________________
सुत्तागमे
[ जीवाजीवाभिगमे
• बायराईपि आहारेंति, ताइं भंते! किं उड् आ० अहे आ० तिरियं आहारेंति ? गोमा ! उडुंपि आ० अहेवि आ० तिरियंपि आ०, ताई भंते! किं आई आ० मज्झे
० पज्जवसाणे आहारैति ? गोयमा ! आइपि आ० मज्झेवि आ० पज्जवसाणेवि आ०, ताई भंते! किं सविसए आ० अविसए आ० ? गोयमा ! सविसए आ० नो अविसए आ०, ताई भंते! किं आणुपुवि आ० अणाणुपुवि आहारेंति ? गोयमा ! आणुपुव्वि आहारेंति नो अणाणुपुवि आहारेंति, ताइं भंते ! किं तिदिसिं आहारेंति चउदिसिं आहारेंति पंचदिसिं आहारेंति छदिसिं आहारेंति ? गोयमा ! निव्वाघाएणं छदिसिं, वाघायं पडुच्च सिय तिदिसिं सिय चउदिसिं सिय पंचदिसिं, उस्सन्नकारणं पहुच वण्णओ काल नील जाव सुक्किल्लाई, गंधओ सुब्भिगंवाई दुब्भिगंधाई, रसओ जाव तित्तमहुराई, फासओ कक्खडमउय जाव निद्धलुक्खाई, तेसिं पोराणे वण्णगुणे जाव फासगुणे विप्परिणामइत्ता परिपीलइत्ता परिसाडइत्ता परिविद्धंसइत्ता अण्णे अपुव्वे वण्णगुणे गंधगुणे जाव फागुणे उप्पात्ता आयसरीरखेत्तोगाढे पोग्गले सव्वप्पणयाए आहारमाहाति ॥ ते णं भंते! जीवा कओहिंतो उववज्जंति ? किं नेरइएहिंतो उववज्जंति तिरिक्खमणुस्सदेवेहिंतो उववजंति ? गोयमा ! नो नेरइएहिंतो उववज्जंति, तिरिक्खजोणिहिंतो उववजंति मणुस्सेहिंतो उववज्जंति, नो देवेहिंतो उववज्जंति, तिरिक्खजोणियपज्जत्तापजत्तेहिंतो असंखेज्जवासाउयवज्जेहिंतो उववज्जंति, मणुस्सेहिंतो अकम्म भूमिगअसंखेज्जवासाउथवज्जेहिंतो उववज्जंति, वक्कंतीउववाओ भाणियव्वो ॥ तेसि णं भंते! जीवाणं केवइयं कालं ठिई पण्णत्ता ? गोयमा ! जहन्नेणं अंतोमुहुत्तं उक्कोसेणवि अंतोमुहुत्तं ॥ ते णं भंते ! जीवा मारणंतियसमुग्धाएणं किं समोहया मरंति असमोहया मरंति ? गोयमा ! समोहयावि मरंति असमोहयावि मरंति ॥ ते णं भंते ! जीवा अनंतरं उव्वहिता कहिं गच्छेति ? कहिं उववज्जंति ? - किं नेरइएस उववजंति तिरिक्खजोगिएसु उ० मणुस्सेसु उ० देवेसु उवव० ?, गोयमा ! नो नेरइएस उववजंति तिरिक्खजोणिएस उ० मणुस्सेसु उ० णो देवेसु उवव० । जइ तिरिक्खजोणिएस उववज्जंति किं एर्गिदिएस उववजंति जाव पंचिदिएसु उ० ? गोयमा ! एगिदिएस. उववजंति जाव पंचेंदियतिरिक्खजोगिएसु उववजंति, असंखेज्जवासाउयवज्जेसु पजत्तापज्जत्तएसु उव०, मणुस्सेसु अकम्मभूमगअंतरदीवगअसंखेज्जवासाउयवज्जेसु पजत्तापज्जत्तएसु उव• ॥ ते णं भंते ! जीवा कइगइया कइआगइया पण्णत्ता ? गोयमा ! दुगइया दुआगइया, परित्ता असंखेज्जा पण्णत्ता समणाउसो ! से त्तं सुहुमपुढविकाइया ॥ १३ ॥ से किं तं बायरपुढविकाइया ? २ दुविहा पण्णत्ता, तंजहा - सण्हबायरपुढविक्काइया य खरबायरपुढविक्काइया य ॥ १४ ॥ से किं तं सहबायरपुढविकाइया ? २ सत्तविहा
१०८
