________________
प० १ देवा
सुत्तागमे
११७ चत्तारि दंसणा, णाणीवि अण्णाणीवि, जे णाणी ते अत्थेगइया दुणाणी अत्थेगइया तिणाणी अत्थेगइया चउणाणी अत्थेगइया एगणाणी, जे दुण्णाणी ते नियमा आभिणिबोहियणाणी सुयणाणी य, जे तिणाणी ते आभिणिबोहियणाणी सुयणाणी ओहिणाणी य, अहवा आभिणिबोहियणाणी सुयनाणी मणपज्जवणाणी य, जे चउणाणी ते णियमा आभिणिबोहियणाणी सुय० ओहि० मणपज्जवणाणी य, जे एगणाणी ते नियमा केवलनाणी, एवं अन्नाणीवि दुअन्नाणी तिअण्णाणी, मणजोगीवि बडकायजोगीवि अजोगीवि, दुविहउवओगे आहारो छद्दिसिं उववाओ नेरइएहिं अहेसत्तमवजेहिं तिरिक्खजोणिएहितो, उववाओ असंखेजवासाउयवजेहिं मणुएहिं अकम्मभूमगअंतरदीवगअसंखेज्जत्रासाउयवजेहि, देवेहिं सव्वेहि, ठिई जहन्नेणं अंतोमहत्तं उक्कोसेणं तिण्णि पलिओवमाइं, दुविहावि मरंति, उबट्टित्ता नेरइयाइसु जाव अणुत्तरोववाइएमु, अत्थेगइया सिझंति जाव अंतं करेंति। ते णं भंते ! जीवा कइगइया कइआगइया पण्णत्ता ? गोयमा! पंचगइया चउआगइया परित्ता संखिजा पण्णत्ता, सेत्तं मणुस्सा ॥ ४१ ॥ से किं तं देवा ? देवा चउव्विहा पण्णत्ता, तंजहा-भवणवासी वाणमंतरा जोइसिया वेमाणिया।से किं तं भवणवासी ? २ दसविहा पण्णत्ता, तंजहाअसुरा जाव थणिया, से तं भवणवासी । से किं तं वाणमंतरा ? २ देवभेदो सव्वो भाणियव्वो जाव ते समासओ दुविहा पण्णत्ता, तंजहा-पजत्ता य अपजत्ता य, तेसि णं तओ सरीरगा-वेउविए तेयए कम्मए । ओगाहणा दुविहा-भवधारणिज्जा य उत्तरवेउव्विया य, तत्थ णं जा सा भवधारणिज्जा सा जहन्नेणं अंगुलस्स असंखेज्जइभागं उक्कोसेणं सत्त रयणीओ, उत्तरवेउव्विया जहन्नेणं अंगुलस्स संखेजइ० उक्कोसेणं जोयणसयसहस्सं, सरीरगा छण्हं संघयणाणं असंघयणी णेवट्ठी णेव छिराणेव हारू नेव संघयणमत्थि, जे पोग्गला इट्ठा कंता जाव ते तेर्सि संघायत्ताए परिणमंति, किंसंठिया ? गोयमा! दुविहा पण्णत्ता, तंजहा-भवधारणिज्जा य उत्तरवेउव्विया य, तत्थ णं जे ते भवधारणिज्जा ते णं समचउरंससंठिया पण्णत्ता, तत्थ णं जे ते उत्तरवेउव्विया ते णं नाणासंठाणसंठिया पण्णत्ता, चत्तारि कसाया चत्तारि सण्णा छ लेस्साओ पंच इंदिया पंच समुग्घाया सन्नीवि असन्नीवि इत्थिवेयावि पुरिसवेयावि नो नपुंसगवेया, पजत्ती अपज्जत्तीओ पंच, दिट्ठी तिन्नि, तिण्णि दसणा, णाणीवि अण्णाणीवि, जे नाणी ते नियमा तिण्णाणी अण्णाणी भयणाए, दुविहे उवओगे, तिविहे जोगे, आहारो णियमा छद्दिसिं, ओसन्नकारणं पडुच्च वण्णओ हालिहसुक्किल्लाइं जाव आहारमाहारेंति, उववाओ तिरियमणुस्सेसु, ठिई जहन्नेणं दस वाससहस्साइं उक्कोसेणं तेत्तीसं सागरोवमाइं, दुविहावि मरंति, उव्वटित्ता नो
