________________
प० १ सुहुमपुढवीकाइया] सुत्तागमे
१०७ मिच्छादिट्री ॥ ते णं भंते ! जीवा किं चक्खुदंसणी अचक्खुदंसणी ओहिदंसणी केवलदसणी ? गोयमा! नो चक्खुदंसणी अचक्खुदंसणी नो ओहिदसणी नो केवलदसणी ॥ ते णं भंते ! जीवा किं नाणी अण्णाणी ? गोयमा ! नो नाणी अण्णाणी, नियमा दुअण्णाणी, तंजहा-मइअन्नाणी सुयअण्णाणी य ॥ ते णं भंते ! जीवा किं मणजोगी वयजोगी कायजोगी ? गोयमा ! नो मणजोगी नो वयजोगी कायजोगी ॥ ते णं भंते ! जीवा किं सागारोवउत्ता अणागारोवउत्ता ? गोयमा ! सागारोवउत्तावि अणागारोवउत्तावि ॥ ते णं भंते ! जीवा किमाहारमाहारेंति ? गोयमा ! दव्वओ अणंतपएसियाई खेत्तओ असंखेज्जपएसोगाढाई कालओ अन्नयरसमयट्टिइयाइं भावओ वण्णमंताई गंधमंताई रसमंताई फासमंताई ॥ जाइं भावओ वण्णमंताई आ० ताई किं एगवण्णाइं आ० दुवण्णाई आ० तिवण्णाई आ० चउवण्णाइं आ० पंचवण्णाई आ० ? गोयमा ! ठाणमग्गणं पड्डुच्च एगवण्णाइंपि दुवण्णाइंपि तिवण्णाइंपि चउवण्णाइंपि पंचवण्णाइंपि आ०, विहाणमग्गणं पडुच्च कालाइंपि आ० जाव सुकिल्लाइंपि आ०, जाई वण्णओ कालाई आ० ताई कि एगगुणकालाई आ० जाव अणंतगुणकालाई आ० ? गोयमा ! एगगुणकालाइंपि आ० जाव अणंतगुणकालाइंपि आ० एवं जाव सुकिल्लाइं ॥ जाइं भावओ गंधमंताई आ० ताई. किं एगगंधाइं आ० दुगंधाइं आ० ? गोयमा ! ठाणमग्गणं पडुच्च एगगंधाइंपि आ० दुगंधाइंपि आ०, विहाणमग्गणं पडुच्च सुब्भिगंधाइंपि आ० दुब्भिगंधाइंपि आ०, जाइं गंधओ सुब्भिगंधाइं आ० ताइं किं एगगुणसुब्भिगंधाइं आ० जाव अणंतगुणसुरभिगंधाइं आ० ? गोयमा ! एगगुणसुब्भिगंधाइंपि आ० जाव अणंतगुणसुब्भिगंधाइंपि आ०, एवं दुब्भिगंधाइंपि ॥ रसा जहा वण्णा ॥ जाइं भावओ फासमंताई आ० ताई किं एगफासाइं आ० जाव अट्ठफासाइं आ० ? गोयमा ! ठाणमग्गणं पडुच्च नो एगफासाई आ० नो दुफासाइं आ० नो तिफासाइं आ० चउफासाइं आ० पंचफासाइंपि जाव अट्ठफासाइंपि आ०, विहाणमग्गणं पडुच्च कक्खडाइंपि आ० जाव लुक्खाइपि आ०, जाइं फासओ कक्खडाई आ० ताइं किं एगगुणकक्खडाइं आ० जाव अणंतगुणकक्खडाइं आ० ? गोयमा ! एगगुणकक्खडाइंपि आ० जाव अणंतगुणकक्खडाइंपि आ० एवं जाव लुक्खा णेयव्वा ॥ ताई भंते ! किं पुट्ठाई आ० अपुट्ठाई आ० ? गोयमा ! पुट्ठाई आ० नो अपुट्ठाई आ०, ताई भंते ! किं ओगाढाइं आ० अणोगाढाई आ० ? गोयमा ! ओगाढाइं आ० नो अणोगाढाई आ०, ताइं भंते ! किमणंतरोगाढाइं आ० परंपरोगाढाइं आ० ? गोयमा ! अणंतरोगाढाइं आ० नो परंपरोगाढाइं आ०, ताइं भंते ! किं अणूइं आ० बायराइं आ० ? गोयमा ! अणूइंपि
