________________
प० १ जलयरा] सुत्तागमे
११३ कसाया चत्तारि सण्णाओ तिण्णि लेसाओ पंचेंदिया चत्तारि समुग्घाया आइला, सन्नी वि असन्नीवि, नपुंसगवेया, छप्पजत्तीओ छ अपजत्तीओ, तिविहा दिही, तिन्नि दसणा, णाणीवि अण्णाणीवि, जे णाणी ते नियमा तिन्नाणी, तंजहा--आभिणिबोहियणाणी सुयणाणी ओहिनाणी, जे अण्णाणी ते अत्थेगइया दुअण्णाणी अत्थेगइया तिअण्णाणी, जे य दुअण्णाणी ते णियमा मइअण्णाणी सुयअण्णाणी य, जे तिअण्णाणी ते नियमा मइअण्णाणी य सुयअण्णाणी य विभंगणाणी य, तिविहे जोगे, दुविहे उवओगे, छद्दिसिं आहारो, ओसणं कारणं पड्डुच्च वण्णओ कालाई जाव आहारमाहारेंति, उववाओ तिरियमणुस्सेसु, ठिई जहन्नेणं दसवाससहस्साइंउकोसेणं तेत्तीसं सागरोवमाई, दुविहा मरंति, उव्वदृणा भाणियव्वा जओ आगया, णवरि संमुच्छिमेसु पडिसिद्धो, दुगइया दुआगइया परित्ता असंखेज्जा पण्णत्ता समणाउसो !, से तं नेरइया ॥ ३२ ॥ से किं तं पंचेंदियतिरिक्सजोणिया ? २ दुविहा पण्णत्ता, तंजहा-समुच्छिमपंचंदियतिरिक्खजोणिया य गब्भवतियपंचिंदियतिरिक्खजोणिया य ॥ ३३ ॥ से किं तं समुच्छिमपंचेंदियतिरिक्ख जोणिया ? २ तिविहा पण्णत्ता, तंजहा-जलयरा थलयरा खहयरा ॥ ३४ ॥ से किं तं जलयरा ? २ पंचविहा पण्णत्ता, तंजहा--मच्छगा कच्छभा मगरा गाहा सुंसुमारा। से किं तं मच्छा ? एवं जहा पण्णवणाए जाव जे यावण्णे तहप्पगारा, ते समासओ दुविहा पण्णत्ता, तंजहा–पजत्ता य अपजत्ता य । तेसि णं भंते ! जीवाणं कइ सरीरगा पण्णत्ता ? गोयमा ! तओ सरीरगा पण्णत्ता तंजहा--ओरालिए तेयए कम्मए, सरीरोगाहणा जहण्णेणं अंगुलस्स असंखेजइभागं उक्कोसेणं जोयणसहस्सं, छेवट्ठसंघयणी, हुंडसंठिया, चत्तारि कसाया, सण्णाओवि ४, लेसाओ तिनि, इंदिया पंच, समुग्घाया तिण्णि, णो सण्णी असण्णी, णपुंसगवेया, पजत्तीओ अपज्जत्ती ओ य पंच, दो दिट्ठीओ, दो दसणा, दो नाणा, दो अन्नाणा, दुविहे जोगे, दुविहे उवओगे, आहारो छदिसिं, उववाओ तिरियमणुस्सेहिंतो नो देवहितो नो नेरइएहितो, तिरिएहितो असंखेजवासाउयवज्जेहिंतो, अकम्मभूमगअंतरदीवगअसंखेजवासाउयवजेसु मणुस्सेसु, ठिई जहन्नेणं अंतोमुहुत्तं उक्कोसेणं पुवकोडी, मारणंतियसमुग्घाएणं दुविहावि मरंति, अणंतरं उव्वट्टित्ता कहिं० ? नेरइएमुवि तिरिक्खजोणिएसुवि मणुस्सेसुवि देवेसुवि, नेरइएसु रयणप्पहाए, सेसेसु पडिसेहो, तिरिएसु सव्वेसु उववनंति संखेजवासाउएसुवि असंखेजवासाउएसुवि चउप्पएसु पक्खीसुवि मणुस्सेसु सव्वेसु कम्मभूमिएसु नो अकम्मभूमिएसु अंतरदीवएसुवि संखिजवासाउएसुवि असंखिज्जवासाउएसुवि पजत्तएसुवि अपजत्तएसुवि देवेसु जाव वाणमंतरा, चउगइया दुआगइया, परित्ता
८ सुत्ता
