमाणियदेवित्थियाओ? २ दुविहाओ प० तंजहा-सोहम्मकप्पवेमाणियदेवित्थियाओ ईसाणकप्पवेमाणियदेवित्थियाओ, सेत्तं वेमाणित्थीओ ॥ ४५ ॥ इत्थीणं भंते ! केवइयं कालं ठिई पण्णत्ता ? गोयमा एगेणं आएसेणं जहन्नेणं अंतोमुहुत उक्कोसेणं पणपन्नं पलिओवमाइं एकेणं आएसेणं जहन्नेणं अंतोमुहुत्तं उक्कोसेणं नव पलिओवमाई एगेणं आएसेणं जहन्नेणं अंतोमुहुत्तं उक्कोसेणं सत्त पलिओवमाई एगेणं आएसेणं जहन्नेणं अंतोमुहुत्तं उक्कोसेणं पन्नासं पलिओवमाई ॥ ४६ ॥ तिरिक्खजोणित्थीणं भंते ! केवइयं कालं ठिई पण्णत्ता ? गो० जहन्नेणं अंतोमुहुत्तं उक्कोसेणं तिण्णि पलिओवमाइं। जलयरतिरिक्खजोणित्थीणं भंते ! केवइयं कालं ठिई पण्णत्ता ? गोयमा ! जहन्नेणं अंतो० उको० पुवकोडी । चउप्पयथलयरतिरिक्खजोणित्थीणं भंते ! केवइयं कालं ठिई पण्णत्ता ? गो० जहा तिरिक्खजोणित्थीओ। उरपरिसप्पथलयरतिरिक्खजोणित्थीणं भंते ! केवइयं कालं ठिई पण्णत्ता ? गोयमा ! जहन्नेणं अंतोमुहुत्तं उक्कोसेणं पुवकोडी । एवं भुयपरिसप्प० । एवं खहयरतिरिक्खित्थीणं जहन्नेणं अंतोमुहुत्तं उक्को० पलिओवमस्स असंखेजइभागो ॥ मणुस्सित्थीणं
