________________
सुत्तागमे
[जीवाजीवाभिगमे
॥ १९ ॥ से किं तं पत्तेयसरीरबायरवणस्सइकाइया ? २. दुवालसविहा पण्णत्ता, तंजहा-रुक्खा गुच्छा गुम्मा लया य वल्ली य पव्वगा चेव । तणवलयहरियओसहिजलरुहकुहणा य बोद्धव्वा ॥१॥ से किं तं रुक्खा ? २ दुविहा पण्णत्ता, तंजहाएगबीया य बहुबीया य । से किं तं एगबीया ? २ अणेगविहा पण्णत्ता, तंजहानिबंबजंबु जाव पुण्णागणागरुक्खे सीवण्णि तहा असोगे य, जे यावण्णे तहप्पगारा, एएसि णं मूलावि असंखेजजीविया, एवं कंदा खंधा तया साला पवाला पत्ता पत्तेयजीवा पुप्फाई अणेगजीवाई फला एगबीया, सेत्तं एगबीया । से किं तं बहुबीया? २ अणेगविहा पण्णत्ता, तंजहा-अत्थियतेंदुयउंबरकविढे आमलगफणसदाडिमणग्गोहकाउंबरीयतिलयलउयलोद्धे धवे, जे यावण्णे तहप्पगारा, एएसि णं मूलावि असंखेजजीविया जाव फला बहुबीयगा, सेत्तं बहुबीयगा, सेत्तं रुक्खा, एवं जहा पण्णवणाए तहा भाणियव्वं, जाव जे यावन्ने तहप्पगारा, सेत्तं कुहणा-नाणाविहसंठाणा रुक्खाणं एगजीविया पत्ता । खंघोवि एगजीवो तालसरलनालिएरीणं ॥१॥ 'जह सगलसरिसवाणं पत्तेयसरीराणं' गाहा ॥ २ ॥ 'जह वा तिलसक्कुलिया' गाहा ॥ ३ ॥ सेत्तं पत्तेयसरीरबायरवणस्सइकाइया ॥ २० ॥ से किं तं साहारणसरीरबा. यरवणस्सइकाइया? २ अणेगविहा पण्णत्ता, तंजहा-आलुए मूलए सिंगबेरहिरिलिसिरिलिसिस्सिरिलिकिट्टिया छिरिया छिरियविरालिया कण्हकंदे वजकंदे सूरणकंदे खल्लूडे किमिरासिभद्दे मोत्थापिंडे हलिद्दा लोहारी णीहु[ठिहथिभुअस्सकण्णी सीहकनी सीउंढी मुसंढी जे यावण्णे तहप्पगारा ते समासओ दुविहा पण्णत्ता, तंजहा-पज्जत्तगा य अपजत्तगा य । तेसि णं भंते ! जीवाणं कइ सरीरगा पण्णत्ता ? गोयमा! तओ सरीरगा पन्नत्ता, तंजहा-ओरालिए तेयए कम्मए, तहेव जहा. बायरपुढविकाइयाणं, णवरं सरीरोगाहणा जहन्नेणं अंगुलस्स असंखेजइभागं उक्कोसेणं साइरेगजोयणसहस्सं, सरीरगा अणित्थंथसंठिया, ठिई जहन्नेणं अंतोमुहुत्तं उक्कोसेणं दसवाससहस्साइं, जाव दुगइया तिआगइया परित्ता अणंता पण्णत्ता, सेत्तं बायरवणस्सइंकाइया सेत्तं वणस्सइकाइया सेत्तं थावरा ॥ २१ ॥ से किं तं तसा ? २ तिविहा पण्णत्ता, तंजहा-तेउक्काइया वाउक्काइया ओराला तसा पाणा ॥ २२ ॥ से किं तं तेउक्काइया ? २ दुविहा पण्णत्ता, तंजहा-सुहुमतेउक्काइया य बायरतेउक्काइया य ॥ २३ ॥ से किं तं सुहुमतेउक्काइया? २ जहा सुहुमपुढविक्काइया नवरं सरीरगा सूइकलावसंठिया, एगगइया दुआगइया परित्ता असंखेजा पण्णत्ता, सेसं तं चेव, सेत्तं सुहमतेउक्काइया ॥ २४ ॥ से किं तं बायरतेउक्काइया? अणेगविहा पण्णत्ता, तंजहा-इंगाले जाले मुम्मुरे जाव सूरकंतमणिनिस्सिए, जे यावन्ने
