________________
सुत्तागमे
[ जीवाजीवाभिगमे
य, नो मणजोगी वइजोगी कायजोगी, सागारोवउत्तावि अणागारोवउत्तावि, आहारो नियमा छद्दिसिं, उववाओ तिरियमणुस्सेसु नेरइयदेवअसंखेज्जवासाउयवज्जेसु, ठिई जहन्नेणं अंतोमुहुत्तं उक्कोसेणं बारस संवच्छराणि, समोहयावि मरंति असमोहयावि मरंति, कहिं गच्छंति ? नेरइयदेव असंखेज्ज वा साउयवज्जेसु गच्छंति, दुगइया दुआगइया, परित्ता असंखेज्जा, सेत्तं बेइंदिया ॥ २८ ॥ से किं तं तेइंदिया ? २ अणेगविहा पण्णत्ता, तंजहा — उवइया रोहिणिया जाव हत्थिसोंडा, जे यावण्णे तहप्पगारा, ते समासओ दुविहा पण्णत्ता, तंजहा -पजत्ता य अपजत्ता य, तहेव जहा बेइंदियाणं, नवरं सरीरोगाहणा उक्कोसेणं तिन्नि गाउयाई, तिन्नि इंदिया, ठिई जहन्नेणं अंतोमुहुत्तं उक्कोसेणं एगूणपण्णराईदियाई, सेसं तहेव, दुगइया दुआगइया, परित्ता असंखेज्जा पण्णत्ता, सेतं तेइंदिया ॥ २९ ॥ से किं तं चउरिंदिया ? २ अणेगविहा पण्णत्ता, तंजहा— अंधिया पुत्तिया जाव गोमयकीडा, जे यावण्णे तहप्पगारा ते समासओ दुविहा पण्णत्ता, तंजहा-पज्जत्ता य अपज्जत्ता य, तेसि णं भंते! जीवाणं कइ सरीरगा पण्णत्ता ? गोयमा ! तओ सरीरगा पण्णत्ता तं चेव, णवरं -सरीरोगाहणा उक्कोसेणं चत्तारि गाउयाई, इंदियाइं चत्तारि, चक्खुदंसणी अचक्खुदंसणी, ठिई उक्कोसेणं छम्मासा, सेसं जहा तेइंदियाणं जाव असंखेजा पण्णत्ता, से तं चउरिंदिया ॥ ३० ॥ से किं तं पंचेंदिया ? २ चउव्विहा पण्णत्ता, तंजहा -
रइया तिरिक्खजोणिया मणुस्सा देवा ॥ ३१ ॥ से किं तं नेरइया ? २ सत्तविहा पण्णत्ता, तंजहा—रयणप्पभापुढविनेरइया जाव आहेसत्तमपुढविनेरइया, ते समासओ दुविहा पण्णत्ता, तं० - पज्जत्ता य अपजत्ता य । तेसि णं भंते ! जीवाणं कइ सरीरगा पण्णत्ता ? गोयमा ! तओ सरीरगा पण्णत्ता, तंजहा वेडव्विए तेयए कम्मए । तेसि णं भंते ! जीवाणं केमहालिया सरीरोगाहणा पण्णत्ता ? गोयमा ! विहा सरीरोगाहणा पण्णत्ता, तंजहा - भवधारणिजा य उत्तरवेउब्विया य, तत्थ जा सा भवधारणिजा सा जहण्णेणं अंगुलस्स असंखेज्जइभागं उक्कोसेणं पंचधणुसयाईं, तत्थ णं जा सा उत्तरवेउब्विया सा जहण्णेणं अंगुलस्स संखेज्जइभागं उक्कोसेणं धणुसहस्सं । तेसि णं भंते! जीवाणं सरीरा किंसंघयणी पण्णत्ता ? गोयमा ! छण्हं संघयणाणं असंघयणी, शेवट्ठी णेव छिरा णेव ण्हारू व संघयणमत्थि, जे पोग्गला अट्ठा अकंता अप्पिया असुभा अमणुण्णा अमणामा ते तेसिं संघायत्ताए परिण-मंति । तेसि णं भंते! जीवाणं सरीरा किंसंठिया पण्णत्ता ? गोयमा ! दुविहा पण्णत्ता, तंजहा -- भवधारणिज्जा य उत्तरवेउव्विया य, तत्थ णं जे ते भवधारणिज्जा ते हुंडसंठिया, तत्थ णं जे ते उत्तरवेउव्त्रिया तेवि हुंडसंठिया पण्णत्ता, चत्तारि
११२
