________________
सुत्तागमे
[ जीवाजीवाभिगमे
असंखेज्जा पण्णत्ता । से तं संमुच्छिमजलयरपंचेंदियतिरिक्खजोणिया ॥ ३५ ॥ से किं तं थलयरसंमुच्छिमपंचेंदियतिरिक्खजोणिया ? २ दुविहा पण्णत्ता, तंजहा— चउप्पयथलयरसंमुच्छिमपंचेंदियति रिक्खजोणिया परिसप्पसंमु० ॥ से किं तं चउप्पयथलयरसंमुच्छिम० २ चउव्विहा पण्णत्ता, तंजहा—एगखुरा दुखुरा गंडीपया सणप्फया जाव जे यावणे तहप्पगारा ते समासओ दुविहा पण्णत्ता, तंजहा - पज्जत्ता य अपज्जत्ता य, तओ सरीरगा ओगाहणा जहण्णेणं अंगुलस्स असंखेज्जइभागं उक्कोसेणं गाउयपुहुत्तं ठिई जहणणेणं अंतोमुहुत्तं उक्कोसेणं चउरासीइवाससहस्साईं, सेसं जहा जलयराणं जाव चउगइया दुआगइया परित्ता असंखेज्जा पण्णत्ता, सेत्तं चउप्पयथलयरसंमु०। से किं तं थलयरपरिसप्पसंमुच्छिमा ? २ दुविहा पण्णत्ता, तंजहा - उरपरिसप्प संमुच्छिमा भुयपरिसप्पसंमुच्छिमा । से किं तं उरपरि सप्पसंमुच्छिमा ? २ चउव्विहा पण्णत्ता, तंजहा - अही अयगरा आसालिया महोरगा । से किं तं अही ? अही दुविहा पण्णत्ता, तंजहा - दव्वीकरा मउलिणो य । से किं तं दव्वीकरा ? २ अणेगविहा पण्णत्ता, तंजहा—- आसीविसा जाव से तं दव्वीकरा । से किं तं मउलिणो ? २ अणेगविहा पण्णत्ता, तंजहा - दिव्वा गोणसा जाव से तं उलो, सेत्तं अही । से किं तं अयगरा २ एगागारा पण्णत्ता से तं अयगरा । से किं तं आसालिया ? २ जहा पण्णवणाए, से तं आसालिया । से किं तं महोरगा ? २ - जहा पण्णवणाए, से तं महोरगा । जे यावण्णे तहप्पगारा ते समासओ दुविहा पण्णत्ता, तंजहा -- पज्जत्ता य अपजत्ता य तं चेव, णवरि सरीरोगाहणा जहन्नेणं अंगुलस्स असंखेज्ज० उक्कोसेणं जोयणपुहुत्तं, ठिई जहन्नेणं अंतोमुहुत्तं उक्कोसेणं तेवण्णं वाससहस्साईं, सेसं जहा जलयराणं जाव चउगइया दुआगइया परित्ता असंखेज्जा, से तं उरपरिसप्पा ॥ से किं तं भुयपरिसप्पसंमुच्छिमथलयरा ? २ अगविहा पण्णत्ता, तंजहा - गोहा णउला जाव जे यावन्ने तहप्पगारा ते समासओ दुविहा पण्णत्ता, तंजहा - प्रज्जत्ता य अपज्जत्ता य, सरीरोगाहणा जहन्नेणं अंगुलासंखेजं उक्कोसेणं धणुपुहत्तं, ठिई उक्कोसेणं बायालीसं वाससहस्साई सेसं जहा जलयराणं जाव चउगइया दुआगइया परित्ता असंखेज्जा पण्णत्ता, से तं भुयपरिसप्पसंमुच्छा, से तं थयरा ॥ से किं तं खहयरा ? २ चउव्विहा पण्णत्ता, तंजहाचम्पक्खी लोमपक्खी समुग्गपक्खी विययपक्खी । से किं तं चम्मपक्खी ? २ अगवा पण्णत्ता, तंजहा — वग्गुली जाव जे यावन्ने तहप्पगारा, से तं चम्मपक्खी । से किं तं लोमपक्खी ? २ अणेगविहा पण्णत्ता, तंजहा — ढंका कंका जे यावन्ने तहप्पगारा, से तं लोमपक्खी । से किं तं समुग्गपक्खी ? २ एगागारा पण्णत्ता
११४
