________________
प० १ चउप्पया] सुत्तागमे
११५ जहा पण्णवणाए, एवं विययपक्खी जाव जे यावन्ने तहप्पगारा ते समासओ दुविहा पण्णत्ता, तंजहा–पजत्ता य अपजत्ता य, णाणत्तं सरीरोगाहणा जह• अंगु० असं० उक्कोसेणं धणुपुहुत्तं ठिई उक्कोसेणं बावत्तरि वाससहस्साइं, सेसं जहा जलयराणं जाव चउगइया दुआगइया परित्ता असंखेजा पण्णत्ता, से तं खहयरसंमुच्छिमतिरिक्खजोणिया, से तं समुच्छिमपंचेंदियतिरिक्खजोणिया ॥ ३६ ॥ से किं तं गब्भवकंतियपंचेंदियतिरिक्खजोणिया ? २ तिविहा पण्णत्ता, तंजहाजलयरा थलयरा खहयरा ॥ ३७ ॥ से किं तं जलयरा ? जलयरा पंचविहा पण्णत्ता, तंजहा—मच्छा कच्छभा मगरा गाहा सुंसुमारा, सव्वेसिं भेदो भाणियव्वो तहेव जहा पण्णवणाए, जाव जे यावण्णे तहप्पगारा ते समासओ दुविहा पण्णत्ता, तंजहा–पजत्ता य अपजत्ता य, तेसि णं भंते ! जीवाणं कइ सरीरगा पण्णत्ता ? गोयमा! चत्तारि सरीरगा पन्नत्ता, तंजहा-ओरालिए वेउव्विए तेयए. कम्मए, सरीरोगाहणा जहन्नेणं अंगुलस्स असंखेज० उक्कोसेणं जोयणसहस्सं छव्विहसंघयणी पण्णत्ता, तंजहा-वइरोसभनारायसंघयणी उसभनारायसंघयणी नारायसंघयणी अद्धनारायसंघयणी कीलियासंघयणी सेवसंघयणी, छव्विहा संठिया पण्णत्ता, तंजहा-समचउरंससंठिया णग्गोहपरिमंडल. साइ० खुज० वामण. हुंड०, कसाया सव्वे सण्णाओ ४ लेसाओ ६ पंच इंदिया पंच समुग्घाया आइल्ला सण्णी नो असण्णी तिविहवेया छप्पज्जत्तीओ छअपज्जत्तीओ दिट्ठी तिविहावि तिण्णि दसणा णाणीवि अण्णाणीवि जे णाणी ते अत्थेगइया दुणाणी अत्थेगइया तिन्नाणी, जे दुन्नाणी ते नियमा आभिणिबोहियणाणी य सुयणाणी य, जे तिन्नाणी ते नियमा आभिणिबोहियणाणी सुय० ओहिणाणी, एवं अण्णाणीवि, जोगे तिविहे उवओगे दुविहे आहारो छद्दिसिं उववाओ नेरइएहिं जाव अहेसत्तमा तिरिक्खजोणिएसु सव्वेसु असंखेज्जवासाउयवज्जेसु मणुस्सेसु अकम्मभूमगअंतरदीवगअसंखेनवासाउयवज्जेसु देवेसु जाव सहस्सारो, ठिई जहण्णेणं अंतोमुहुत्तं उक्कोसेणं पुव्वकोडी, दुविहावि मरंति, अणंतरं उव्वट्टित्ता नेरइएसु जाव अहेसत्तमा तिरिक्खजोणिएसु मणुस्सेसु सव्वेसु देवेसु जाव सहस्सारो, चउगइया चउआगइया परित्ता असंखेज्जा पण्णत्ता, से तं जलयरा ॥३८॥ से किं तं थलयरा ? २ दुविहा पण्णत्ता, तंजहाचउप्पया य परिसप्पा य । से किं तं चउप्पया ? २ चउव्विहा पण्णत्ता, तंजहाएगखुरा सो चेव भेदो जाव जे यावन्ने तहप्पगारा ते समासओ दुविहा पण्णत्ता, तंजहा-पजत्ता य अपजत्ता य, चत्तारि सरीरा ओगाहणा जहन्नेणं अंगुलस्स असंखेज० उक्कोसेणं छ गाउयाई, ठिई ज० अं० उक्नोसेणं तिन्नि पलिओमाइं नवरं उव्वट्टित्ता
