________________
प० १ बेइंदिया]
सुत्तागमे
१५१
तहप्पगारा, ते समासओ दुविहा पण्णत्ता, तंजहा-पज्जत्ता य अपजत्ता य। तेसि णं भंते ! जीवाणं कइ सरीरगा पण्णत्ता ? गोयमा ! तओ सरीरगा पण्णत्ता, तंजहाओरालिए तेयए कम्मए, सेसं तं चेव, सरीरगा सूइकलावसंठिया तिन्नि लेस्सा, ठिई जहन्नेणं अंतोमुहुत्तं उक्कोसेणं तिन्नि राइंदियाई तिरियमणुस्सेहिंतो उववाओ, सेसं तं चेव एगगइया दुआगइया, परित्ता असंखेज्जा पण्णत्ता सेत्तं तेउक्काइया ॥ २५॥ से किं तं वाउक्काइया ? २ दुविहा पण्णत्ता, तंजहा—सुहुमवाउक्काइया य बायरवाउक्काइया य, सुहुमवाउक्काइया जहा तेउक्काइया णवरं सरीरा पडागसंठिया एगगइया दुआगइया परित्ता असंखिज्जा, सेत्तं सुहुमवाउक्काइया । से किं तं बायरवाउक्काइया ? २ अणेगविहा पण्णत्ता, तंजहा-पाईणवाए पडीणवाए, एवं जे यावण्णे तहप्पगारा, ते समासओ दुविहा पण्णत्ता, तंजहा-पजत्ता य अपजत्ता य । तेसि णं भंते! जीवाणं कइ सरीरगा पण्णत्ता ? गोयमा ! चत्तारि सरीरगा पण्णत्ता, तंजहाओरालिए वेउबिए तेयए कम्मए, सरीरगा पडागसंठिया, चत्तारि समुग्घायावेयणासमुग्धाए कसायसमुग्धाए मारणंतियसमुग्घाए वेउव्वियसमुग्धाए, आहारो णिव्वाघाएणं छद्दिसिं वाघायं पडुच्च सिय तिदिसिं सिय चउदिर्सि सिय पंचदिसिं. उववाओ देवमणुयनेरइएसु णत्थि, ठिई जहन्नेणं अंतोमुहुत्तं उक्कोसेणं तिन्नि वाससहस्साई, सेसं तं चेव एगगइया दुआगइया परित्ता असंखेजा पण्णत्ता समणाउसो !, सेत्तं बायरवाउक्काइया, सेत्तं वाउक्काइया ॥ २६ ॥ से किं तं ओराला तसा पाणा ? २ चउबिहा पण्णत्ता, तंजहा–बेइंदिया तेइंदिया चउरिंदिया पंचेंदिया ॥ २७ ॥ से किं तं बेइंदिया ? २ अणेगविहा पण्णत्ता, तंजहा—पुलाकिमिया जाव समुद्दलिक्खा, जे यावण्णे तहप्पगारा, ते समासओ दुविहा पत्तणत्ता, तंजहापज्जत्ता य अपज्जत्ता य । तेसि णं भंते ! जीवाणं कइ सरीरगा पण्णत्ता ? गोयमा ! तओ सरीरगा पण्णत्ता, तंजहा-ओरालिए तेयए कम्मए । तेसि णं भंते ! जीवाणं केमहालिया सरीरओगाहणा पण्णत्ता ? गोयमा ! जहन्नेणं अंगुलासंखेजइभागं उक्कोसेणं बारसजोयणाई छेवठ्ठसंघयणा हुंडसंठिया, चत्तारि कसाया, चत्तारि सण्णाओ, तिणि लेसाओ, दो इंदिया, तओ समुग्घाया-वेयणा कसाया मारणंतिया, नोसन्नी असन्नी, णपुंसगवेयगा, पंच पजत्तीओ, पंच अपज्जत्तीओ, सम्मद्दिट्ठीवि मिच्छादिट्ठीवि नो सम्मामिच्छादिट्ठी, णो चक्खुदंसणी अचक्खुदंसणी णो
ओहिदसणी णो केवलदसणी । ते णं भंते ! जीवा किं णाणी अण्णाणी ? गोयमा ! णाणीवि अण्णाणीवि, जे णाणी ते नियमा दुण्णाणी, तंजहा-आमिणिबोहियणाणी सुयणाणी य, जे अन्नाणी ते नियमा दुअण्णाणी-मइअण्णाणी य सुयअण्णाणी
