________________
सुत्तागमे
[जीवाजीवाभिगमे
संसारसमावण्णगा जीवा प०, एगे एवमाहंसु-पंचविहा संसारसमावण्णगा जीवा प०, एएणं अभिलावेणं जाव दसविहा संसारसमावण्णगा जीवा पण्णत्ता ॥ ८॥ तत्थ णं जे एवमाहंसु 'दुविहा संसारसमावण्णगा जीवा प०' ते एवमाहंसु-तं०तसा चेव थावरा चेव ॥ ९ ॥ से किं तं थावरा ? २ तिविहा पन्नत्ता, तंजहापुढविकाइया १ आउकाइया २ वणस्सइकाइया ३ ॥ १०॥ से किं तं पुढविकाइया ? २ दुविहा प०, तं०-सुहुमपुढविकाइया य बायरपुढविकाइया य ॥ ११॥ से किं तं सुहुमपुढविकाइया ? २ दुविहा प०, तं०-पज्जत्तगा य अपजत्तगा य । संगहणिगाहासरीरोगाहणसंघयणसंठाणकसाय तह य हुंति सण्णाओ। लेसिदियसमुग्घाओ, सन्नी वेए य पजत्ती ॥ १॥ दिट्ठी दंसणनाणे जोगुवओगे तहा किमाहारे। उववायठिई समुग्घायचवणगइरागई चेव ॥ २ ॥ १२ ॥ तेसि णं भंते ! जीवाणं कइसरीरगा पण्णत्ता ? गोयमा! तओ सरीरगा प०, तं०-ओरालिए तेयए कम्मए॥ तेसि णं भंते ! जीवाणं केमहालिया सरीरोगाहणा प० ? गो० ! जहन्नेणं अंगुलासंखेजइभाग उक्कोसेणवि अंगुलासंखेज्जइभागं ॥ तेसि णं भंते! जीवाणं सरीरा किंसंघयणा. पण्णत्ता ? गोयमा ! छेवट्ठसंघयणा पण्णत्ता । तेसि णं भंते! सरीरा किंसंठिया प०? गोयमा ! मसूरचंदसंठिया पण्णत्ता ॥ तेसि णं भंते ! जीवाणं कइ कसाया पण्णत्ता ? गोयमा ! चत्तारि कसाया पण्णत्ता, तंजहा-कोहकसाए माणकसाए मायाकसाए लोहकसाए ॥ तेसि णं भंते ! जीवाणं कइ सण्णाओ पण्णत्ताओ ? गोयमा! चत्तारि सन्नाओ पण्णत्ताओ, तंजहा-आहारसण्णा जाव परिग्गहसन्ना ॥ तेसि णं भंते ! जीवाणं कइ लेसाओ पण्णत्ताओ ? गोयमा ! तिन्नि लेस्साओ पन्नत्ताओ तंजहा-किण्हलेस्सा नीललेस्सा काउलेस्सा ॥ तेसि णं भंते ! जीवाणं कइ इंदियाई पण्णत्ताइं ? गोयमा ! एगे फासिंदिए पण्णत्ते ॥ तेसि णं भंते ! जीवाणं कइ समुग्घाया पण्णत्ता ? गोयमा ! तओ समुग्घाया पण्णत्ता, तंजहा-वेयणासमुग्घाए कसायसमुग्याए मारणंतियसमुग्घाए ॥ ते णं भंते ! जीवा किं सन्नी असन्नी ? गोयमा! नो सन्नी असन्नी ॥ ते णं भंते ! जीवा किं इत्थिवेया पुरिसवेया णपुंसगवेया ? गोयमा ! णो इत्थिवेया णो पुरिसवेया णपुंसगवेया ॥ तेसि णं भंते!. जीवाणं कइ पजत्तीओ पण्णत्ताओ? गोयमा ! चत्तारि पज्जत्तीओ पण्णत्ताओ, तंजहाआहारपजत्ती सरीरपज्जत्ती इंदियपजत्ती आणपाणुपजत्ती । तेसि णं भंते ! जीवाणं. कइ अपजत्तीओ पण्णत्ताओ ? गोयमा ! चत्तारि अपजत्तीओ पण्णत्ताओ, तंजहाआहारअपज्जत्ती जाव आणापाणुअपजत्ती ॥ ते णं भंते ! जीवा किं सम्मदिट्ठी मिच्छादिट्ठी सम्मामिच्छादिट्ठी ? गोयमा ! णो सम्मदिट्ठी मिच्छादिट्ठी नो सम्मा
