________________
सुत्तागमे
[अणुओगदारसुत्तं सराणं सत्त सरलक्खणा पण्णत्ता । तंजहा-गाहाओ-सज्जेणं लहई वित्ति, कयं च न विणस्सइ । गावो पुत्ता य मित्ता य, नारीणं होइ वलहो ॥१॥ रिसहेण उ एस(पसे)जं, सेणावचं धणाणि य । वत्थगंधमलंकारं, इथिओ सयणाणि य ॥२॥ गंधारे गीयजुत्तिण्णा, वज्जवित्ती कलाहिया। हवंति कइणो धण्णा, जे अण्णे सत्थपारगा ॥ ३ ॥ मज्झिमसरमंता उ, हवंति सुहजीविणो । खायई पियई देई, मज्झिमसरमस्सिओ ॥ ४ ॥ पंचमसरमंता उ, हवंति पुहवीपई । सूरा संगहकत्तारो, अणेगगणनायगा ॥ ५ ॥ रेवयसरमंता उ, हवंति दुहजीविणो । साउणिया वाउरिया, सोयरिया य मुट्ठिया ॥ ६ ॥ णिसायसरमंता उ, होति कलहकारगा । जंघाचरौ लेहवाहा, हिंडगा भारवाहगा ॥ ७ ॥ एएसि णं सत्तण्हं सराणं तओ गामा पण्णत्ता । तंजहा-सज्जगामे १ मज्झिमगामे २ गंधारगामे ३ । सज्जगामस्स णं सत्त मुच्छणाओ पण्णत्ताओ। तंजहा-गाहा-मैग्गी कोरवियों हरिया, रयणी य सारकता य। छट्ठी य सारसी नाम, सुद्धसज्जा य सत्तमा ॥ १ ॥ मज्झिमगामस्स णं सत्त मुच्छणाओ पण्णत्ताओ । तंजहा-उत्तरमंदा रयणी, उत्तरा उत्तरासमा । समोचता य सोवीरा, अभिरूवाँ होइ सत्तमा ॥१॥ गंधारगामस्त णं सत्त मुच्छणाओ पण्णत्ताओ। तंजहा-नंदी य खुड्डिया पूरिमा य, चउत्थी य सुद्धगंधारा । उत्तरगंधारा वि य, सा पंचमिया हवइ मुच्छा ॥ १ ॥ सुट्टत्तरमायामा, सा छट्ठी सव्वओ य णायव्वा । अह उत्तरायया कोडिमा य, सा सत्तमी मुच्छा ॥ २ ॥ सत्तसरा कओ हवंति ?, गीयस्स का हवइ जोणी ? । कइसमया ओसासा ?, कइ वा गीयस्स आगारा?॥१॥ सत्तसरा नाभीओ, हवंति गीयं च रुझ्यजोणी । पायसमा ऊसासा, तिष्णि य गीयस्स आगारा ॥ २ ॥ आइमउ आरभंता, समुव्वहंता य मज्झयारम्मि । अवसाणे उज्झंता, तिण्णि य गीयस्स आगारा ॥ ३ ॥ छद्दोसे अट्ठगुणे, तिण्णि य वित्ताई दो य भणिईओ। जो नाही सो गाहिइ, सुसिक्खिओ रंगमज्झम्मि ॥ ४ ॥ भीयं दुयं उप्पिच्छं, उत्तालं च कमसो मुणेयव्वं । कागस्सरमणुणासं, छद्दोसा होंति गेयस्त ॥५॥ पुणं रत्तं च अलंकियं च, वैत्तं च तहेवमविधुढे । मर्हरं समं सुललियं, अद्वगुणा होति गेयस्स ॥ ६ ॥ उरकंठेसिरैविसुद्धं च, गिजंते मउयरिभियेपयर्वद्धं । समतालपडुक्खेवं, सत्तस्सरसीभरं गीयं ॥ ७ ॥ अक्खरसमं पयसैम, तालसमं लयसमं च गेहसंमं । नीससिओससियसमं, संचारसँमं सरा सत्त ॥ ८ ॥ निदोस सारैमंतं च, हेउजुत्तमलंकियं । उर्वणीयं सोवयारं च, मियं महुरमेवं य ॥ ९ ॥ समं अद्धसमं चेव, सव्वत्थ विसंमं च जं । तिण्णि वित्तपयाराई, चउत्थं नोवलन्भइ
१ पाढंतरं-कुचेला य कुवित्ती य, चोरा चंडालमुट्ठिया। २ पायचारित्ति अट्ठो।
